Genesis 1:9 - De Beebaa Dabu

⁹ Gai de Maadua ga hagadaba, “Denga vai alodahi i lalo de langi gi hulo gi dahi mommee daudahi, gai gi sula age de gelegele mmasa.” Gai gu bei donu ana muna.

Genesis 1:9 Iomraidhean Croise

Genesis 1:8

Gai de Maadua ga hagaingoo ange lo te moana i lunga go de langi. Deenei de ahiahi ma taiao o de hagalua laangi.

Nehemiah 9:6

Go koe donu huu go Tagi Maolunga. Go koe ne haia denga langi, ma de langi maolunga hugadoo, ma denga hagabuulinga iai, ma henua i lalo ma mee alodahi iai, ma denga dai ma mee alodahi iai. Go koe e gaavange gi gilaadeu alodahi de mouli, gai mee o de langi e ino adu gi de goe.

De Beebaa go Job 26:10

Ia e maaga honga de vai, ma de vvae de maalama mai i de gohu.

De Beebaa go Job 26:7

Ia ne doha de langi i baasi i ngaiho i lo te moana i lunga, gai ia e daudau age henua i lalo i lo te ngadi moana.

Psalm 104:3

ma de hagatau dogai o dono aabi i lunga i honga denga vai. Ia ne hai dono hada hebagi i denga giliiga, gai ne gage i honga luu bakau o de madangi.

Psalm 33:7

Ia ne hagabudu denga lausedi bei vai i lo te manu hao vai; gai ia ne dugu de moana gelo i lodo mommee doange.

Psalm 95:5

Niiana tai, i hiidinga go ia ne haia, gai go ia ne haia de henua mmasa.

Ecclesiastes 1:7

Denga saalingaa vai alodahi e ssali ga hulo gi tai, aagai tai e dee maua donu gi honu. De mommee o denga saalingaa vai e loomai laa, gai go kilaa hogi olaadeu e aahe ga hulo aagena.

Jeremiah 5:22

E aha, goodou e dee maatagu naa i de au? go Tagi Maolunga e hagadaba. E aha, goodou e dee maatagu i de tuu i mada luoogu mada? Goodou e dee bolebole i doodou tuu i ogu mada i mua? Au ne hai de gelegele dea go de ngaadonga o tai, gai se buibui e dagodo gai tai e dee maua i de hano gi ui ai. Denga beau e hadihadi mai, aagai e dee maua i de oha; denga beau e hagangolo mai, aagai e dee maua i de hulo gi ui ai.

Jonah 1:9

Gai ia ne hai ange gi gilaadeu, “Au se dangada Hebrew. Au e daumaha ange gi Tagi Maolunga, de Maadua o de langi, go de ia ne haia tai ma de henua.”

2 Peter 3:5

Aagai gilaadeu gu ngalo donu bolo madagidagi gai de Maadua ne basa ga hai ai de langi, gai henua i lalo ne hai i lo te vai.

Revelation 10:6

ga hagatoo donu i de ingoo o de ia e mouli laa ga hano ai e dee ngado mai, go de ia ne haia de langi ma mee alodahi iai, ma henua i lalo ma mee alodahi iai, ma tai ma mee alodahi i ono lodo, ga hagadaba, “Gu odi de masavaa!