Exodus 24:12 - De Beebaa Dabu

¹² Gai Tagi Maolunga ga hai ange gi Moses, “Gage age humai gi ogu daha i honga de mounga ma gi noho ai, gai au ga gaavadu gi de goe luu duu hadu e sisi ai hainga ma muna aagu gu lava i de sisi e agoagona ange ai gilaadeu.”

Exodus 24:12 Iomraidhean Croise

1 Kings 19:11

Gai ia ne hai ange, “Sao mai hannoo duu i honga de mounga i mada luu mada o Tagi Maolunga. Gai tilo, Tagi Maolunga e humai naa laa oo gaogao.” Gai dahi madangi laumalie ma de mmahi ne dau mai ga oha denga mounga ma de dili iho denga hadu, i mada i mua o Tagi Maolunga, aagai Tagi Maolunga e dee noho i lo te madangi laa. Dua de madangi laa gai de henua gu ngalungalue, aagai Tagi Maolunga e dee noho i de ngalungalue o de henua.

Ezra 7:10

Gai Ezra gu hagababa i ono lodo bolo ia ga hagamaumau hainga a Tagi Maolunga ma de daudali ai, aama de agoago ana muna gu hagasauaa aama ana hainga i Israel.

Nehemiah 9:13

Koe ne hano iho gi de mounga go Sinai, ga basa ange gi gilaadeu mai i de langi ga gaavange gi gilaadeu au hagamodu ssoe, ma au hainga heohi, ma au mee gu hagasauaa aama au muna danuaa gu tala mai.

Nehemiah 9:14

Koe ne hai gi iloo e gilaadeu dau Sabbath dabu, ma de gaavange gi gilaadeu au muna, ma au mee gu hagasauaa, ma au hainga mai i daho doo dangada hai hegau go Moses.

Psalm 19:12

Goai e maua gi iloo ono haisala? Koe gi degi mai gi ogu haisala e dee iloo laa.

Exodus 19:3

Gai Moses ne hanage gi daho de Maadua i ulu de mounga, gai Tagi Maolunga ga hagahi mai ia i ulu de mounga, ga hai ange, “Daalaa ange muna nei gi dangada o Jacob ma de gau Israel:

Exodus 24:15

Gai Moses ga hanage gi de mounga, gai de hagausinga ga haoli de mounga laa.

Exodus 24:18

Gai Moses ne hanage i de mounga ga ulu gi lo te hagausinga laa, ga noho i kilaa i e madahaa laangi ma boo.

Exodus 24:2

aagai go Moses donu huu e humai gi baa mai gi Tagi Maolunga; gai de gau ange laa e dee loomai gi paa mai. Gai de huaadangada e dee loomai hogi madali ia.”

Exodus 31:18

Gai ga lava huu ana muna i de tala ange gi Moses i honga de mounga go Sinai, gai ia ga gaavange luu duu hadu o de tala hagadonu gi Moses, go mee a de Maadua ne sisi i dono lima donu.

Exodus 32:1

Gai ga gidee huu e dangada bolo Moses gu mmule de ahe iho i ulu de mounga, gai gilaadeu ga hagabuni mai gi daho Aaron, ga hai ange gi de ia, “Haia hanu diinonga gi dagina gidaadeu, go hiidinga gidaadeu e dee iloo be ni aha gu hai ange gi Moses, taane ne hagassao ina mai gidaadeu i de henua go Egypt.”

Exodus 34:1

Gai Tagi Maolunga ga hai ange gi Moses, “Daadaa ina e lua duu hadu bei luu duu hadu aagu ne hai i taamada, gai au ga sisi ange muna aagu ne sisi ange gi honga luu duu hadu i taamada aau ne oha laa.

Jeremiah 31:33

Gai deenei dagu hagatoo donu hagaheloongoi e hai madali dangada o Israel i dua laangi laa, go Tagi Maolunga e hagadaba. Au e hai naa gi daakodo agu hainga i alaadeu maanadu, ma de sisi ange gi olaadeu lodo. Gai au e hai naa go delaadeu Maadua, gai gilaadeu go ogu dangada.

Matthew 5:19

Deenei ai, be goai e dee daohia dahi hainga damaa mee nei, ma de agoago ange dangada gi dee haia mee nei, gai go ia hugadoo e maolalo i de nohoanga hodooligi o de langi. Aagai be goai e daudali ai ma de agoago mee nei, gai ia e hagabinga bolo e maolunga i de nohoanga hodooligi o de langi.

2 Corinthians 3:3

Gai goodou gu hagaago danuaa mai bolo goodou se leda mai i daho Klisdo, go hua o amaadeu hegau. Gai de leda nei tee sisi i denga ink aagai ne sisi i daho de Hagasaalunga o de Maadua e mouli laa, tee sisi hogi i honga denga hadu baabaa, aagai ne sisi i lodo o dangada.

2 Corinthians 3:7

Noo de mee ne hegau ne hidi mai ai laa de magau ne hoda ange laa gi honga hanu hadu ne hai i de mahamaha, gai de gau Israel tee maua i de tilo luu mada o Moses, i hiidinga o de maalama o de mahamaha laa, gai de mahamaha se mee donu ne lilo —

Deuteronomy 4:14

Gai Tagi Maolunga ne tala mai gi de au i de masavaa laa, au gi agoago ina adu goodou i denga hainga gu hagasauaa aama mee gu hagamodu, gai goodou ga hai hegau ai i de henua oodou ga hulo naa e kave i de baasi laa.

Deuteronomy 5:22

Aanei muna a Tagi Maolunga ne tala ange gi de hagabuulingaa dangada i gaogao de mounga, i de masavaa oona ne basa mai ai i lo te ahi ula i de leo mmahi, ma lo te hagausinga ma de gohu boo dangodango, gai teai ange ana muna ne hagapuni ange. Gai ia ne sisi ange muna nei gi honga e lua duu hadu baabaa ga gaamai ai gi de au.

Deuteronomy 5:31

Gai koe duu i ogu gaogao i kinei, gai au ga tala adu gi de goe agu muna alodahi, ma agu hainga gu hagasauaa, ma agu mee gu hagamodu, gai koe ga agoago ange ai gilaadeu. Gai gilaadeu gi daohia mee nei i delaadeu hulo ga nnoho i de henua aagu e gaavange gi gilaadeu.”

Hebrews 9:4

gai e dugu ai de mommee o ssigidaumaha goolo e dudu ai laa mee maanongi, ma de ngavesi o de hagatoo donu hagaheloongoi e haoli alodahi laa i goolo. Gai ono lodo iai de ssaa goolo e hhao ai laa denga manna, ma togo o Aaron ne matili age laa, aama luu dibaa hadu baabaa e sisi ai laa de hagatoo donu hagaheloongoi.