Exodus 22:1 - De Beebaa Dabu

¹ “Noo dahi dangada gu gaiaa dahi kaau daane be se ssiibi ga daa be e hagao gi daha, gai ia e sui ange dana kaau ne gaiaa laa i e lima kaau, gai e haa ssiibi e sui ai dana ssiibi ne gaiaa laa.

Exodus 22:1 Iomraidhean Croise

2 Samuel 12:6

Gai ia e sui ange donu hogi ssiibi a taane hagaau aloha laa i e haa ssiibi, go hiidinga ia ne hai de hegau baubau nei, ia se daane donu e deai sono aloha.”

Exodus 21:36

Aagai noo de kaau laa gu mau donu dana velo manu ange laa i dono hanga, gai tangada niiana de kaau tee nnoa dana manu, gai ia gi hagao ina de kaau ne magau laa i dahi ana kaau, gai de kaau gu magau laa niiana.

Proverbs 14:4

Noo e deai donu kaau, gai de mommee o denga manu gu ngadi dagodo; aagai mahi o denga kaau e hai ga lagolago hua manu.

Proverbs 6:31

aagai noo ia gu boogia mai, gai ia e hagao donu gi hidu hanonga e kii ange ai, e dee galemu donu noo ia e gaavange ono goloa alodahi e hagao ai.

Jeremiah 2:34

Oo malo e baalau ai dodo o de gau hagaau aloha tigi haisala; gai koe tee gidee delaadeu ulu e gaiaa mee i doo hale. Aagai e dee galemu donu de hai mee,

Ezekiel 33:15

noo ia e hagaahe ange ana mee ne kave e hagadonu ai de hagaahe mai o ana mee, aabe e hagaahe ange ana mee ne gaiaa, ma de daudali i agu hainga gu hagasauaa e maua ai laa de mouli, ia e dee hai de baubau, gai ia e mouli donu, e dee magau.

Numbers 5:7

gai ia gi daalaa dagodo o de baubau aana gu hai laa. Ia ga hagao ana mee ne hagadee heohi laa, ga hagapuni ange dahi diba i diba e lima gi mee laa, ga gaavange gi tangada oona ne haisala ange laa aagena.

Luke 19:8

Aagai Zacchaeus ne duu age ga hai ange gi Tagi Maolunga, “Tilo, Tagi Maolunga, au e gaavange naa dahi luu baasi o agu mee gi de gau hagaau aloha. Gai noo au gu gaiaa mee a dahi dangada, gai au e hagaahe ange naa agu mee ne kave gi haa hanonga e kii ange ai.”