Genesis 1:1 - De Beebaa Dabu

¹ Taamada de hai a de Maadua de langi ma henua i lalo,

Genesis 1:1 Iomraidhean Croise

2 Kings 19:15

Gai Hezekiah ga dalodalo ange gi Tagi Maolunga, ga hai ange, “Tagi Maolunga, de Maadua o Israel, e noho laa i magavaa luu cherubim, go koe donu huu de Maadua o denga nohoanga hodooligi alodahi i henua i lalo; go koe ne haia de langi ma henua i lalo.

1 Chronicles 16:26

Go hiidinga maadua alodahi o denga huaahenua ni ngadi diinonga; aagai go Tagi Maolunga ne haia de langi.

2 Chronicles 2:11

Gai Hiram de hodooligi o Tyre ne sisi dahi leda ga hagaahe gi Solomon, ga hai ange, “Go hiidinga Tagi Maolunga e aloha i dono huaadangada, ia gu hai goe go delaadeu hodooligi.”

Nehemiah 9:6

Go koe donu huu go Tagi Maolunga. Go koe ne haia denga langi, ma de langi maolunga hugadoo, ma denga hagabuulinga iai, ma henua i lalo ma mee alodahi iai, ma denga dai ma mee alodahi iai. Go koe e gaavange gi gilaadeu alodahi de mouli, gai mee o de langi e ino adu gi de goe.

De Beebaa go Job 26:13

Ia e manava gai gu laohie, gai dono lima e velo de labodo e tolo laa.

De Beebaa go Job 38:4

Go hee oou nogo iai i de masavaa aagu ne hagaduu ai tagelo o henua i lalo? Daalaa mai muhuu, noo koe e donu ange aagena.

De Beebaa go Job 9:8

Go ia donu huu ne hoolaa ina de langi i lunga, ma de seesee i honga beau o de moana.

Psalm 102:25

Koe ne hagadagodo tagelo o henua i lalo i taamada age, gai de langi go koe ne haia i luoo lima.

Psalm 104:24

Tagi Maolunga, e lagolago mmao au hegau ne hai! Koe ne hai mee alodahi i de heiangi; henua i lalo gu honu i au mee ne hai.

Psalm 104:30

De masavaa aau ne gaavange ai doo Hagasaalunga, gai gilaadeu gu mouli; gai koe e hagahoou honga de gelegele alodahi.

Psalm 115:15

Tagi Maolunga gi hagamanuuia ina goodou, go de ia ne haia de langi ma henua i lalo.

Psalm 121:2

Dogu bale e humai i daho Tagi Maolunga, go de ia ne haia de langi ma henua i lalo.

Psalm 124:8

Taadeu bale go de ingoo o Tagi Maolunga, go de ia ne haia de langi ma henua i lalo.

Psalm 134:3

Tagi Maolunga, de ia ne haia de langi ma henua i lalo, gi hagamanuuia ina goodou mai i Zion.

Psalm 136:5

go ia ne haia de langi i dono donu ange, Dono abodonu e dagodo ga hano ai.

Psalm 146:6

go de ia ne haia de langi ma henua i lalo, tai, aama mee alodahi iai. Ia e hai hegau i de muna abodonu ga hano ai.

Psalm 33:6

Tagi Maolunga ne tala de muna, gai gu hai de langi, gai mee alodahi iai ne hai i de madangi ne busi mai i lo tono ngudu.

Psalm 33:9

Go hiidinga ia ne basa, gai gu hai ga bei; ia ne tala de muna, gai gu hanu mee.

Psalm 8:3

De masavaa aagu e tilo ai de langi, go hegau aau ne hai i luoo lima, de maasina ma denga heduu aau gu dugu i olaadeu duulanga,

Psalm 8:4

⌊gai au ne ssili,⌋ “Se aha tangada, gai koe ga anga ange ai gi de ia? Gai se aha tama a dangada, gai koe ga abodonu ange ai gi de ia?”

Psalm 90:2

I mua de hai ga hanu mounga, aabe go dau hai henua i lalo ma mee alodahi iai, gai go koe de Maadua, mai i de masavaa e dee ngado mai ga dae ai gi de masavaa e dee ngado mai.

Psalm 96:5

Go hiidinga maadua alodahi o denga huaahenua ni ngadi diinonga, aagai go Tagi Maolunga ne haia de langi.

Exodus 20:11

Go hiidinga ne ono laangi a Tagi Maolunga ne hai ai de langi ma henua i lalo, ma tai ma mee alodahi i ono lodo, aagai ia ne hagamabu i de hagahidu laangi. Deelaa ai, Tagi Maolunga ne hagamanuuia de hidu laangi ga hai gi dabu.

Exodus 31:18

Gai ga lava huu ana muna i de tala ange gi Moses i honga de mounga go Sinai, gai ia ga gaavange luu duu hadu o de tala hagadonu gi Moses, go mee a de Maadua ne sisi i dono lima donu.

Proverbs 16:4

Tagi Maolunga e hagahai hegau mee alodahi gi bei dana hagatau; ia e hagadabena ange donu hogi tangada baubau gi de laangi o de hagaduasala.

