Ezra 9:3 - De Beebaa Dabu

³ Gai de masavaa huu aagu ne langona ai muna nei, gai au ga ssae ogu malo ma dogu malo laa daha ma de vele ngaangaaulu o dogu biho ma dogu gumigumi ga noho gi lalo, i hiidinga de lele mmao ogu mouli.

Ezra 9:3 Iomraidhean Croise

2 Samuel 1:11

Gai David ga ssae ono malo, gai denga daane madali ia ga saesae hogi olaadeu malo.

2 Kings 18:37

Gai Eliakim, tama daane a Hilkiah, taane e diiloo ange de hale o de hodooligi, ma Shebna tangada sisi, aama Joah tama daane a Asaph, tangada daohi, ne saesae olaadeu malo ga aahe gi daho Hezekiah, ga tala ange gi de ia muna a de Rabshakeh ne tala ange.

Nehemiah 1:4

De masavaa huu aagu ne langona ai muna nei, gai au gu dangi. Gai au ne daemaha ogu lodo ma de hagahiigai aama de dalodalo ange gi de Maadua o de langi i hanu laangi.

Nehemiah 13:25

Gai au ga hagasee gilaadeu ma de hagamalaia gilaadeu. Au ne daa hanu daane i olaadeu magavaa ga vele olaadeu biho. Au ne hai hogi gilaadeu gi hagatoo donu i de ingoo o de Maadua, gi hagataba, “Goodou e dee gaavange oodou damaa hine gi hai bodu ange gi alaadeu dama daane, be kave hanu alaadeu damaa hine gi hai bodu ange gi oodou dama daane, aabe gi hai bodu adu gi goodou.

De Beebaa go Job 1:20

Gai a Job ne hidi age ga ssae ono malo ma de dahi dono biho. Gai ia ga ino gi honga de gelegele ga daumaha ange gi de Maadua,

Psalm 119:53

Au gu lili mmao i hiidinga de gau baubau, gu tili gee au hainga.

Psalm 143:4

Deenei ai, au gu lodo baageaa; gai ogu lodo gu manavasaa mmao.

Psalm 66:3

Hai ange gi de Maadua, “Au hegau e hagamaatagu mmao! Doo sauaa e laumalie mmao gai oo hagadaumee e bolebole i oo mada i mua.

Isaiah 15:2

Dangada o Dibon gu loage gi dono hale daumaha, ma ono mommee daumaha e tangi ai; de gau Moab gu tangi i hiidinga Nebo ma Medeba. Dangada alodahi gu dahi olaadeu biho, gai gu duuduu olaadeu gumigumi.

Jeremiah 36:24

Gai de hodooligi ma ono dangada hai hegau tee maatagu hogi i delaadeu langona muna laa alodahi, aabe ne saesae olaadeu malo.

Jeremiah 7:29

Duudia oo ngaangaaulu ma gi dilia, gai noho dangi i honga denga duuduu malaelae, go hiidinga Tagi Maolunga gu kino ma de tili de atangada nei i dono lili.

Ezekiel 3:15

Gai au ne hano gi daho dangada ne hagadee kii ina laa ma e nnoho i Tel Abib i gaogao ssaalingaa vai go Kebar, go de mommee olaadeu e nnoho ai. Gai au ne noho i olaadeu daha i kilaa i e hidu laangi, gai au ne lele ogu mouli.

Ezekiel 7:18

Gai gilaadeu e kahu naa i denga malo daladala ma de hoohonu i de maatagu; gilaadeu gu dookaa, gai olaadeu biho gu dahi ma gu malali.

Daniel 4:19

Gai Daniel, dahi ono ingoo laa go Belteshazzar, gu dee maua i de basa i dahi masavaa bodobodo, gai ia gu madagu i hiidinga o de midi laa. Gai de hodooligi ga basa ange ga hai ange, “Belteshazzar, aude manavasaa oo lodo i hiidinga o de midi naa aabe go dono hagadoonunga.” Belteshazzar ne basa ange ga hai ange, “Dogu dangada aamua, mee naa de midi nei ma dono hagadoonunga gi ni mee e hai ange gi oo hagadaumee!

Daniel 8:27

Gai au, Daniel, gu deai ogu mahi ma de magi i hanu laangi. Dua mee nei gai au ne hidi age ga hai hegau a de hodooligi. Gai au gu dee baba ogu lodo i de midi hagaago ange nei; au gu dee donu ange aagena.

Leviticus 21:5

De gau haimeedabu e dee duuduu ngaangaaulu i olaadeu biho, be gi duuduudia gi podo huluhulu i olaadeu gumigumi, aabe gi seleselea olaadeu angaanga ⌊i delaadeu hinangalosaa⌋.

Micah 1:16

Dangada o Judah, dahia gi malali oodou biho i doodou hinangalosaa i oodou dama e malangilangi ai. Haia gi malali oodou biho bei de igele gu deai laa ono hulu manu, go hiidinga gilaadeu e hulo gee naa i oodou daha ga hulo gi dahi henua gee.

Joshua 7:6

Gai Joshua ma denga dagi o Israel ga saesae olaadeu malo ga ino gu paa olaadeu mada gi honga de gelegele, i mada i mua o de ngavesi a Tagi Maolunga, mai i taiao ga dae ai gi de ahiahi, ma de hagamalili ange gelegele gi honga olaadeu biho.