Genesis 14:15 - De Beebaa Dabu

¹⁵ Gai Abram ne vae ono daane hebagi i de boo, ga hebagi ange gi denga daane de baasi gee, ma de doolohi gilaadeu ga hulo gu tae gi Hobah, se mommee i de bido i ngaiho o Damascus.

Genesis 14:15 Iomraidhean Croise

Genesis 15:2

Aagai Abram ga hai ange, “Dogu Ia Aamua go Iahweh, se aha naa aau e gaamai gi de au, gai au e deai sagu dama, gai de ia e bolo ai agu mee go Eliezer taane Damascus?”

1 Kings 15:18

Gai Asa ne kave denga selevaa ma goolo alodahi e doe laa i lo te mommee doange i de hale o Tagi Maolunga, aama de mommee doange i de hale o de hodooligi, ga gaavange gi hanu dagi o de henua gi gaavee gi gaavange gi Ben-Hadad, tama daane a Tabrimmon, tama daane a Hezion, de hodooligi o Syria i Damascus, ga hai ange,

Psalm 112:5

Tanuaa e humai naa gi tangada abodonu ma de gaavange sseene gi dangada, go tangada e hai hegau i de hagamodu heohi.

Isaiah 17:1

Muna hagadaemaha i dagodo o Damascus. “Tilo, Damascus e hai naa ga dee se aduhale, aagai e oha naa ga se mommee e ngadi dagodo.

Isaiah 7:8

go hiidinga de biho o Syria go Damascus, gai de biho o Damascus go Rezin. E madaono ma lima ange naa donu huu ngadau gai Ephraim gu oohaa, gilaadeu gu dee dau bolo se huaadangada.

Jeremiah 49:23

Dagodo o Damascus. “Hamath ma Arpad gu hagadookaa ina, go hiidinga gilaau gu langona hanu longo baubau; gilaau gu maatagu olaau lodo, gilaau gu dee paba olaau lodo bei dagodo o tai e dee maua laa gi malino.

Ezekiel 27:18

Gai go hiidinga de lagolago oo goloa danuaa, ma doo lava i denga hagadaagangaa goloa, Damascus ne hagao oo goloa i denga uvaini mai i Helbon ma huluhulu manu mai i Zahar.

Ezekiel 47:16

ma Berothah, ma Sibraim, (se mommee i magavaa o Damascus ma Hamath) gai e hano hogi ga dae gi Hazar Hatticon, go de mommee e duu laa i gaogao de ngaadonga o Hauran.

Acts 9:10

Aagai e dahi daane gu hagadonusia laa e noho i Damascus, dono ingoo go Ananias. Gai Tagi Maolunga ne hai ange gi de ia i de midi hagaago ange, “Ananias!” Gai ia ga hai ange, “Tagi Maolunga, deenei au.”

Acts 9:2

ga dangidangi ange i hanu leda e hagasauaa ai dono hano gi denga synagogue i Damascus, gi maua ai e ia i de noonooa denga daane ma haahine noo ia e gidee hanu gu dau ange gi de Haiava, gai ia ga gaamai ai gilaadeu gi Jerusalem.

Acts 9:8

Gai a Saul ne hidi age i honga de gelegele ga aala luoono mada, gai ia gu dee gidee dahi mee. Deelaa ai, denga daane madali ia ne dagi ia ga kave gi Damascus.

Deuteronomy 15:2

Gai deenei de hai e hai ai: tangada e hanu muli a dangada ange gi de ia, gai ia gi degi ange gi mee a dahi dangada Israel e muli ange ai. Ia e dee hai tangada laa aabe go dono daina e muli ange laa gi hagao ina ana muli, go hiidinga Tagi Maolunga gu hai dahi masavaa e degi ange ai gi muli a dangada.

Judges 7:16

Gai ia ne vaevae denga daane e dolulau laa ga hai ai e dolu hagabuulinga, ga gaavange dagidahi hanga manu, ma e dagidahi ssaa, aama e dagidahi laama i lodo alaadeu ssaa.