Exodus 5:10 - De Beebaa Dabu

¹⁰ Gai denga daane o Egypt e dagina laa hegau aama denga daane o Israel e hagaseesee ina laa hegau ga hulo ga hai ange gi de gau Israel, “Bolo i Pharaoh, gu lava ana lau grain mmasa e gaavadu gi goodou.

Exodus 5:10 Iomraidhean Croise

Exodus 1:11

Deelaa ai, de gau Egypt ne hili hanu dagi gi hagaduasala ina de gau Israel i denga hegau hai ngadaa, ga hai gilaadeu gi hagatuulia luu aduhale e doange ai goloa o Pharaoh, go Pithom ma Raamses.

Exodus 3:7

Gai Tagi Maolunga ga hai ange gi de ia, “Au gu gidee donu de duasala o ogu dangada i Egypt, au gu langona hogi delaadeu tangi i hiidinga de hai a olaadeu dagi e hagaduasala ai gilaadeu; au gu iloo donu dagodo o delaadeu duasala.

Exodus 5:11

Gai goodou hulo donu huu saalaa oodou lau grain mmasa, gai taelodo o denga duudangaa hadu oodou e hai i dahi laangi e dee hai gi sogoisi mai ange.”

Exodus 5:6

De laangi laa gai Pharaoh ga tala ange gi denga daane Egypt e dagina laa hegau, aama denga daane Israel e hagaseesee ina hegau,

Exodus 5:9

Haia gi kii ange de kona hegau a dangada, gi deai ai olaadeu masavaa e hulo ai e hagallongo hanu ngadi muna, gai gi haia alaadeu hegau.”

Proverbs 29:12

Noo tagi e daudali i denga muna hhadu, gai dagi alodahi i ono lalo e hulo naa ga ni dangada baubau.

Isaiah 30:6

Muna hagadaemaha i dagodo o denga manu dolodolo i Negev: De gau sui e loomai naa gi de henua hai ngadaa ma de hagaduasala, go de mommee iai de laiono gauligi ma de laiono mmahi, de labodo hagammau ma de labodo lele. Gilaadeu e hagauda mai naa olaadeu lava i honga denga donkey, gai olaadeu goloa hagamogomogo i honga denga gamelo, gi de henua e deai ono haigamaiana ange gi gilaadeu,