Exodus 7:11 - De Beebaa Dabu

¹¹ Gai Pharaoh ga hagahi ono daane heiangi ma de gau hai huuhuaa mee; gai de gau hai huuhuaa mee o Egypt ga hai hogi olaadeu dogo gu ni labodo.

Exodus 7:11 Iomraidhean Croise

Genesis 41:8

Gai ga ao huu de mee, gai Pharaoh gu kona donu tee baba ono lodo; gai ia ga aalu de gau hai huuhuaa mee alodahi o Egypt, aama ono dangada iloo mee alodahi. Gai ia ga tala ange gi gilaadeu dana midi, aagai teai donu se gilaadeu ne maua i de hagadonu ange dana midi.

Exodus 7:12

Gilaadeu alodahi ne tili iho hogi olaadeu dogo gi honga de gelegele, gai denga dogo laa gu sui ga ni labodo. Aagai togo o Aaron ga holo denga labodo ange laa.

Exodus 7:22

Aagai denga daane hai huuhuaa mee o Egypt ga helau hogi hanu vai gu ni dodo. Gai Pharaoh tee sui donu de makaga ono lodo; ia tee hagallongo ange gi Moses ma Aaron, bei de hai a Tagi Maolunga gu tala ai laa.

Exodus 8:18

Gai denga daane hai huuhuaa mee ne hagatale hogi de helau gi hanu manu hakadigadi, aagai tee maua e gilaadeu i de hai. Gai denga manu hakadigadi laa ne loomai ga toga ange gi honga o dangada aama manu dolodolo.

Exodus 8:3

De Nile e hai naa ga galigi i denga kailu. Gilaadeu e loage naa gi lo too hale ma doo aabi seni ma honga oo moenga, ma de hulo gi lodo hale o oo dangada hai hegau ma doo huaadangada, ma lodo mommee dao gai aama lodo gumedi mmili gai.

Exodus 8:7

Aagai de gau hai huuhuaa mee ne helau hogi gu loage denga kailu gi honga de henua go Egypt.

Daniel 2:2

Gai de hodooligi ga aalu gi loomai de gau hai sauaa, ma de gau hai huuhuaa mee, ma de gau e daalaa mee e loomai, aama de gau Chaldea, gi daalaa ange gi de ia dana midi. Gai gilaadeu ne loomai ga tuu i mada i mua o de hodooligi,

Daniel 2:27

Gai Daniel ga basa ange ga hai ange gi de hodooligi, “E deai donu se daane heiangi, be se dangada hai huuhuaa mee, be se dangada hai sauaa, aabe se dangada e daalaa mee tigi loomai e maua i de hagadonu adu de mee e dee iloo a de hodooligi e lodo ai naa,

Daniel 4:6

Gai au ga hagadaba bolo gi gaamai denga daane heiangi alodahi o Babylon gi ogu mada i mua, gai gilaadeu ga tala mai ai gi iloo e au de hagadoonunga o dagu midi.

Daniel 5:11

E dahi daane i doo nohoanga hodooligi, e noho de hagasaalunga o denga maadua dabu i ono daha. De masavaa o doo damana, gai ne gidee mai bolo de iloo mee ma de maalama, ma de donu ange, aama de heiangi bei de heiangi o denga maadua e daakodo i ono daha. Gai doo damana go de hodooligi go Nebuchadnezzar, ne hai ia go tagi o de gau hai sauaa, ma de gau hai huuhuaa mee, ma de gau Chaldea, aama gilaadeu e tonu ange gi mee i lo te langi,

Daniel 5:7

Gai de hodooligi ga oo ga hagahi dahi gi gaamai de gau hai huuhuaa mee, ma de gau Chaldea, aama gilaadeu e iloo mee o lo te langi. Gai de hodooligi ne hai ange gi denga daane heiangi o Babylon, “Be goai naa huu e maua i de dau muna gu sisi nei ma de tala mai dono hagadoonunga, gai au e hakahu ange naa ia i de malo purple, ma de hagauda ange de hau goolo gi dono ua, ga hai ia go togodolu de maolunga i de nohoanga hodooligi.”

Matthew 24:24

Go hiidinga denga klisdo ma pelaabisi hadu muna e ssula age naa donu, ga hai denga hagailonga ma mee hagalele mouli e daahanga ai dangada, gai noo e maua, gai gilaadeu e daahanga naa hogi gilaadeu gu lava i de hili.

Galatians 3:1

De gau Galatia, goodou e llodo ssenga! Goai ne helau ina naa goodou? Dagodo de daudau o Iesu Klisdo i de laagau lui gu lava donu i de hagadonu danuaa adu gi goodou.

Ephesians 4:14

gi dee bei ai gidaadeu dagodo o denga gauligi, e baabaagia saele laa i denga beau, ma de iliilihia saele i denga hagadaagangaa agoago, a dangada e daahangadia dangada i alaadeu hagatau hadu muna.

2 Thessalonians 2:9

Gai de humai o de ia e oohaa de hainga e hai hegau naa i ssauaa o Satan. Ia e hai naa denga hagadaagangaa sauaa mmahi, ma de hai denga hagailonga, ma mee hagalele mouli e hagasenga ai dangada,

2 Timothy 3:8

Denga daane nei e bei dagodo o Jannes ma Jambres, go luu daane ne hai baasi ange laa gi Moses. Gai gilaadeu e hai baasi ange donu gi de mee heohi, gai ni daane hakino gee alaadeu maanadu, de gau bee nei gu dee daohi de gai abodonu.

2 Timothy 3:9

Aagai gilaadeu e dee hagadagadaga age naa donu, go hiidinga gilaadeu e bei dagodo o luu daane madagidagi laa, gai dangada alodahi e gidee danuaa naa donu dagodo o alaadeu hegau baubau.

Revelation 19:20

Gai de manu alasala laa ne nnoa, madali dono pelaabisi hadu muna ne haia laa denga hagailonga i ono mada i mua, ga hagasenga ai dangada, gilaadeu gi gaavee de maaga o de manu alasala laa, ma de daumaha ange gi dono diinonga. Gai gilaau ngaadahi gu maga ange gi lo te ahi ula i denga sulfur e sali laa bei de vai.

1 Samuel 6:2

Gai de gau Philistia ga hagahi de gau haimeedabu ma gilaadeu e haia denga huuhuaa mee, ga ssili ange, “Dee hee taadeu hai e hai ai de ngavesi a Tagi Maolunga? Daalaa mai be ni aha adaadeu e kave madali de ngavesi e hagaahe ai gi dono mommee donu.”