Exodus 19:16 - De Beebaa Dabu

¹⁶ Gai taiao huu o de hagadolu laangi, gai gu babaa denga hatuli ma de labalaba denga uila, gai de hagausinga maadolu gu haoli de mounga laa, gai gu kona de nganangana de ili o de hanga manu. Gai dangada alodahi i de mommee nnoho gaainga gu bolebole i delaadeu maatagu.

Exodus 19:16 Iomraidhean Croise

2 Samuel 22:10

Ia e hai gi baa iho de langi, gai ia ga iho ai; denga hagausinga maadolu i lalo luoono vae.

2 Chronicles 5:14

Gai de gau haimeedabu gu dee maua i de tuu i kilaa e hai ai alaadeu hegau i de hagausinga laa, go hiidinga de mahamaha o Tagi Maolunga gu hhao ma gu honu de hale o de Maadua.

De Beebaa go Job 38:25

Goai ne gelia de ava e hulo ai vai o de langi, ma de haiava o de uila ma hatuli,

Psalm 50:3

Taadeu Maadua e humai, gai ia e dee noho naa donu huu ga dee muu; de ahi e dudu mee alodahi i ono mada i mua, gai de madangi mmahi e ssau ma e duuli ai ia.

Psalm 77:18

De babaa o au hatuli e ngolo bei de madangi mmahi, au uila e hagamaalama henua i lalo, gai henua i lalo e ngalungalue ma de ngalullulu.

Psalm 81:8

Ogu dangada, nnoho mai gai au ga agoago adu goodou; de gau Israel, mee naa goodou gi hagallongo mai gi de au!

Psalm 97:4

Ana uila e hagamaalama henua i lalo; henua i lalo gu ngalungalue i dana gide mee nei.

Exodus 19:11

gai gilaadeu gi hagadabena ange gi de hagadolu laangi, go hiidinga au e hano iho naa gi honga de mounga go Sinai i madamada o dangada alodahi.

Exodus 19:15

Gai Moses ga hai ange gi dangada, “Goodou haia gi paba ange goodou gi de hagadolu laangi. Gai denga daane gi dee hagahebaa ma olaadeu bodu.”

Exodus 19:17

Gai Moses ga dagi mai dangada i de mommee nnoho gaainga e hulo ai gilaadeu e hedae ange gi de Maadua, gai gilaadeu ga hulo ga tuu i gaogao de mounga.

Exodus 19:9

Gai Tagi Maolunga ga hai ange gi Moses, “Au e hano iho naa e basa adu gi de goe mai i lo te hagausinga maadolu, gi langona ai e de gau Israel alodahi dogu leo e basa adu ai gi de goe, gi hagadonusia ai e gilaadeu goe iainei ga hano ai.” Gai Moses ga tala ange gi Tagi Maolunga muna a dangada.

Exodus 20:18

Gai ga langona huu e dangada de babaa denga hatuli ma de labalaba denga uila, gai gu ili de hanga manu, ma de buu age o de useahi i honga de mounga, gai gilaadeu gu maatagu ma de bolebole; gai gilaadeu ga hulo ga tuu i de mommee mmao,

Exodus 20:21

Gai dangada ne hulo ga tuu mai i de mommee mmao, gai Moses ga hano ga ulu gi lo te hagausinga uli o de Maadua iai laa.

Exodus 40:34

Gai de hagausinga gu hano iho ga haoli de hale malo hagabuni, gai de mahamaha o Tagi Maolunga gu hhao lo te tabernacle.

Exodus 9:23

Gai Moses ga haalo dono dogo gi lo te moana i lunga; gai Tagi Maolunga ga hagababaa denga hatuli ma de too iho denga duudangaa haisi, gai de ahi ula gu hano iho gi honga de gelegele. Gai Tagi Maolunga ga hai gu too iho denga duudangaa haisi gi honga de henua go Egypt.

Jeremiah 5:22

E aha, goodou e dee maatagu naa i de au? go Tagi Maolunga e hagadaba. E aha, goodou e dee maatagu i de tuu i mada luoogu mada? Goodou e dee bolebole i doodou tuu i ogu mada i mua? Au ne hai de gelegele dea go de ngaadonga o tai, gai se buibui e dagodo gai tai e dee maua i de hano gi ui ai. Denga beau e hadihadi mai, aagai e dee maua i de oha; denga beau e hagangolo mai, aagai e dee maua i de hulo gi ui ai.

Nahum 1:3

Tagi Maolunga e dee moolau de lili, aagai e mmahi mmao, Tagi Maolunga e hagaduasala donu tangada gu haisala laa. Ana hegau e gidee i lo te ssio ma de madangi mmahi, gai denga giliiga go de mama o luoono vae.

Matthew 24:31

Gai ia e hai naa gi hulo ana dangada de langi i de ili o de trumpet, gai gilaadeu e hagabuni mai naa ana dangada gu hili i denga madangi e haa, ma mai i dahi bido o de langi ga hano ai gi de bido ange laa.

Deuteronomy 5:5

De masavaa laa gai au ne duu i oodou magavaa ma Tagi Maolunga, ga tala adu ai gi goodou muna a Tagi Maolunga, go hiidinga goodou ne maatagu i de ahi ula laa, gai tee loage gi de mounga laa. Gai ia ne hai adu,

Hebrews 12:21

Gai ne kona donu de hagamaatagu i de tilo mee laa, gai Moses ne hagadaba, “Au ne bolebole mmao i dogu madagu.”

Revelation 1:10

Gai de Hagasaalunga ⌊Dabu⌋ ne hano iho gi ogu elunga i de laangi o Tagi Maolunga; gai au ne langona dahi leo laumalie bei de leo o de trumpet i ogu dua.

Revelation 11:19

Gai gu hhuge de temple o de Maadua i de langi, gai au gu gidee de ngavesi o dana hagatoo donu hagaheloongoi i lo tono temple. Gai gu labalaba mai ai denga uila, ma de nguu lo te moana i de babaa o denga hatuli, ma de ngalungalue o de henua, aama de too iho o denga dibadibaa haisi nnui.

Revelation 4:1

Dua mee nei gai au ne galo age ga gidee, de haitoga o de langi gu mahuge. Gai de leo aagu ne langona laa i taamada, e bei laa de ili o de trumpet, ne basa mai gi de au ma e hai mai, “Humai gi lunga i kinei, gai au ga hagaago adu gi de goe mee e hai i muli mai.”

Revelation 4:5

Gai de nohoanga laa e labalaba mai ai denga uila, ma de babaa ai denga hatuli. Gai mada i mua o de nohoanga laa iai e hidu laama gu haaula. Aanei denga hagasaalunga e hidu o de Maadua.

Revelation 8:5

Gai tangada de langi laa ga kave de mee e dudu ai laa mee maanongi, ga hhao ange de ahi gi ono lodo ga maga iho gi henua i lalo. Gai gu babaa denga hatuli, ma de ngaolo, gai gu labalaba denga uila, gai gu ngalungalue de henua.