Genesis 14:22 - De Beebaa Dabu

²² Aagai Abram ga hai ange gi de hodooligi o Sodom, “Au gu hagatoo donu ange gi Tagi Maolunga, go de Maadua Maolunga Mmao laa, go de ia ne haia de langi ma henua i lalo,

Genesis 14:22 Iomraidhean Croise

Genesis 14:21

Gai de hodooligi o Sodom ne hai ange gi Abram, “Hagaahea mai gi de au dangada alodahi, gai koe gaavee denga goloa moou.”

Genesis 17:1

Gai ga massiva ma siva huu ngadau o Abram, gai Tagi Maolunga ga hakide ange gi de ia, ga hai ange, “Go au go de Maadua Mmahi Mmao laa. Koe gi hai hegau i de mee heohi i mada luoogu mada.

Genesis 21:33

Gai Abraham ga doo dahi tamarisk i Beersheba, gai ia ga dalodalo ange gi Tagi Maolunga, de Maadua e mouli laa ga hano ai.

Genesis 24:3

gai koe ga hagatoo donu mai gi de au, i de ingoo o Tagi Maolunga, de Maadua o de langi ma henua i lalo, bolo koe e dee kave donu dahi bodu moo dagu dama, mai i denga damaa hine a de gau Canaan, go dangada oogu e noho nei i olaadeu magavaa,

2 Samuel 2:5

gai ia ne hai hanu daane gi hulo gi hai ange gi de gau Jabesh Gilead, “Tagi Maolunga gi hagamanuuia ina goodou, go hiidinga goodou ne hagadubu doodou dangada aamua go Saul, i doodou danu ia.

2 Kings 5:16

Aagai Elisha ne hai ange, “Au e hagatoo donu i de mouli o Tagi Maolunga, de ia oogu e hai hegau ange nei aagena, bolo au e dee kave donu dahi mee ngadi gaavange daudahi naa.” Gai Naaman ne hagammahi ange ia gi gaavee mee laa, aagai ia tee kave.

1 Chronicles 29:11

Tagi Maolunga, koe e maolunga, gai e mmahi, koe e mahamaha, koe e kii, gai niiou ssauaa e dagi ai, gai niiau mee alodahi i de langi ma henua i lalo. Tagi Maolunga, niiou de nohoanga hodooligi, gai koe e aamua i honga mee alodahi.

Psalm 144:11

Hagaola ina au ma de hagamouli au mai i ssauaa o de gau henua gee, go gilaadeu e daalaa denga muna hhadu, gai olaadeu lima e hagatoo donu ai e daahanga dangada.

Psalm 144:8

Gilaadeu e hadu muna, gai alaadeu hagatoo donu e dee ni muna abodonu.

Psalm 24:1

Henua i lalo ma mee alodahi iai nii Tagi Maolunga, ma honga henua ma dangada alodahi e nnoho ai;

Psalm 83:18

Gai gilaadeu gi iloo koe, go de ia e hagaingoo ange laa go Iahweh, gai go koe donu huu de Ia Maolunga Mmao i henua i lalo alodahi.

Exodus 6:8

Gai au ga kave ai goodou gi de henua aagu gu hagatoo donu ange gi Abraham, ma Isaac, aama Jacob, ga gaavadu e henua ai goodou. Go au donu go Iahweh.’ ”

Isaiah 57:15

E hagadaba de Ia Maolunga Mmao go de Ia Aamua — go de ia e mouli ga hano ai, gai dono ingoo e dabu: “Au e noho i de mommee maolunga ma de dabu, aagai au e noho hogi i daho tangada e dahuli ono lodo ma de lodo maolalo, gai au ga hagamouli de hagasaalunga o tangada lodo maolalo aama de hagammahi lodo o dangada gu daahuli olaadeu lodo.

Daniel 12:7

Gai taane e gahu laa i malo linen ma e duu ai i honga vai o ssaalingaa vai, ne haalo luoono lima gi lunga; gai au ne langona ia e hagatoo donu i de ingoo o de ia e mouli laa ga hano ai, ga hagadaba, “E dahi masavaa, ma hanu masavaa, aama e dahi baasi masavaa. Gai de masavaa naa huu e lava ai de hagaduasala o de huaadangada dabu laa, gai mee nei alodahi gu lava.”

Daniel 4:34

Gai ga odi huu denga ngadau e hidu laa, gai au, Nebuchadnezzar, ga galo age gi de langi, gai dogu biho gu ahe ange ga danuaa. Gai au ga tuhi de Ia Maolunga Mmao laa ma de hagadubu de ia e mouli laa ga hano ai. Dono sauaa e dagi ai e dee ngado mai donu; dono nohoanga hodooligi e dagodo naa donu huu i denga atangada alodahi.

Haggai 2:8

Niiagu denga selevaa, gai niiagu denga goolo, go Tagi o denga hagabuulinga hebagi e hagadaba.

Deuteronomy 10:14

Goodou gi tonu iho bolo niio Tagi Maolunga doodou Maadua, de langi ma henua i lalo ma mee alodahi iai.

Deuteronomy 32:40

Au e haalo age dogu lima gi de langi e hagatoo donu: i taulooloa dogu mouli ga hano ai,

Judges 11:35

Gai ga gidee huu e Jephthah ia, gai ia ga saesae ono malo, ga hai ange, “Dagu damaa hine! Koe gu hai ma gu hinangalosaa mmao ogu lodo, gai koe gu gaamai dahi hai ngadaa laumalie gi de au; go hiidinga au gu hagatoo donu ange gi Tagi Maolunga, gai au e dee maua donu i de hagaahe dagu hagatoo donu.”