Genesis 10:10 - De Beebaa Dabu

¹⁰ Taamada age o dono nohoanga hodooligi go Babel, ma Erek, ma Accad, ma Calneh, i de henua go Shinar.

Genesis 10:10 Iomraidhean Croise

Genesis 10:9

Gai ia gi se daane e abo i de dili manu i mada luu mada o Tagi Maolunga; deelaa ai, e hai ange, “Koe e bei dagodo o Nimrod, taane abo i de dili manu i mada luu mada o Tagi Maolunga.”

Genesis 11:2

Gai ga ngaalue mai huu dangada i de baasi i dua, gai gilaadeu gu gidee de mommee soe i de henua go Shinar, gai gilaadeu ga noho i kilaa.

Genesis 11:9

Deelaa ai, gu hagaingoo ange go Babel, go hiidinga go kilaa a Tagi Maolunga ne hai ai ga dee heloongoi denga muna o henua i lalo alodahi, gai go kilaa a Tagi Maolunga ne hai ai dangada gi mavaevae gi henua i lalo alodahi.

Genesis 14:1

De masavaa laa gai Amraphel, de hodooligi o Shinar ma Ariok, de hodooligi o Ellasar, ma Kedorlaomer, de hodooligi o Elam, aama Tidal, de hodooligi o Goiim,

Isaiah 10:9

Calno tee bei laa dagodo o Carchemish? Hamath tee bei laa dagodo o Arpad? Gai Samaria tee bei laa dagodo o Damascus?

Isaiah 11:11

De laangi laa gai de Ia Aamua e hagaahe mai naa ono dangada e doe i ssauaa o dono lima, mai i Assyria, ma Egypt, ma Pathros, ma Ethiopia, ma Elam, ma Babylon, ma Hamath, aama mai i denga modu alodahi.

Isaiah 39:1

De masavaa laa gai Merodak-Baladan, tama daane a de hodooligi o Babylon go Baladan, ne gaamai hanu leda ma dahi mee ngadi gaavange gi Hezekiah, go hiidinga ia gu langona bolo ia nogo magi gai gu ieiangi.

Jeremiah 21:2

“Dangidangi ange gi Tagi Maolunga i omaadeu hiidinga, go hiidinga de hodooligi o Babylon go Nebuchadnezzar gu humai e hebagi mai gi gimaadeu. Gai Tagi Maolunga gi haia hanu sauaa bei ana mee gu hai i denga masavaa gu hulo, gi hulo gee ai gilaadeu i omaadeu daha.”

Jeremiah 50:1

Muna a Tagi Maolunga ne tala i dagodo o Babylon, i daho de pelaabisi go Jeremiah, ma de henua o de gau Babylon:

Jeremiah 50:21

Goodou loage hebagi ange gi de henua go Merathaim, ma dangada e nnoho i Pekod. Dolohia, ga daa gilaadeu alodahi gi odi i de maakau, go Tagi Maolunga e hagadaba, Haia donu gi bei mee alodahi aagu gu tala adu gi de goe.

Ezekiel 27:23

Haran, ma Canneh, ma Eden, ma de gau hagao mee o Sheba, ma Assyria, aama Kilmad ne hagao hogi oo goloa.

Daniel 1:2

Gai de Ia Aamua ne dugu ange ia gi hagadee kii ina de hodooligi o Judah go Jehoiakim, ma de kave hanu goloa mai i de hale o de Maadua. Ia ne kave mee nei ga dugu i lo te hale daumaha o dono diinonga i Babylon.

Amos 6:2

Goodou hulo diiloo i Calneh, gai loadu gi de mommee maolunga go Hamath; ma de loiho gi Gath o de gau Philistia. E aha, gilaadeu e kii ange laa i luu nohoanga hodooligi nei? Olaadeu ungaamee e nnui ange laa i oodou ungaamee?

Micah 4:10

Tamaa hine o Zion, dangi ma gi dige saele i doo mmae, bei de hine gu hai ono hagalangona, go hiidinga koe gu dai hano gee naa i de aduhale ga nnoho gaainga i lodo henua. Koe e hano naa gi Babylon; gai koe e hagaola mai naa i kilaa. Gai Tagi Maolunga e hagao mai naa goe i daho oo hagadaumee.

Micah 5:6

gi dagina de henua go Assyria i de gadilaasa, ma de henua o Nimrod i de gadilaasa. Ia e hagaola naa gidaadeu mai i de gau Assyria i dono masavaa e gage mai ai gi honga taadeu henua ma de humai gi lodo odaadeu goinga.

Zechariah 5:11

Ia ne hai mai gi de au, “Gilaau e kave de gede laa gi de henua go Shinar, ma de hagaduu dahi hale e dugu ai. Gai ga lava naa huu de hale laa, gai gilaau ga dugu ange de gede laa gi honga dono mommee donu.”