Ezra 3:1 - De Beebaa Dabu

¹ Gai de hidu malama huu, gai de gau Israel gu nnoho i olaadeu aduhale donu, gai dangada alodahi ne hagabuni mai gi Jerusalem i de lodo daudahi.

Ezra 3:1 Iomraidhean Croise

Nehemiah 7:72

Gai dangada ange laa ne daohi age e luasemada daric goolo, ma e luamano mina selevaa, aama e madaono ma hidu malo ange gi de gau haimeedabu.

Nehemiah 7:73

Gai de gau haimeedabu, ma de aamuli o Levi, ma de gau hagaloosi haitoga, ma de gau daahili, ma hanu mai i magavaa o dangada, ma de gau e haia hegau i de hale daumaha, ma de gau Israel alodahi ne hulo ga nnoho i olaadeu aduhale donu. Gai ga dae mai huu de hidu malama, gai de gau Israel gu nnoho i olaadeu aduhale donu.

Nehemiah 8:1

Gai dangada alodahi ne hagabuni bei dagodo o dahi dangada donu huu, gilaadeu ne loomai gi lo te duu malaelae i ma te Haitoga o Vai. Gai gilaadeu ne hai ange gi Ezra, tangada sisi, gi gaamai de beebaa o de hainga a Moses, go muna a Tagi Maolunga ange gi de gau Israel.

Nehemiah 8:14

Gai gilaadeu gu gidee e sisi i de hainga, go mee a Tagi Maolunga ne tala ange i daho Moses, bolo de gau Israel gi nnoho i lodo baasi hale i de masavaa o taonga i de hidu malama,

Leviticus 16:29

De hainga nei gu hagasauaa adu gi goodou ga hano ai: de hagamadaangahulu laangi naa huu o de hidu malama, gai goodou alodahi ma de gau henua gee i oodou magavaa gi hagahiikai, gai e deai hogi hegau oodou e hai;

Leviticus 23:24

“Basa ange gi de gau Israel, hai ange, ‘Tahi laangi o de hidu malama se laangi hagammabu niiodou, se laangi hagabuni dabu niiodou, gai e hagamaanadu i de ili o denga hanga manu.

Zephaniah 3:9

Gai au e ahe ange naa ga sui denga huaadangada, ma de hagagilimalali alaadeu muna e tala, gai gilaadeu alodahi e dalodalo naa i de ingoo o Tagi Maolunga ma de daumaha ange gi de ia i de lodo daudahi.

Acts 2:46

Laangi alodahi gilaadeu e hagabuni i de temple i de lodo daudahi, ma de hagabuni ga gaimee i olaadeu hale ma de malangilangi aama de hagadau abodonu,

Acts 4:32

Gai dangada alodahi gu hagadonusia laa gu buni ma gu se lodo daudahi; gu deai donu se dangada e hagadaba bolo niiana mee e hanu i ono daha, aagai gilaadeu gu hai mee ai alodahi.

1 Corinthians 1:10

Denga daina, au e dangidangi adu i de ingoo o taadeu Dagi Maolunga go Iesu Klisdo, goodou gi hagadau hagaheloongoi i oodou magavaa, gai gi deai donu oodou mee e dee heloongoi ai, gai goodou gu buni i de lodo daudahi ma de maanadu daudahi.

Deuteronomy 16:16

E dolu hanonga i de ngadau o denga daane alodahi i oodou magavaa e loomai ai gi mada luu mada o Tagi Maolunga doodou Maadua, i de mommee aana e hili: go de masavaa o Taonga o Pelaoaa Dee Hagahua, ma Taonga o denga Uvigi, aama Taonga o denga Baasi Hale. Gai e deai donu se daane e ngadi humai gi mada luu mada o Tagi Maolunga:

Judges 20:1

Gai dangada alodahi o Israel mai i Dan gi Beersheba, ma dangada i de henua go Gilead ga hagabuni i mada luu mada o Tagi Maolunga i Mizpah i de lodo daudahi.