Exodus 8:9 - De Beebaa Dabu

⁹ Gai Moses ga hai ange gi Pharaoh, “Go koe dugua mai de masavaa oogu e dalodalo ai i oodou hiidinga ma oo dangada hai hegau aama doo huaadangada, gi odi ai de maakau denga kailu i oodou daha, ma lodo oodou hale. Gai go denga kailu donu huu i lo te Nile e doe.”

Exodus 8:9 Iomraidhean Croise

1 Kings 18:25

Gai Elijah ga hai ange gi denga pelaabisi o Baal, “Go goodou i mua e hilihilia dahi kaau daane ga hagadabena, go hiidinga goodou e soa. Gai goodou ga dalodalo ange gi doodou diinonga, aagai goodou e dee gaavange de ahi e dudu ai doodou sigidaumaha.”

Exodus 7:25

De masavaa laa gai gu hidu laangi i dua de hai a Tagi Maolunga ga dee maua i de unu vai i lo te Nile.

Exodus 8:10

Gai Pharaoh ga hai ange, “Go daiao.” Gai Moses ga hai ange, “E hai naa donu gi bei au muna, gi iloo ai e goe bolo e deai ange donu e bei dagodo o Iahweh demaadeu Maadua.

Exodus 8:11

Gai denga kailu e hulo gee naa donu mai i doo daha ma mai i lodo oo hale, ma mai i daho oo dangada hai hegau aama doo huaadangada alodahi. Gai go denga kailu donu huu i lo te Nile e doe.”

Exodus 8:8

Gai Pharaoh ne hagahi Moses ma Aaron, ga hai ange, “Dangidangi ange gi Tagi Maolunga ia gi haia gi hulo gee denga kailu mai i ogu daha ma daho dogu huaadangada, gai au ga dugu dangada gi hulo gi haia alaadeu sigidaumaha ange gi Tagi Maolunga.”

Isaiah 10:15

E aha, e maua e taguu i de hagadaba, bolo ia e kii ange i tangada e hagaabo ina, aabe go ssoaa i de hagadaba bolo ia e kii ange i tangada e soaa ina mee? E dagodo be go dahi laagau e hagaabo ina tangada e daohia age, aabe go de laagau e daohia age tangada e dee se laagau laa!

Numbers 14:20

Gai Tagi Maolunga ga hai ange, “Au gu degi ange, bei dau hai gu dangidangi mai ai naa.

Judges 7:2

Gai Tagi Maolunga ga hai ange gi Gideon, “Gu gona odi de soa daane madali goe, gai au ga dugu adu ai au goodou gi hagadee kii ina de gau Midian, gi dee duuhia ai donu huu e de gau Israel gilaadeu, ga dee hagadubu ai au.