Exodus 32:4 - De Beebaa Dabu

⁴ Gai Aaron ne kave hakai laa i daho dangada ga hagavaivai, ga hai ai dahi kaau goolo. Gai gilaadeu ga hagataba, “De gau Israel, aanei denga diinonga ne hagassao ina mai goodou i de henua go Egypt.”

Exodus 32:4 Iomraidhean Croise

1 Kings 12:28

Gai Jeroboam ne madaangudu ange gi ono daane bale, gai ia ga hai e lua kaau goolo. Gai ia ga hai ange gi dangada, “Gu lava oodou hulo gi Jerusalem e daumaha ai. De gau Israel, goodou kalo ange diiloo, aanei diinonga ne hagassao ina mai goodou i de henua go Egypt.”

1 Kings 12:32

Gai Jeroboam ne hagasauaa de hai dahi daonga i de madaangahulu ma lima laangi o de valu malama, bei taonga e hai laa i Judah, gai ia ne hai denga sigidaumaha i honga de mommee o ssigidaumaha. Ia ne hai mee nei i Bethel, ia ne sigidaumaha ange gi luu kaau aana gu hagatuu laa. Ia ne hili hanu dangada haimeedabu gi hai hegau i denga mommee daumaha aana gu hagatuu laa.

2 Kings 10:20

Gai Jehu ne hagadaba, “Hagahia mai dangada gi daumaha ange gi Baal.” Gai gilaadeu ga hagailoo muna nei.

2 Kings 10:29

Aagai ia ne duudagi donu huu de haisala bei dagodo o Jeroboam, tama daane a Nebat, go mee aana ne hagahaisala ai de gau Israel, i delaadeu daumaha ange gi denga kaau goolo i Bethel aama Dan.

2 Chronicles 11:15

gai Jeroboam ne hili hanu dangada gee gi haia hegau a de gau haimeedabu i mommee daumaha, ma de daumaha ange gi luu diinonga aana ne hai ga hagadulagi ange gi de guudi ma de kaau.

2 Chronicles 13:8

Gai iainei goodou gu maanadu bolo goodou ga hai baasi ange gi de nohoanga hodooligi a Tagi Maolunga gu gaavange laa gi de aamuli o David. Goodou se hagabuulinga hebagi soa, gai oodou diinonga kaau goolo madali goodou, go mee a Jeroboam ne hai moodou.

Nehemiah 9:18

Gai de masavaa alaadeu ne hagavaivai ai denga baalanga e hai ai dahi kaau, gai ne hagataba, ‘Deenei doodou Maadua ne hagassao ina mai goodou i Egypt,’ gai gilaadeu ne hagangadi mee donu goe,

Exodus 20:2

“Go au go Iahweh, doo Maadua, ne hagasao ina mai laa goe i de henua go Egypt, go de henua oou nogo hai hegau hagaduasala ina ai.

Exodus 20:23

Goodou aude haia hanu diinonga i ogu gaogao; goodou e dee hai hanu diinonga i selevaa aabe ni goolo.

Exodus 20:4

Aude haia dahi diinonga moou, gi hagadagodo ina ange gi dahi mee i de langi, be go dahi mee i henua i lalo, aabe go dahi mee i lo te vai i lalo de henua.

Exodus 28:11

Gai koe maaga ina ange ingoo o denga dama daane a Israel gi honga luu hadu nei, bei de hai a de labagau e maaga ai laa denga buulei hagailonga. Gai koe ga hagabigibigi ange gi honga denga gaini goolo hagalaagii.

Exodus 28:9

Haia hogi e lua hadu onyx ga maaga ange aagena ingoo o denga dama daane a Israel,

Exodus 32:1

Gai ga gidee huu e dangada bolo Moses gu mmule de ahe iho i ulu de mounga, gai gilaadeu ga hagabuni mai gi daho Aaron, ga hai ange gi de ia, “Haia hanu diinonga gi dagina gidaadeu, go hiidinga gidaadeu e dee iloo be ni aha gu hai ange gi Moses, taane ne hagassao ina mai gidaadeu i de henua go Egypt.”

Exodus 32:24

Gai au ne hai ange gi gilaadeu, ‘Be goai e hanu ono mee hagalaagii goolo, gai ia gi aaua gi gaamai gi de au.’ Gai gilaadeu ga hagaui goolo laa ga gaamai, gai au ne maga ange gi lo te ahi, gai gu sula mai ai de kaau goolo nei!”

Exodus 32:3

Gai dangada alodahi ga aau hakai i olaadeu dalinga ga gaavange gi Aaron.

