Genesis 12:4 - De Beebaa Dabu

⁴ Gai Abram ne hano, bei de hai a Tagi Maolunga gu tala ange gi de ia; gai a Lot ne hano madali ia. Gai Abram gu madahidu ma lima ono ngadau i de masavaa oona ne hano gee ai i Haran.

Genesis 12:4 Iomraidhean Croise

Genesis 11:27

Deenei de aamuli o Terah. A Terah ne hagadili Abram, ma Nahor, aama Haran. Gai Haran ne hagadili a Lot.

Genesis 11:31

Gai a Terah ga kave dana dama daane go Abram, ma dono mogobuna go Lot, tama daane a Haran, aama Sarai dono saulaba ga hulo gee mai ai i Ur o de gau Babylon ga hulo gi Canaan, gai gilaadeu ne hulo ga tae gi Haran ga noho ai.

Genesis 13:5

Gai Lot, taane e hano saele laa madali Abram, gu lagolago hogi ana ssiibi, ma ana manu haangai, aama ono hale malo.

Genesis 16:16

Gai Abram gu madavalu ma ono ono ngadau, i de masavaa a Hagar ne haanau ai dana dama go Ishmael.

Genesis 16:3

Gai Sarai, dono bodu, ne kave Hagar, dono hahine hai hegau mai i Egypt ga gaavange gi dono bodu go Abram, e hai ai dono bodu. Gai mee nei ne hai i dua de noho o Abram i Canaan, i e madaangahulu ngadau.

Genesis 25:7

Gai Abraham ne mouli i e 175 ngadau.

Genesis 28:10

Gai Jacob ga hano gee mai i Beersheba ga hano gi Haran.

Acts 7:4

Gai ia ne hano gee mai i de henua o de gau Chaldea ga hano ga noho i Haran. Gai dua huu de magau o dono damana, gai de Maadua ga hai ia gi hano gee i de henua laa, gi humai gi de henua oodou e nnoho ai nei iainei.

Hebrews 11:8

De gai o Abraham ne hai ga maua e ia i de daudali i muna a de Maadua, i dono masavaa ne hagahia ai gi hano gi de mommee gu bolo ange gi de ia i muli mai; ia ne hano, gai ia tee iloo donu be go hee oona e hano laa aagena.

Hebrews 6:15

Gai Abraham ne kave mee gu lava laa i de hagatoo donu, i hiidinga dana hagammahi ga golomagi ono lodo.