Exodus 18:1 - De Beebaa Dabu

¹ Gai Jethro, ssaulaba o Moses, tangada haimeedabu o Midian, gu langona e ia mee alodahi a de Maadua gu bale ange ai Moses ma dono huaadangada go Israel, aama dana hagassao mai gilaadeu i Egypt.

Exodus 18:1 Iomraidhean Croise

Psalm 105:43

Ia ne hagassao mai ono dangada i de lodo malangilangi, go ono dangada ne hili i de lodo danuaa.

Psalm 105:5

Manadua ana hegau hagalele mouli, ana sauaa ma ana hagamodu gu tala.

Psalm 106:2

Goai e maua i de tala gi odi hegau sauaa a Tagi Maolunga, gai goai e maua i de hai gi dohu danuaa dono tuhi?

Psalm 34:2

Dogu hagasaalunga e tala tuhi dagodo o Tagi Maolunga, gai gilaadeu e lodo maolalo e malangilangi naa i delaadeu langona.

Psalm 44:1

De Maadua, gimaadeu gu langona i omaadeu dalinga, gai omaadeu dubuna madagidagi gu tala mai gi gimaadeu, dagodo o au mee ne hai i delaadeu masavaa, i denga laangi madagidagi.

Psalm 78:4

Gidaadeu e dee hagammuni donu mee nei mai i alaadeu gauligi, gai e tala ange gi denga atangada e loomai i muli dagodo hagailonga a Tagi Maolunga, ma dono mahi, aama hegau hagalele mouli aana ne hai.

Exodus 2:16

Gai tangada haimeedabu o de gau Midian e dogohidu ana damaa hine; gilaadeu ne loomai gi de vai laa e asu ai vai e hagaunu ai denga ssiibi a delaadeu damana.

Exodus 2:18

Gai ga aahe huu denga damaa hine laa gi daho delaadeu damana go Reuel, gai ia ga ssili ange gi gilaadeu, “Gu aha gu moolau mai ai naa goodou anailaa nei?”

Exodus 2:21

Deelaa ai, Moses ne noho i daho taane laa, gai Reuel ga gaavange dana damaa hine go Zipporah gi hai bodu ange gi Moses.

Exodus 3:1

Moses ne hagaloosi de hagabuulingaa ssiibi ma guudi a dono saulaba, go Jethro, tangada haimeedabu o Midian. Gai ia ne dagi ssiibi laa ga hulo ai gilaadeu gi de vao i de bido gi dai, ga hulo gu tae gi Horeb, go mounga o de Maadua.

Exodus 4:18

Gai Moses ne ahe ga hano gi daho dono saulaba go Jethro, ga hai ange gi de ia, “Aude haihaia, au ga ahe nei gi daho ogu dangada i Egypt e tilo ai be gilaadeu goi mouli huu.” Gai Jethro ga hai ange gi Moses, “Hannoo i de baba.”

Exodus 6:6

Deenei ai, daalaa ange gi de gau Israel, hai ange, ‘Go au donu go Iahweh, au e kave gee naa goodou mai i mee hagadaemaha a de gau Egypt e hai ange naa gi goodou, ma de hagaola gilaadeu mai i mee oodou hagaduasala ina ai. Gai au e hagaola naa goodou i dogu lima sauaa ma de hai denga hegau hagalele mouli e hagaduasala ai de gau Egypt.

Jeremiah 33:9

Gai de aduhale nei e hai naa ga se mee e haia ga malangilangi au, ma de tala tuhi aama de hagadubu au i daho denga huaahenua alodahi o henua i lalo, e langona mee danuaa alodahi aagu gu hai ange gi gilaadeu. Gai gilaadeu e maatagu naa ma de bolebole i hiidinga o mee danuaa alodahi ma dagu hai ga nnoho paba de aduhale.

Zechariah 8:23

E hagadaba Tagi o denga hagabuulinga hebagi: laangi laa gai e dinoangahulu naa dangada mai i denga huaahenua, e pasa laa i muna henua gee, e poo naa de malo laa daha o dahi dangada Ssuu, ga hai ange, ‘Gimaadeu e hulo madali goe, go hiidinga gimaadeu gu langona bolo de Maadua e noho i oo daha.’ ”

Numbers 10:29

Gai Moses ga hai ange gi Hobab tama daane a Reuel, taane Midian, go dono saulaba, “Gimaadeu ga hulo nei gi de mommee a Tagi Maolunga gu hai mai, ‘Au e gaavadu naa de mommee nei gi goodou.’ Humai madali gimaadeu, gai gimaadeu ga abodonu adu gi de goe, go hiidinga Tagi Maolunga gu hagatoo donu ange mee danuaa gi de gau Israel.”

Acts 14:27

Gai de masavaa olaau ne tae ai gi kilaa, gai gilaau ga hagabuni de nohoanga dabu, gai gilaau ga tala ange mee alodahi a de Maadua gu hai i olaau daha, ma dana hhuge ange de haitoga o de gai gi denga Gentile.

Acts 15:12

Gai dangada alodahi gu dee mmuu i delaadeu nnoho ga hagallongo muna a Barnabas ma Paul i delaau tala ange dagodo o denga hagailonga ma mee hagalele mouli a de Maadua gu dugu ange gilaau gi haia i magavaa o denga Gentile.

Romans 15:18

Go hiidinga au e dee maua donu i de basa i hanu mee gee ange, go mee donu huu a Klisdo ne hagahai hegau i ogu daha, i agu muna ma agu hegau gi hagallongo ange ai denga Gentile gi de ia,

Joshua 2:10

Gai gimaadeu gu langona de hai a Tagi Maolunga ne hai ai ga deai vai o Tai Mmea i oodou mada i mua, i de masavaa oodou ne ssao ai i Egypt, ma doodou hai ne hai ai luu hodooligi o de gau Amor i baasi dua o Jordan, go Sihon ma Og, go luu hodooligi oodou ne oha olaau mommee.

Joshua 9:9

Gilaadeu ga hai ange, “Gimaadeu, oo dangada hai hegau, ne loomai i dahi henua mmao, i hiidinga longo o de ingoo o Tagi Maolunga doodou Maadua. Gimaadeu gu langona ono longo ma mee alodahi aana ne hai i Egypt,

Judges 1:16

Gai de aamuli o Ken, ssaulaba o Moses, ne hulo gee mai i de aduhale o denga palm, madali dangada o Judah ga nnoho madali gilaadeu i de vao o Judah i Negev, i gaogao o Arad.

Judges 4:11

De masavaa laa gai Heber, taane Ken, ne hano gee mai i de mommee o de gau Ken, de aamuli o Hobab ssaulaba o Moses. Ia ne hano ga hagaduu dono hale malo i gaogao de oak i Zaanannim, de mommee laa e baa ange gi Kedesh.