Exodus 3:9 - De Beebaa Dabu

⁹ Tilo, au gu langona de tangi o de gau Israel, gai au gu gidee hogi de hai a de gau Egypt e hagaduasala ai gilaadeu.

Exodus 3:9 Iomraidhean Croise

Genesis 16:11

Gai tangada de langi o Tagi Maolunga ne hai ange hogi, “Tilo, koe gu hai dama, koe e haanau naa dahi dama daane, gai koe ga hagaingoo ange ia go Ishmael, go hiidinga Tagi Maolunga gu langona dagodo o doo vaivai haia.

Genesis 31:12

Gai ia ga hai mai, ‘Galo ange diiloo bolo denga guudi daane alodahi e loange laa gi denga manu haahine e sissisi, ma de daubulebule aama de dongidongi, go hiidinga au gu gidee mee alodahi a Laban gu hai adu gi de goe.

2 Kings 13:4

Gai Jehoahaz ne dangidangi ange gi Tagi Maolunga, gai Tagi Maolunga ga hagallongo ange gi dana dangidangi, go hiidinga ia gu gidee tuasala o de gau Israel, ma de vaivai hai a de hodooligi o Syria gilaadeu.

2 Kings 20:5

“Ahe hai ange gi Hezekiah tagi o ogu dangada, ‘E hagadaba Tagi Maolunga, de Maadua o doo dubuna go David: Au gu langona dau dalodalo, gai au gu gidee oo loimada. Tilo, au e hagaieiangi donu goe. Dua naa huu e dolu laangi gai koe e hano naa gi de hale o Tagi Maolunga.

Nehemiah 9:9

Koe ne gidee de hagaduasala ina omaadeu dubuna madagidagi i Egypt, ma de langona delaadeu tangi adu i gaogao Tai Mmea.

Psalm 12:5

“Go hiidinga de gau hagaau aloha e vaivai haia, gai gilaadeu e duasala e gonogono,” e hagadaba Tagi Maolunga, “Au e hidi age naa. Au e hai naa gilaadeu gi nnoho paba bei olaadeu lodo.”

Psalm 9:14

gai au ga tala tuhi ai goe i denga haitoga o tamaa hine o Zion, ma de malangilangi i kilaa i dau hagaola mai au.

Exodus 1:11

Deelaa ai, de gau Egypt ne hili hanu dagi gi hagaduasala ina de gau Israel i denga hegau hai ngadaa, ga hai gilaadeu gi hagatuulia luu aduhale e doange ai goloa o Pharaoh, go Pithom ma Raamses.

Exodus 1:22

Gai Pharaoh ga hagailoo ange gi dangada alodahi, ga hai ange, “Goodou diiloo mage gaavee denga gauligi daane alodahi e haanau i daho de gau Hebrew, mage dilia ange gi lo te saalingaa vai go Nile, gai hagaola ina alaadeu gauligi haahine.”

Exodus 1:8

Gai gu dae ange dahi hodooligi hoou ga dagi Egypt, gai ia e dee iloo Joseph.

Exodus 2:23

Dua huu hanu ngadau lagolago, gai de hodooligi o Egypt gu magau. Gai de gau Israel gu duasala mmao i delaadeu hagahai hegau kona ina, gai gilaadeu ga dangidangi i de bale, gai de Maadua gu langona e ia delaadeu dangidangi.

Exodus 2:25

Gai de Maadua ga galo iho ga tilo dagodo o de gau Israel, gai ia gu iloo olaadeu dagodo.

Exodus 3:7

Gai Tagi Maolunga ga hai ange gi de ia, “Au gu gidee donu de duasala o ogu dangada i Egypt, au gu langona hogi delaadeu tangi i hiidinga de hai a olaadeu dagi e hagaduasala ai gilaadeu; au gu iloo donu dagodo o delaadeu duasala.

Ecclesiastes 4:1

Gai au ne ahe ange hogi ga tilo de vaivai haia o dangada i lalo de laa. Au ne gidee loimada o dangada e vaivai haia, gai e deai dangada e hagaaneane ina gilaadeu. Ssauaa gu gaavange gi gilaadeu e vaivai haia dangada; gai e deai donu se dangada e balea ange gilaadeu.

Ecclesiastes 5:8

Koe gi dee lele oo mouli i dau gidee de vaivai haia o de gau hagaau aloha i dahi ungaamee, ma teai se hagamodu heohi ma heohi o dangada; go hiidinga dahi dagi maolunga e dagitilo tagi i ono lalo, gai denga dagi i olaau elunga e dagitilo gilaau.

Amos 4:1

Hagalaangona muna nei, goodou denga kaau haahine o Bashan, i honga de mounga o Samaria, goodou denga haahine e vaivai haia de gau hagaau aloha, ma de hagahai ngadaa gilaadeu e duasala; goodou e hai ange gi oodou bodu, “Gaamai ange hanu mee e unu!”

Deuteronomy 26:7

Gai gimaadeu ga tangi ange gi Tagi Maolunga, de Maadua o omaadeu dubuna madagidagi, gai ia ne langona demaadeu tangi ma de gidee demaadeu duasala, ma amaadeu hegau, aama demaadeu vaivai haia.

1 Samuel 9:16

“Daiao i de masavaa bee nei gai au e hai naa gi humai gi oo daha dahi daane mai i de henua o de aamuli o Benjamin. Gai koe ga hagadabu ai ia i de lolo, gi dagina ogu dangada, go de gau Israel. Gai ia ga hagaola ai ogu dangada mai i de gau Philistia. Au gu gidee dagodo o ogu dangada, go hiidinga gilaadeu gu tangi mai gi de au.”