Exodus 24:10 - De Beebaa Dabu

¹⁰ gai gilaadeu ne gidee de Maadua o Israel: de mommee i lalo luoono vae e bei dagodo o de mommee e hai i sapphire, gai e masalaba bei dagodo o lo te langi i lunga.

Exodus 24:10 Iomraidhean Croise

Genesis 32:30

Gai Jacob ga hagaingoo ange de mommee laa go Peniel, go hiidinga ia e hagadaba, “Au gu gidee luu mada o de Maadua, gai au tee magau.”

Genesis 32:31

Gai de masavaa oona ne seesee ai e hano gee i Penuel gai gu sula age de laa, gai ia gu hagadodi i hiidinga o dono gauanga gu maaguluaa.

1 Kings 22:19

Gai Micaiah ne hai ange hogi, “Deenei ai, koe gi hagalaangona muna a Tagi Maolunga: au ne gidee Tagi Maolunga e noho i honga dono nohoanga hodooligi, gai denga hagabuulinga o de langi e tuu i dono baasi madau ma dono baasi masui.

2 Chronicles 6:17

Deenei ai, Tagi Maolunga, de Maadua o Israel, hagassula ina au hagatoo donu ange ai gi doo dangada hai hegau go David.

Exodus 24:11

Aagai de Maadua tee hagaduasala donu denga dagi aamua o de gau Israel, e dee galemu donu gilaadeu ne gidee de Maadua. Muli mai gai gilaadeu ne gaimee ma de unu i kilaa.

Exodus 3:6

Go au de Maadua o oo dubuna madagidagi; go au de Maadua o Abraham, ma de Maadua o Isaac, aama de Maadua o Jacob.” Gai Moses ga haoli luoono mada, go hiidinga ia gu madagu i de galo ange e tilo de Maadua.

Exodus 33:20

Gai ia e hai ange hogi, “Koe e dee maua i de tilo luoogu mada; go hiidinga e deai donu se dangada e gidee au e maua gi mouli!”

Exodus 33:23

Gai au ga aau dogu lima, gai koe e gidee naa dogu dua; aagai e deai donu e maua gi gidee luoogu mada.”

Song of Songs 5:14

Luoono lima ni laagau goolo e hagalaagii i denga chrysolite. Dono angaanga e bei de ivory gu hagamalali, ma de hagalaagii i denga sapphire.

Song of Songs 6:10

Goai e bei nei dagodo o de maalama o taiao, ma de mahamaha bei de maasina, ma de maalama bei de laa, gai e hagamaatagu bei de hagabuulinga hebagi ma olaadeu flag?

Lamentations 4:7

Olaadeu dagi e gilimalali ange i denga snow, ma de tea ange i denga vai uu; olaadeu angaanga e mmea ange i denga ruby, gai olaadeu hoolinga e bei denga sapphire.

Ezekiel 1:1

De matolu ngadau huu, i de lima laangi o de haa malama, i dogu masavaa e noho ai madali dangada ne gaavee laa gi dahi henua gee, i gaogao ssaalingaa vai go Kebar, gai gu mahuge mai de langi, gai au gu gidee hanu midi hagaago ange, mai i daho de Maadua.

Ezekiel 10:1

Gai tilo, au ne gidee dahi mee be se nohoanga, e hai i sapphire i baasi lunga de moana i honga biho o denga cherubim.

Daniel 10:17

Dogu dangada aamua, dee hee de hai a doo dangada hai hegau e basa adu ai gi de goe? Au gu deai donu ogu mahi, gai au gu dee maua i de manava.”

Numbers 12:8

Gai gimaau e hagadau madaangudu; au e dee basa ange gi de ia i muna hagasengasenga; gai ia e gidee hogi hoolinga o Tagi Maolunga. Gai gooluu e dee maatagu naa donu i de hagadaumee ange gi dogu dangada hai hegau go Moses?”

Matthew 17:2

Gai ia gu hagadagodo gee i olaadeu madamada: luoono mada gu maalama bei de laa, gai ono malo gu tea bei de maalama.

John 1:18

Tigi ai donu se dangada ne gidee de Maadua; go de Maadua e dahi laa donu huu, go de ia e noho i gaogao o Tamana, ia gu hagaagona mai Tamana gi gidaadeu.

John 14:9

Iesu ne hai ange gi de ia, “Philip, gu daulooloa dogu noho i oodou daha, aagai koe tigi iloo naa donu be au goai? Be goai e gidee au, gai ia gu gidee donu Tamana, gai dee hee dau hai e hai mai ai naa, ‘Hagaagona mai gi gimaadeu Tamana’?

John 6:46

Tigi ai donu se dangada ne gidee e ia Tamana; go Tama donu huu ne humai laa i daho de Maadua, go ia gu gidee Tamana.

1 Timothy 6:16

Ia e dee magau donu, gai e noho i de maalama e dee maua laa e dangada i de hagapaa ange aagena, aagai tigi ai donu se dangada ne gidee ia, aabe e maua i de tilo ia. Gai go ia e bau ange gi kave de hagadubu ma ssauaa e dagi ai ga hano ai. Amen.

1 John 4:12

Tigi ai donu se dangada ne gidee e ia de Maadua; gai noo gidaadeu e hagadau aaloha, gai de Maadua e noho donu i odaadeu lodo gai dono aloha gu honu abodonu i odaadeu lodo.

Revelation 1:16

Gai ia e daohi e hidu heduu i dono lima madau, gai de gadilaasa kangi baasi lua e sao mai i lo tono ngudu. Gai luoono mada e maalama bei de maalama o de laa i de masavaa e mmahi ai.

Revelation 21:11

Gai de mahamaha o de Maadua i kilaa, e malamalama bei dahi hadu hagamogomogo mmao, bei de jasper, ma de masalaba bei de crystal.

Revelation 4:3

Gai de ia e noho ai laa e masalaba bei luu hadu hagamogomogo go de jasper ma de carnelian. Gai de umada e duuli ina laa luu baasi e bei de emerald.