Proverbs 3:19

Tagi Maolunga ne hagaduu henua i lalo i dono heiangi, gai ne hagatuu mee i lo te langi i dono donu ange.

Ecclesiastes 12:1

Koe gi manadua de ia ne haia goe i de masavaa oou e dama daane ai, i mua de tae mai o denga laangi hai ngadaa, ma ngadau aau e hagadaba ai, “Au e dee malangilangi i laangi laa” —

Isaiah 37:16

“Tagi o denga hagabuulinga hebagi, de Maadua o Israel e noho laa i magavaa luu cherubim, go koe donu huu de Maadua o denga nohoanga hodooligi alodahi i henua i lalo; go koe ne haia de langi ma henua i lalo.

Isaiah 40:21

E aha, goodou tigi iloo naa donu? E aha, goodou tigi langona naa donu? E aha, tigi ai naa donu ne daalaa adu gi goodou mai i taamada age? E aha, goodou tigi tonu ange naa donu mai i taamada age de hai o henua i lalo?

Isaiah 40:26

Dangage age galo age gi lo te langi: goai ne haia mee nei alodahi? Go de ia ne haia denga hagabuulingaa heduu, ga gaavange olaadeu ingoo. Gai go dono sauaa laumalie ma ono mmahi ne hai mee nei, teai donu se gilaadeu ne dee maleva.

Isaiah 40:28

E aha, goodou tigi iloo naa donu? Goodou tigi langona naa donu? Tagi Maolunga de Maadua, e deai sono daamada be se hagaodi, go ia ne haia henua i lalo alodahi. Ia e dee dalea donu aabe e deai ono mahi, gai e deai donu se dangada e daea dono donu ange.

Isaiah 42:5

Aanei muna a de Maadua, Tagi Maolunga e tala, go de ia ne hagadau ina de langi ga doha gi daha, gai go ia ne hoolaa henua i lalo ma mee alodahi ne loomai ai, ma de hai gi manavanava dangada e nnoho ai, ma de gaavange de manava o de mouli gi dangada i kilaa:

Isaiah 44:24

E hagadaba Tagi Maolunga, doo Ia Hagaola, ne haia goe i de mommee o denga dama: “Go au donu Tagi Maolunga, ne haia laa mee alodahi, go au ne hoolaa de langi, go au donu huu ne doohaa henua i lalo.

Isaiah 45:18

Gai e hagadaba Tagi Maolunga, go de ia ne haia de langi, go ia donu go de Maadua, gai go ia ne hagadulagi henua i lalo ga hai gu dahi, gai ia tee hagaduu henua i lalo gi se ngadi mommee, aagai ne hagaduu gi nnoho ai dangada — ia ne hagadaba: “Go au donu go Iahweh, e deai ange donu.

Isaiah 51:13

E aha, koe gu ngalo laa bolo go Tagi Maolunga ne haia goe, go de ia ne hoolaa gi daha de langi, ma de hagatuu dagelo o henua i lalo, gai koe ga noho ai naa ga madagu i laangi alodahi i hiidinga de bole o tangada e vaivai haia dangada, go de ia e noho laa e oohaa mee? Gai i hee iai de lili o de ia e vaivai haia dangada?

Isaiah 51:16

Au gu hhao agu muna gi lo too ngudu, ma de haoli goe i de malu o dogu lima; go au donu ne hagaduulia de langi, ma henua i lalo i olaau mommee, go au ne hagadagodo denga dagelo o henua i lalo, gai go au ne hai ange gi Zion, ‘Go goodou ogu dangada.’ ”

Isaiah 65:17

“Tilo, au e hai naa de langi hoou ma henua i lalo hoou. Denga mee madagidagi e hagangalo naa, dangada e dee manadua naa donu.

Jeremiah 10:12

Go ia ne haia henua i lalo i ono mahi, ma de hagaduu henua i lalo i dono heiangi, ma de hhola de langi i hiidinga dono donu ange.

Jeremiah 32:17

Dogu Ia Aamua go Iahweh, koe ne hai de langi ma henua i lalo i doo sauaa laumalie ma doo lima mmahi. Gai e deai donu se mee daudahi e hai ngadaa adu gi de goe.

Jeremiah 51:15

Go ia ne haia henua i lalo i ono mahi; ma de hagaduu henua i lalo i dono heiangi, aama de hhola de langi i dono iloo mee.

Zechariah 12:1

Muna hagadaemaha a Tagi Maolunga i dagodo o Israel. E hagadaba Tagi Maolunga, go de ia ne hoolaa laa de langi ma de hai henua i lalo, gai go de ia ne haia de hagasaalunga o tangada:

Matthew 11:25

Gai Iesu ne hagadaba i de masavaa laa, “Au e tuhi goe, Tamana, Tagi Maolunga o de langi ma henua i lalo, go hiidinga koe gu hagammuni mee nei i gilaadeu e heiangi ma de iloo mee, gai gu hagaago ange gi denga gauligi vaaligiligi.

