Exodus 3:21 - De Beebaa Dabu

²¹ Gai au e hai naa de gau Egypt gi abodonu adu gi goodou, gai goodou e dee ngadi hulo naa donu i doodou masavaa e hulo gee ai.

Exodus 3:21 Iomraidhean Croise

Genesis 15:14

Gai au e hagaduasala naa de huaahenua olaadeu e hai hegau ange laa aagena, gai muli mai naa huu gai gilaadeu e kave naa goloa lagolago ga hulo gee mai ai i kilaa.

Genesis 39:21

gai Tagi Maolunga e noho i ono daha ma de abodonu ange gi de ia; ga hai tagi o de hale pono gi abodonu ange gi Joseph.

1 Kings 8:50

gai koe ga degi ange gi haisala o oo dangada gu haisala adu ai gi de goe, ma alaadeu hegau dee heohi gu hai baasi adu ai gi de goe; gai koe ga hai dangada ne noonoodia gilaadeu ga gaavee gi llodo aaloha ange ma de abodonu ange gi gilaadeu.

Nehemiah 1:11

Dogu Ia Aamua, aude haihaia hagalaangona dalodalo a doo dangada hai hegau ma dalodalo a oo dangada hai hegau, e malangilangi laa i de hagadubu i doo ingoo. Haia gi sula hagatau a doo dangada hai hegau ailaa nei, ma de abodonu mai gi de au i mada i mua o taane nei.” De masavaa laa gai go au tangada e daohia de unu a de hodooligi.

Psalm 105:37

Gai ia ne hagassao mai de gau Israel ma alaadeu selevaa ma goolo, gai teai donu se gilaadeu ne magi.

Psalm 106:46

Gai ia ne hai dangada ne hagadee kii ina gilaadeu gi lodo aaloha ange gi gilaadeu.

Exodus 11:2

Gai koe hai ange gi dangada alodahi o Israel, gilaadeu gi dangidangi ange gi dangada e nnoho i olaadeu gaogao gi gaavange gi gilaadeu denga goloa e hai i goolo ma selevaa.”

Exodus 11:3

Gai Tagi Maolunga ga hai de gau Egypt gi abodonu ange gi de gau Israel. Gai de gau hai hegau o Pharaoh ma de gau Egypt gu kona donu delaadeu hagadubu Moses.

Exodus 12:35

Gai de gau Israel ne hai ga bei muna a Moses; gilaadeu ne dangidangi ange gi de gau Egypt i goloa e hai i goolo ma selevaa aama malo.

Exodus 12:36

Gai Tagi Maolunga ga hai de gau Egypt gi abodonu ange gi de gau Israel, gai gilaadeu ga gaavange mee alodahi olaadeu ne dangidangi ange ai. Deelaa ai, de gau Israel ne kave goloa lagolago mai i Egypt.

Proverbs 16:7

De masavaa naa huu a tangada e hai ai ga malangilangi Tagi Maolunga, gai ia e hai donu hogi ono hagadaumee gi hagadanuaa ange gi de ia.

Acts 7:10

ga hagaola ia mai i ono hai ngadaa alodahi, ma de gaavange de abodonu ma de heiangi i mada i mua o de hodooligi o Egypt go Pharaoh, gai de hodooligi ne hai ia go de goobenaa o Egypt alodahi aama de huahua i mee i dono hale alodahi.

Deuteronomy 15:13

Gai de masavaa naa huu aau e dugu ai ia gi hano, aagai koe e dee hai ia gi ngadi hano ma teai ana mee.