Genesis 11:3 - De Beebaa Dabu

³ Gai gilaadeu ga hagataba i olaadeu magavaa, “Loomai, gidaadeu ga hai hanu duudangaa hadu, ga lala gi makaga.” Gilaadeu ne hagaduu i denga duudangaa hadu e dee go denga ngadi hadu, gai ne hagabigibigi mee nei i denga bitumen.

Genesis 11:3 Iomraidhean Croise

Genesis 11:4

Gai gilaadeu ga hagataba, “Loomai, gidaadeu ga hagaduu dahi aduhale moodaadeu, ma dahi hale maolunga, ga hai de ulu gi dae age gi lo te langi i lunga, gai gi duuhia ai e dangada gidaadeu, gai gi dee mavaevae saele ai gidaadeu i henua i lalo.”

Genesis 11:7

Loomai, gidaadeu ga loiho e hai gi dee heloongoi gilaadeu i alaadeu muna, gi dee maua ai e dahi i de donu ange gi muna a tangada ange laa.”

Genesis 14:10

Gai de geelonga o Siddim e honu i denga tar, gai de masavaa huu o denga hodooligi o Sodom ma Gomorrah ne saavini ai e hulo, gai hanu gu too ange gi lodo mommee tar; gai de gau e doe ne saavini ga hulo gi denga mounga.

2 Samuel 12:31

Gai ia ne kave dangada i de aduhale laa, ga hagahai hegau gilaadeu i denga soaa, ma denga piigi iron, ma denga hagadaguu iron, ma de hai gilaadeu gi haia denga duudangaa hadu. Deenei dana hai ne hai ai dangada i aduhale alodahi o de gau Ammon. Gai David ma dono hagabuulinga hebagi alodahi ne aahe gi Jerusalem.

Psalm 64:5

Gilaadeu e hagadau hagammahi i alaadeu hagatau baubau; gilaadeu e madaangudu i de hai e hagammuni ai alaadeu sele; gilaadeu e hagataba, “Goai naa donu e gidee mee nei?”

Exodus 1:14

ma de hai gilaadeu gi kona iho i de hilo denga bela pigi ga hai ai denga duudangaa hadu, aama de hagahai hegau gilaadeu i lodo veelenga; de gau Egypt ne hai gi kona hegau a de gau Israel e hai.

Exodus 2:3

Aagai ga dee maua huu e ia i de hagammuni dana gaagaa, gai ia ga llanga dahi gede i denga papyrus ga haoli tua ma lodo i denga tar gi dee vava ai. Gai ia ga hhao ange dana gaagaa gi lo te gede laa, ga kave ga dugu i gaogao de Nile, i magavaa o denga aalege.

Proverbs 1:11

Noo gilaadeu e hai adu, “Humai madali gimaadeu, gidaadeu ga tali e daa dahi dangada gi magau, gidaadeu ga daa gi magau tangada tigi haisala;

Ecclesiastes 2:1

Au ne hagadaba i ogu lodo, “Humai, au ga hagatale nei goe i denga mee hagamalangilangi e tilo ai be se aha e danuaa.” Aagai tilo, de mee nei e deai hogi ono haigamaiana.

Isaiah 5:5

Iainei gai au e tala adu gi goodou dagu hai e hai ai dagu veelengaa grape: au e aau gee naa de buibui i luu baasi, gai e oha naa ga maoha; au e oha iho naa dono buibui, gi dagadagahia ai gi lalo.

Isaiah 65:3

Gilaadeu ni dangada e hagadaemaha ina ogu lodo i masavaa alodahi, gilaadeu e hai denga sigidaumaha i lodo veelenga, ma de dudu mee maanongi i honga mommee o ssigidaumaha e hai i hadu.

Isaiah 9:10

“Denga hadu gu maoha iho, aagai gimaadeu e hagaduu age ange naa i denga hadu gu hagamalali; denga sycamore gu lava i de sele iho, aagai gimaadeu e doo ange naa denga cedar gi olaadeu duulanga.”

Nahum 3:14

Asua mai vai e hagadabena ange gi de masavaa e duuli ina ai luu baasi o de aduhale, hagamakaga ina oo buibui! Gaamai denga bela pigi, ma de hilo denga mortar, gai hagadabena ina de mee e hagannoho ai denga cement!

Hebrews 10:24

Gai gidaadeu ga maanadu taadeu hai e hagadau hagammahi ange ai gidaadeu gi de aloha ma denga hegau danuaa,

Hebrews 3:13

Aagai goodou hagadau hagammahi ina goodou i laangi alodahi, i de masavaa goi hagabinga ai bolo go “anailaa nei,” gai dahi ma dahi gi dee hagamakaga ina ono lodo, i dono hagasengalia i de haisala.

James 4:13

Nnoho mai hagalaangona agu muna, goodou e hagataba laa, “Ailaa nei aabe go daiao gai gimaadeu e hulo naa gi dahi aduhale ga nnoho ai i e dahi ngadau, ga hagao mee ai gi maua ai mee lagolago.”

James 5:1

De gau lava, goodou nnoho mai hagalaangona. Goodou tangi ma de tangi see i hiidinga o denga hagaduasala gu dai tuu adu gi goodou.