Exodus 4:12 - De Beebaa Dabu

¹² Iainei gai koe hannoo, gai au e hano madali goe, ga tala adu gi de goe au muna alodahi e tala.”

Exodus 4:12 Iomraidhean Croise

Psalm 105:26

Ia ne kave Moses, dono dangada hai hegau, ma Aaron, taane aana gu hili.

Psalm 143:10

Agoagona mai au i de hai oo lodo, i hiidinga go koe dogu Maadua; doo Hagasaalunga danuaa gi dagina adu au i de mommee soe.

Psalm 32:9

Koe gi dee bei de hoosa aabe go dahi donkey e dee maua laa gi donu ange, aagai e hai dono ngudu gi daohi i de baalanga ma mee nnoa, ga mee naa huu gai gilaadeu e dee loomai gi oo daha.

Exodus 3:12

Gai de Maadua ga hai ange, “Au e noho naa donu madali goe. Gai deenei de hagailonga e hagadonu ai bolo go au donu ne haia goe gi hano: de masavaa naa huu aau e hagassao mai ai de gau Israel i Egypt, gai goodou e loomai naa ga daumaha mai gi de au i honga de mounga nei.”

Exodus 4:13

Gai Moses ga hai ange, “Dogu Ia Aamua, aude haihaia, haia dahi dangada gee gi hano.”

Exodus 4:15

Gai koe basa ange gi de ia, ga tala ange ana muna e tala; gai au ga tala ai agu muna i ooluu ngudu aama de agoago adu gooluu i ooluu mee e hai.

Exodus 4:16

Gai go Aaron e daalaa ange au muna gi dangada; ia e hai naa go doo ngudu, gai ange gi de ia koe e bei de Maadua.

Isaiah 49:2

Ia ne hai dogu ngudu gi kangi bei de gadilaasa, gai ne haoli au i lalo de malu o dono lima; ia ne hai hogi au gi bei dahi dao o de mee hholu gu hakaa ma gu kangi, ma gu hhao gi lo te mommee hhao dao.

Isaiah 50:4

De Ia Aamua go Iahweh gu gaamai gi de au de alelo o tangada gu agoagona, gi iloo ai e au muna e hagammahi ai gilaadeu e daalea. Ia e hhango mai au i daiao alodahi, ma de hhuge luoogu dalinga gi langona ai e au bei dagodo o tangada e agoagona.

Jeremiah 1:9

Gai Tagi Maolunga ne haalo mai dono lima ga poo mai dogu ngudu, ga hai mai, “Tilo, au gu hhao adu agu muna gi lo too ngudu.

Numbers 16:28

Gai Moses ga hai ange, “Deenei doodou hai e iloo ai bolo go Tagi Maolunga ne haia au gi humai gi haia hegau nei alodahi, au tee humai donu huu i de au.

Mark 13:11

Gai de masavaa naa huu alaadeu e poo ai goodou e hagamodu oodou muna, gai goodou aude manavasaa i oodou muna e pasa ange ai. Goodou daalaa donu huu muna e gaavadu gi oodou lodo i de masavaa laa, go hiidinga e dee go goodou e pasa ange, aagai go de Hagasaalunga Dabu.

Luke 11:1

Dahi laangi gai Iesu e dalodalo i dahi mommee, gai ga lava huu ono dalodalo, gai dahi ana dangada agoago ne hai ange gi de ia, “Tagi Maolunga, agoagona mai gimaadeu i de hai omaadeu e dalodalo ai, bei de hai a John gu agoago ange ai laa hogi ana dangada agoago.”

John 14:26

Gai de Ia Bale, go de Hagasaalunga Dabu, go de ia a Tamana e hai gi humai i dogu ingoo, e agoago adu goodou i mee alodahi, ma de hagamaanadu adu gi goodou mee alodahi, aagu gu lava i de tala adu gi goodou.

Ephesians 6:19

Gai dalodalo hogi i ogu hiidinga, gi gaamai ai gi de au agu muna e tala ma de lo taane i dogu masavaa e agoago ai mee o de longo danuaa e dee iloo laa,

Deuteronomy 18:18

Au e hagasula age naa dahi pelaabisi bei goe i magavaa olaadeu daina donu. Gai au e hhao ange naa agu muna gi lo tono ngudu, gai ia ga tala ange ai gi gilaadeu agu muna gu tala ange gi de ia.