Mark 13:19

Go hiidinga e kona naa de hagaduasala o dangada i laangi laa, gai tigi ai ange se masavaa bee nei, mai i taamada de hai a de Maadua henua i lalo ga dae mai ai gi iainei, gai e deai ange naa hogi se masavaa bee nei i muli mai.

Acts 14:15

“Goodou denga daane, gu aha goodou gu hai ai naa mee naa? Gimaau ni dangada donu huu bei oodou dagodo. Gimaau ne gaamai gi goodou de longo danuaa gi daahuli gee ai goodou i mee e deai olaadeu haigamaiana, gi daahuli ange gi de Maadua e mouli laa, go ia ne haia de langi ma henua i lalo ma tai aama mee alodahi iai.

Acts 17:24

De Maadua ne haia laa henua i lalo ma mee alodahi iai, go Tagi Maolunga o de langi ma henua i lalo, aagai ia e dee noho i lodo temple e hagatuu i lima o dangada.

Acts 4:24

Aagai ga langona huu e olaau soa muna laa, gai gilaadeu ga dalodalo ange gi de Maadua i de lodo daudahi, ga hai ange: “Tagi Maolunga, go koe ne haia de langi ma henua i lalo, ma tai aama mee alodahi iai,

Romans 11:36

Gai go ia ne haia mee alodahi, gai mee nei ne loomai i ono daha, ma de hagahai hegau i dono sauaa. Gidaadeu gi hagamahamaha ina ia ga hano ai! Amen.

1 Corinthians 8:6

aagai e dahi donu huu Maadua abodonu, go Tamana ne daamada mai ai laa mee alodahi, gai go ia e daohia odaadeu mouli. Gai e dahi donu huu Dagi Maolunga, go Iesu Klisdo, go de ia ne haia mee alodahi gai go ia hogi e gaamai gi gidaadeu de mouli.

Ephesians 3:9

ma de hai gi iloo e dangada alodahi de hagatau a de Maadua nogo dee iloo laa i denga masavaa gu hulo, go de ia ne haia mee alodahi,

Hebrews 1:10

Gai ne hagadaba hogi, “Tagi Maolunga, koe ne hagadagodo tagelo o henua i lalo i taamada age, gai koe ne hai de langi i luoo lima donu.

Hebrews 1:2

aagai denga laangi hagaodi nei, gai ia gu basa mai hogi gi gidaadeu, i daho dana Dama Daane, go de ia gu hili e bolo ange aagena mee alodahi, gai go ono daha hogi aana ne hai ai henua i lalo alodahi.

Hebrews 11:3

Go de gai adaadeu ne maua ai i de tonu ange, bolo de langi ma henua i lalo ne hai i muna a de Maadua ne tala, gai mee adaadeu e gidee ne hai i mee e dee gidee laa.

Hebrews 3:4

(Go hiidinga hale alodahi ne hagatuu i daho dahi labagau, aagai go de Maadua ne hagatuulia mee alodahi.)

2 Peter 3:5

Aagai gilaadeu gu ngalo donu bolo madagidagi gai de Maadua ne basa ga hai ai de langi, gai henua i lalo ne hai i lo te vai.

1 John 1:1

Gimaadeu e sisi adu gi goodou dagodo Muna o de Mouli, gu dagodo mai laa i taamada age, gai gimaadeu gu langona, ma de gidee ia i omaadeu ganomada donu, aama de poo ange gi de ia i omaadeu lima.

Revelation 10:6

ga hagatoo donu i de ingoo o de ia e mouli laa ga hano ai e dee ngado mai, go de ia ne haia de langi ma mee alodahi iai, ma henua i lalo ma mee alodahi iai, ma tai ma mee alodahi i ono lodo, ga hagadaba, “Gu odi de masavaa!

Revelation 14:7

Gai ia ne oo i de leo mmahi ga hagadaba, “Goodou maatagu i de Maadua, gai hagamahamaha ina ia, go hiidinga de aoaa aana e hagamodu ai muna gu dae mai donu; gai daumaha ange gi de ia ne haia de langi ma henua i lalo, ma tai aama denga saalingaa vai.”

Revelation 21:6

Gai ia ne hai mai gi de au, “Gu lava mee alodahi! Go au de Alpha ma de Omega, go Taamada ma de Hagaodi. Au e hai naa tangada e hieunu gi unu i ssaalingaa vai o de mouli, e dee hagao donu.

Revelation 22:13

Go au de Alpha ma de Omega, go au Tahi gai go de Hagaodi, go Taamada ma de Hagaodi.”

Revelation 3:14

“Gai siia ange muna nei gi tangada de langi o de nohoanga dabu i Laodicea: Aanei muna a de Amen, go de ia e hai hegau laa i de mee abodonu, gai se ia tala hagadonu abodonu, gai go ono daha ne daamada mai ai mee alodahi a de Maadua ne hai.

Revelation 4:11

“Tagi Maolunga demaadeu Maadua, koe e bau ange gi de kave de mahamaha ma de hagadubu aama de mmahi. Go hiidinga go koe ne haia mee alodahi, gai go dau hagatau ne haia ga hanu mee nei.”