Exodus 32:35

Gai Tagi Maolunga ga gaamai dahi mee hagamaakau gi honga de huaadangada, i hiidinga o de kaau goolo a Aaron ne hai laa.

Exodus 32:5

Gai ga gidee huu e Aaron, gai ia ga hai dahi mommee o ssigidaumaha ga dugu i mada i mua o de kaau goolo laa. Gai ia ga hai dahi hagailoo ga hai ange, “Daiao gai gidaadeu e hai ange taonga gi Tagi Maolunga.”

Exodus 32:7

Gai Tagi Maolunga ga hai ange gi Moses, “Hagamoolau hano iho gi lalo, go hiidinga au dangada ne hagassao mai i de henua go Egypt, gu hai denga dahulinga hakino gee.

Exodus 32:8

Gilaadeu ne moolau donu de hulo gee mai i de haiava aagu gu tala ange gi gilaadeu; gilaadeu gu lava i de hai dahi kaau baalanga, ma gu daumaha ma de sigidaumaha ange aagena, ma de hagataba, ‘De gau Israel, aanei denga diinonga ne hagassao ina mai goodou i de henua go Egypt!’ ”

Isaiah 30:22

Gai goodou e oha naa oodou diinonga gu haoli i selevaa, ma oodou diinonga gu haoli i goolo; gai goodou e tili naa mee nei bei de malo hakino gee e hai ai laa magi haahine, ga hai ange, “Hannoo i kinaa!”

Isaiah 46:6

Hanu dangada e llingi denga goolo i lodo alaadeu beagi, ga hagahidi denga selevaa i honga denga mee hagahidi, ga hagao ange dahi labagau o denga goolo gi haia dahi maadua; gai gilaadeu ga ino ga daumaha ange aagena.

Ezekiel 23:8

Gai ia tee tili donu dono hai be se manu, go hegau aana ne daamada de hai i Egypt. De masavaa oona se damaa hine gai denga daane ne dagodo haisala madali ia, gilaadeu ne booboo luoono gaanuunu, gilaadeu ne hai ange gi de ia olaadeu mee e llodo ai.

Hosea 10:5

Dangada e nnoho i Samaria gu maatagu i hiidinga o dahi ⌊diinonga e hagadulagi ange laa gi de⌋ kaau i Beth Aven. Dono huaadangada e tangi naa i hiidinga o delaadeu diinonga, ono dangada haimeedabu e tangi naa hogi, aama dangada ne malangilangi i de mahamaha o tiinonga laa, go hiidinga gu gaavee gee mai i olaadeu daha.

Hosea 13:2

Gai iainei gilaadeu gu dee modu de haisala: gilaadeu e hai olaadeu diinonga baalanga, gilaadeu e labagau i de hai olaadeu diinonga selevaa. Gai dangada gu hagataba i olaadeu dagodo, “Gilaadeu e hai sigidaumaha i dangada ma de oso denga kaau gauligi.”

Acts 17:29

Deenei ai, go hiidinga gidaadeu go hagadiilinga o de Maadua, gidaadeu gi dee hagataba bolo de Ia Dabu laa e bei dagodo goolo ma selevaa, aabe go hadu — se mee ne hagahua ma de hai i de labagau o tangada.

Acts 7:41

Gai gilaadeu ne hai dahi diinonga ga hagadulagi ange gi dahi kaau gauligi i laangi laa, ga sigidaumaha ange gi tiinonga laa ma de malangilangi i de kaau alaadeu gu hagaduu laa.

1 Corinthians 10:7

Goodou gi dee daumaha ange gi denga diinonga bei hanu gilaadeu; bei de hai gu sisi ai laa, “Dangada ne nnoho ga gaimee ma de unu, ga lava ga hiihidi age ga hai denga dahulinga baubau.”

Deuteronomy 9:16

Gai au ne gidee bolo goodou gu haisala ange gi Tagi Maolunga doodou Maadua. Goodou ne hai dahi diinonga i dahi kaau gauligi goolo. Goodou ne moolau donu de hulo gee mai i de haiava a Tagi Maolunga gu tala adu gi goodou.

Judges 8:24

Gai Gideon ga hai ange gi gilaadeu, “Gai deenei dogu mee e lodo ai: dahi ma dahi gi gaamai denga hakai dalinga oodou ne maua mai i de hebagi.” (Denga daane de aamuli o Ishmael e dau denga hakai i olaadeu dalinga.)

Judges 8:27

Gai Gideon ne hai dahi ephod goolo, ga kave ga dugu i dono aduhale go Ophrah. Gai de gau Israel alodahi ne daumaha ange aagena i kilaa, gai de mee laa gu se mee hagalaavea ai lodo o Gideon ma dono huaabodu.