Genesis 1:21 - De Beebaa Dabu

²¹ Gai de Maadua ga hai denga hagadaagangaa mamu nnui i lo te dai ma mee alodahi e mouli ma e ngalungaalue saele ma de nnoho i lausedi, dahi manu ma dahi manu ma ono dagodo. Ia ne hai hogi denga hagadaagangaa manu llele alodahi, dahi manu lele ma ono dagodo. Gai de Maadua gu gidee bolo gu danuaa.

Genesis 1:21 Iomraidhean Croise

Genesis 1:18

ma de hagamaalama ai de laangi ma de boo, ma de vvae ai de maalama ma de gohu. Gai de Maadua gu gidee bolo gu danuaa.

Genesis 1:20

Gai de Maadua ga hagadaba, “Lo te lausedi gi honu i denga hagadaagangaa mamu ma mee alodahi e mouli i kilaa, gai denga manu llele gi llele saele i lo te moana i lunga.”

Genesis 1:22

Gai de Maadua ga hagamanuuia mee nei ga hagadaba, “Goodou hagadili mage haoa ai lo te dai, gai denga manu llele gi hagadili gi haoa ai honga de henua.”

Genesis 1:25

Gai de Maadua ga hai denga manu lodo henua, ma manu haangai, ma manu vaaligiligi e nnoho ma de tolo saele i honga de gelegele, dahi manu ma ono dagodo. Gai de Maadua ne gidee bolo gu danuaa.

Genesis 1:31

Gai de Maadua ga tilo huu mee alodahi aana gu hai, gai ia gu gidee bolo gu danuaa mmao. Deenei de ahiahi ma taiao o de hagaono laangi.

Genesis 2:19

Gai Tagi Maolunga go de Maadua ne hai denga manu lodo henua alodahi, ma manu llele alodahi o lo te moana i lunga i bela o de gelegele. Gai ia ga gaamai gilaadeu gi daho taane laa, gai ia ga gaavange olaadeu ingoo. Gai de ingoo naa huu a taane laa ne gaavange gi dahi manu, gai gu deelaa ai loo dono ingoo.

Genesis 6:20

E dagilua mai i denga hagadaagangaa manu llele, ma hagadaagangaa manu dolodolo, ma hagadaagangaa manu e tolo i honga de gelegele, e loomai naa gi oo daha, gi mouli ai gilaadeu.

Genesis 7:14

go gilaadeu ma denga hagadaagangaa manu lodo henua alodahi, ma denga hagadaagangaa manu haangai alodahi, ma denga hagadaagangaa manu e tolo i honga de gelegele, aama denga hagadaagangaa manu llele alodahi.

Genesis 8:17

Hagassao ina mai hogi denga hagadaagangaa manu alodahi e mouli laa madali goe — go denga manu llele, ma manu dolodolo, aama manu e tolo i honga de gelegele — gai gilaadeu ga hagadili ai gi lagolago i honga de henua.”

Genesis 8:19

Gai denga manu dolodolo alodahi, ma manu llele alodahi — go manu alodahi e tolo i honga de gelegele — gu ssao mai i lo te vaga hale.

Genesis 9:2

Gai denga manu lodo henua alodahi, ma manu llele alodahi i lo te moana, ma manu dolodolo alodahi i honga de gelegele, aama mamu alodahi i lausedi; mee nei alodahi e gaavadu naa gi goodou gi dagina.

Genesis 9:7

Gai goodou hagadili gi soa ga hhao ai honga henua i lalo ga hai gi soa dangada iai.”

De Beebaa go Job 12:7

Aagai siilia ange gi denga manu dolodolo, gai gilaadeu ga agoago adu goodou, be siilia ange gi denga manu llele, gai gilaadeu ga tala adu gi goodou.

De Beebaa go Job 26:5

Hagasaalunga o de gau maakau e kona de bolebole, go gilaadeu i lodo vai ma gilaadeu alodahi e nnoho i kilaa.

De Beebaa go Job 7:12

E aha, go au go tai, aabe go de manu hagamaatagu i lo te moana gelo, gai koe ga hagaloosi mai ai au?

Psalm 148:7

Duuhia Tagi Maolunga i henua i lalo, goodou denga dragon o lausedi aama denga moana kelo alodahi,

Exodus 1:7

Aagai de aamuli o Israel gu hagadili ga soa mmao; gilaadeu gu hagadaga ange donu de soa ma de mmahi, gai gu soa donu gilaadeu e nnoho i honga de henua alodahi.

Exodus 8:3

De Nile e hai naa ga galigi i denga kailu. Gilaadeu e loage naa gi lo too hale ma doo aabi seni ma honga oo moenga, ma de hulo gi lodo hale o oo dangada hai hegau ma doo huaadangada, ma lodo mommee dao gai aama lodo gumedi mmili gai.

Ezekiel 32:2

“Tama a tangada, huudia taahili o de magau o Pharaoh, de hodooligi o Egypt, ma gi hai ange gi de ia: ‘Koe e bei dagodo o dahi laiono i magavaa o denga huaahenua, aagai koe e bei dahi manu lausedi hagamaatagu; e hagakobu saele i lodo oo saalingaa vai e noho ai laa, ma de hagabeabeau lo te vai i luoo vae, ma de hagabaubau lodo saalingaa vai.

Jonah 1:17

Aagai Tagi Maolunga ne hai gi humai dahi mamu laumalie mmao gi holomia Jonah. Gai Jonah ne noho i lo te dinae o de mamu laa i e dolu laangi ma e dolu boo.

Jonah 2:10

Gai Tagi Maolunga ga basa ange gi de mamu laa, gai de mamu laa ga busi age Jonah gi honga de henua.

Matthew 12:40

Jonah ne noho i lo te dinae o dahi mamu laumalie i e dolu laangi ma e dolu boo; gai e bei ai hogi, Tama a Tangada e dagodo naa i lalo de gelegele i e dolu laangi ma e dolu boo.