Exodus 24:3 - De Beebaa Dabu

³ Gai Moses ne humai ga tala ange gi de huaadangada muna alodahi a Tagi Maolunga ma mee alodahi gu hagamodu. Gai dangada ga pasa ange i de leo e dahi, ga hai ange, “Gimaadeu e hai donu gi bei muna alodahi a Tagi Maolunga gu tala adu gi de goe.”

Exodus 24:3 Iomraidhean Croise

2 Chronicles 15:14

Gai gilaadeu ga hagatoo donu ange gi Tagi Maolunga i de leo mmahi, ma de hevaalogi, aama de ili denga trumpet ma hanga manu.

2 Chronicles 15:15

Gai dangada alodahi i Judah gu malangilangi i de hagatoo donu laa, go hiidinga gilaadeu ne hagatoo donu i olaadeu lodo alodahi. Gilaadeu ne ssala Tagi Maolunga i olaadeu lodo alodahi, gai gilaadeu gu gidee ia. Gai Tagi Maolunga ne hai gilaadeu gi nnoho paba.

Psalm 50:5

“Hagabuni ina mai ogu dangada e hai hegau i de muna abodonu, go gilaadeu ne haia dahi hagatoo donu hagaheloongoi madali au ga hagasauaa i dahi ssigidaumaha.”

Exodus 19:8

Gai dangada alodahi ne pasa ange, ga hai ange, “Gimaadeu e paba ange donu e daudali i mee alodahi a Tagi Maolunga gu tala adu gi de goe.” Gai Moses ga ahe age e hagailoo ange muna laa gi Tagi Maolunga.

Exodus 24:2

aagai go Moses donu huu e humai gi baa mai gi Tagi Maolunga; gai de gau ange laa e dee loomai gi paa mai. Gai de huaadangada e dee loomai hogi madali ia.”

Exodus 24:7

Gai ia ga kave de beebaa e sisi ai laa de hagatoo donu hagaheloongoi ga dau ange muna e sisi ai gi dangada. Gai gilaadeu ga hai ange, “Gimaadeu e daudali naa donu i muna alodahi a Tagi Maolunga gu tala.”

Jeremiah 11:4

go agu muna gu tala ange gi oodou dubuna madagidagi, i de masavaa aagu ne hagassao mai ai gilaadeu i Egypt, go de ahi mmahi e hagavaivai ai laa denga iron. Gai au ne hai ange, ‘Goodou hagallongo mai gi de au, ma de hai mee alodahi aagu gu tala adu gi goodou, gai au ga hai ai goodou go ogu dangada, gai au go doodou Maadua.

Jeremiah 34:13

“E hagadaba Tagi Maolunga, de Maadua o Israel: Au ne hai dahi hagatoo donu hagaheloongoi madali oodou dubuna, i de masavaa aagu ne hagassao mai ai gilaadeu i de henua o Egypt, go de mommee olaadeu nogo hagahai hegau ina ai, ga hai ange,

Haggai 2:5

Deenei dagu hagatoo donu hagaheloongoi ne hai adu gi goodou i de masavaa oodou ne ssao mai ai i Egypt. Dogu Hagasaalunga e noho i oodou magavaa, goodou aude maatagu!

Malachi 2:10

E aha, e dee se Damana daudahi odaadeu alodahi? E aha, tee dahi donu huu Maadua ne haia gidaadeu? Gai gu aha gidaadeu gu oha ai nei de hagatoo donu hagaheloongoi a odaadeu dubuna madagidagi, i taadeu dee daohi denga hagatoo donu i odaadeu magavaa?

Deuteronomy 11:1

Goodou aloha i Tagi Maolunga doodou Maadua, ma de daohi ana muna, ma ana hainga gu hagasauaa, ma ana hagamodu, aama ana muna gu tala adu gi goodou i laangi alodahi.

Deuteronomy 4:1

De gau Israel, goodou hagalaangona ange hainga gu hagasauaa, ma hagamodu aagu e agoago adu ai goodou. Gai goodou daudali i mee nei, gi mouli ai goodou ma de hulo gi tae, e kave de henua a Tagi Maolunga, de Maadua o oodou dubuna madagidagi, e gaavadu gi goodou.

Deuteronomy 4:45

Gai aanei muna ma hainga gu hagasauaa ma hagamodu a Moses ne gaavange gi de gau Israel, i dua delaadeu ssao mai i Egypt,

Deuteronomy 4:5

Goodou e iloo bolo au gu agoago adu goodou hainga gu hagasauaa ma hagamodu, bei de hai a Tagi Maolunga dogu Maadua gu tala mai ai gi de au, gai goodou ga daudali ai, i de masavaa oodou e hulo ai ga kave de henua laa.

Deuteronomy 5:1

Gai Moses ne hagahi de gau Israel alodahi ga hai ange: De gau Israel, goodou hagalaangona denga hainga gu hagasauaa ma hagamodu aagu e tala adu gi goodou ailaa nei. Goodou hagamaumau ina ma de kana ange ga daudali ai.

Deuteronomy 5:31

Gai koe duu i ogu gaogao i kinei, gai au ga tala adu gi de goe agu muna alodahi, ma agu hainga gu hagasauaa, ma agu mee gu hagamodu, gai koe ga agoago ange ai gilaadeu. Gai gilaadeu gi daohia mee nei i delaadeu hulo ga nnoho i de henua aagu e gaavange gi gilaadeu.”

Deuteronomy 6:1

Aanei muna, ma hainga gu hagasauaa, aama hagamodu a Tagi Maolunga doodou Maadua ne gaamai, au gi agoago ina adu ai goodou; gai goodou ga daohi ai mee nei, i doodou tae gi de henua oodou ga hulo naa e kave i de baasi laa o Jordan,

Joshua 24:21

Gai dangada alodahi ga hai ange gi Joshua, “E deai, aagai gimaadeu e daumaha ange donu gi Tagi Maolunga.”

Joshua 24:22

Gai Joshua ga hai ange, “Go goodou e hagadonu ai bolo goodou gu hilihili e daumaha ange gi Tagi Maolunga.” Gilaadeu ne hai ange, “Go gimaadeu donu e hagadonu ai mee nei.”

Joshua 24:24

Gai dangada ga hai ange gi Joshua, “Gimaadeu e daumaha ange naa donu gi Tagi Maolunga demaadeu Maadua, aama de daudali i ana muna.”