Genesis 13:10 - De Beebaa Dabu

¹⁰ Gai Lot ne galo ange ga tilo dagodo o de henua, gai ia gu gidee bolo de mommee soe i gaogao o Jordan, se mommee iai vai lagolago, i de baasi ange gi Zoar, gai e bei dagodo o de veelenga a Tagi Maolunga, ma de henua go Egypt. (Mee nei ne hai i mua de oha a Tagi Maolunga Sodom ma Gomorrah.)

Genesis 13:10 Iomraidhean Croise

Genesis 11:27

Deenei de aamuli o Terah. A Terah ne hagadili Abram, ma Nahor, aama Haran. Gai Haran ne hagadili a Lot.

Genesis 13:11

Gai a Lot ne kave de mommee soe alodahi i gaogao o Jordan, gai ia ne ngalue ga hano gi de baasi i dua. Gai gilaau gu mavaevae ga nnoho dagidahi.

Genesis 13:9

De henua alodahi e dugu adu gi de goe, gai koe ga hilihili ai doo mommee e hano e noho ai. Gai noo koe e hano gi de masui, gai au ga hano gi de madau. Gai noo koe e hano gi de madau, gai au ga hano gi de masui.”

Genesis 14:2

ne loomai e hebagi ange gi Bera, de hodooligi o Sodom, ma Birsha, de hodooligi o Gomorrah, ma Shinab, de hodooligi o Admah, ma Shemeber, de hodooligi o Zeboiim, aama de hodooligi o Bela, e bei go Zoar.

Genesis 14:8

Gai de hodooligi o Sodom, ma de hodooligi o Gomorrah, ma de hodooligi o Admah, ma de hodooligi o Zeboiim, ma de hodooligi o Bela (e bei go Zoar) ne hulo e hebagi ange gi gilaadeu i de geelonga o Siddim,

Genesis 3:6

Gai ga gidee huu e de hine laa bolo hua o de manu laa e danuaa i de gai, gai e tilo danuaa, gai e hai ai tangada ga heiangi, gai ia ga hhagi dahi ono hua ga gai, gai ia ga gaavange hogi hanu gi dono bodu gi gaina.

Genesis 47:6

gai de henua go Egypt gu dugu adu gi de goe; haia gi nnoho doo damana ma oo daina, i de mommee danuaa hugadoo i de henua. Dugua ange gilaadeu gi nnoho i Goshen. Gai noo e hanu oo daina, aau e iloo bolo ni daane hai mee, gai koe haia gilaadeu gi diiloo ange agu manu haangai.”

Genesis 6:2

Gai ga gidee huu e dama a de Maadua de mahamaha o denga damaa hine a dangada, gai gilaadeu ga hili denga damaa hine olaadeu e vaasuu ai ga hai bodu ange aagena.

1 Kings 7:46

Gai de hodooligi ne hagavaivai denga bronze ga hai ai mee laa alodahi i de geelonga i gaogao Jordan, se mommee iai bela pigi i magavaa o Succoth ma Zarethan.

De Beebaa go Job 40:23

Tilo, noo ssaalingaa vai e mmilo, gai ia e dee madagu donu; ia e baba ono lodo, e dee galemu donu de ssii age vai o Jordan gi dono ngudu.

Psalm 107:34

de gelegele iai manu hhua lagolago gi se gelegele e dee ssomo ai manu, i hiidinga baubau o dangada e nnoho i kilaa.

Isaiah 15:5

Au gu dangi ogu lodo i hiidinga o Moab; hanu ono dangada gu saavini ma gu hulo gi Zoar, ma Eglath Shelishiyah. Gilaadeu e tangi ma e hulo ai i delaadeu loage i de haiava e hano laa gi Luhith, gilaadeu e tangi i hiidinga mee gu maoha laa i honga de haiava e hano laa gi Horonaim.

Isaiah 51:3

Tagi Maolunga e hagaaneane naa donu Zion, ma de lodo aloha ange gi ono mommee alodahi gu oohaa laa; ia e hai naa ono vao gi bei Eden, gai ono lodo henua gi bei de veelenga a Tagi Maolunga. De malangilangi ma de lodo danuaa e dagodo naa i kilaa, aama de hagaahe ange de abodonu ma de leo o taahili.

Jeremiah 48:34

Leo o delaadeu tangi gu langona mai i Heshbon ga dae ai gi Elealeh, ma Jahaz, ma mai i Zoar ga dae ai gi Horonaim aama Eglath Shelishiyah, gai Nimrim gu deai vai iai.

Ezekiel 16:46

Doo daina hahine madua go Samaria, ia e noho madali ana damaa hine i oo baasi ngaiho; gai doo daina hahine gauligi go Sodom, ia e noho i oo baasi i ngaage madali ana damaa hine.

Ezekiel 16:49

Tilo, deenei de mee o doo daina hahine go Sodom ne haisala ai: gilaadeu ma ana damaa hine ne llodo maolunga, ne lagolago alaadeu gai ma de ilaage; gai tee bale ange hogi de gau hagaau aloha ma gilaadeu e duasala.

Ezekiel 28:13

Koe nogo noho i de veelenga a de Maadua go Eden; koe ne hagalaagii i denga hadu hagamogomogo alodahi, go de ruby, ma de topaz, ma de emerald, ma de chrysolite, ma de onyx, ma de jasper, ma de sapphire, ma de turquoise, aama de beryl. Gai mee e hagabigibigi ange aagena aama mee e maaga ai ni goolo. Mee nei ne hagadabena adu gi de goe, mai i de laangi oou ne hagadau ai.

Ezekiel 31:8

E deai ange donu cedar i lo te veelenga a de Maadua e bei ono dagodo, gai e deai donu fir e bei ono laa; e deai hogi plane e bei ono laa, aabe se manu daudahi i de veelenga a de Maadua ne bei dono mahamaha.

Ezekiel 31:9

Au ne hai ga mahamaha de manu laa i de lagolago ono laa, gai manu ssomo alodahi o Eden i lo te veelenga a de Maadua go Eden, e llodo gaiaa ange aagena.

Ezekiel 47:18

Gai de ngaadonga i baasi i dua e daamada mai i magavaa o Hauran ma Damascus, ga hano laa gaogao ssaalingaa vai go Jordan, i magavaa Gilead ma de henua o Israel, ga hano ai gi tai i de baasi i dua, gai e hano ga dae gi Tamar. Deenei de ngaadonga i baasi i dua.

Joel 2:3

De ahi e dudu naa mee i ono mada i mua, gai de ula o de ahi e hanadu naa i olaadeu dua. De henua gu bei de veelenga o Eden i olaadeu mada i mua, gai olaadeu dua gu lodo henua e ngadi dagodo, gai e deai donu mee e maua gi ola mai i gilaadeu.

Deuteronomy 34:3

ma Negev, ma de mommee soe, ma de geelonga i gaogao o Jericho, de aduhale o denga palm, ga hano ai ga dae gi Zoar.