Genesis 11:9 - De Beebaa Dabu

⁹ Deelaa ai, gu hagaingoo ange go Babel, go hiidinga go kilaa a Tagi Maolunga ne hai ai ga dee heloongoi denga muna o henua i lalo alodahi, gai go kilaa a Tagi Maolunga ne hai ai dangada gi mavaevae gi henua i lalo alodahi.

Genesis 11:9 Iomraidhean Croise

Genesis 10:10

Taamada age o dono nohoanga hodooligi go Babel, ma Erek, ma Accad, ma Calneh, i de henua go Shinar.

Genesis 10:20

Gai aanei dama daane a Ham, ma olaadeu hagadiilinga, ma alaadeu muna, ma olaadeu henua, aama olaadeu huaahenua.

Genesis 10:25

Eber ne hagadili e dogolua dama daane. De ingoo o dahi go Peleg, (go hiidinga dangada o henua i lalo ne mavaevae i dono masavaa), gai de ingoo o dono daina go Joktan.

Genesis 10:5

(Gai denga huaadangada i tagudai nei ne hai ga dohu olaadeu vaaenga i olaadeu hagadiilinga ma olaadeu huaahenua, gai dahi huaadangada nei ma ana muna.)

Psalm 55:9

Dogu Ia Aamua, haia gi dee heloongoi de gau baubau, go hiidinga au gu gidee de vaivai haia o dangada ma de hebagi i lo te aduhale.

Acts 17:26

Gai ia ne hai denga huaahenua alodahi i daho dahi dangada daudahi, gai gilaadeu ga nnoho ai i honga henua i lalo alodahi. Madagidagi gai ia gu hagamodu denga masavaa ma goinga o olaadeu mommee e nnoho ai,

1 Corinthians 14:23

Deenei ai, noo de nohoanga dabu alodahi gu hagabuni, gai dangada alodahi e pasa i denga hagadaagangaa muna, gai hanu dangada gee aabe ni dangada tigi hagadonusia e ulu mai, gai gilaadeu e dee hagataba naa bolo goodou gu ssenga ange?