Exodus 16:3 - De Beebaa Dabu

³ ga hai ange gi gilaau, “Mee naa gi ne daia e Tagi Maolunga laa gimaadeu ga maakau i de henua go Egypt, i de masavaa omaadeu e gaimee ai ma e boobosu danuaa i pelaoaa ma giidagi. Gai gooluu gu gaamai gimaadeu gi de vao nei e daa ai de hagabuulingaa dangada soa nei gi maakau i de hiikai.”

Exodus 16:3 Iomraidhean Croise

2 Samuel 18:33

Gai de hodooligi gu bolebole, gai ia ga hanage gi de aabi i honga de haitoga o de buibui ga dangi ai. Gai ia ne hano ma de dangi ga hagadaba, “E Absalom, dagu dama, dagu dama go Absalom! Mee naa go au ne magau e dee go koe! E Absalom, dagu dama, dagu dama!”

De Beebaa go Job 3:1

Dua mee laa, gai a Job ne basa ga hagamalaia dono laangi ne haanau ai,

De Beebaa go Job 3:10

go hiidinga tee pono de haitoga o de mommee o denga dama, gi dee gidee ai e au de hai ngadaa.

De Beebaa go Job 3:20

Gu aha gu gaavange ai de maalama gi gilaadeu e duasala, gai de mouli gi dangada e daemaha olaadeu lodo?

Psalm 107:5

Gilaadeu ne hiikai ma de hieunu, gai gu baageaa olaadeu lodo.

Psalm 78:19

Gilaadeu ne hagadaumee ange gi de Maadua, ga ssili, “E maua e de Maadua i de hhao dahi deebele gai i de vao?

Psalm 78:25

Dangada o henua i lalo gu gaimee i gai a de gau de langi, gai ia ne gaavange gi gilaadeu gai lagolago.

Exodus 14:11

Gai gilaadeu ga hai ange gi Moses, “E aha, teai laa donu mommee e danu ai dangada i Egypt, gai koe ga gaamai ai nei gimaadeu gi maakau i de vao? Se aha aau ne hai mai nei gi gimaadeu, i dau hagassao mai gimaadeu i Egypt?

Exodus 17:3

Aagai de huaadangada gu kona i de hieunu i kilaa, gai gilaadeu ga nnanu i Moses, ga hai ange, “Koe se hagassao mai nei gimaadeu mai i Egypt, ma amaadeu dama aama amaadeu manu e daa gi maakau i demaadeu hieunu?”

Exodus 2:23

Dua huu hanu ngadau lagolago, gai de hodooligi o Egypt gu magau. Gai de gau Israel gu duasala mmao i delaadeu hagahai hegau kona ina, gai gilaadeu ga dangidangi i de bale, gai de Maadua gu langona e ia delaadeu dangidangi.

Exodus 5:21

Gai gilaadeu ne hai ange gi gilaau, “Tagi Maolunga gi hagaduasala ina gooluu, go hiidinga gooluu gu hai gi kino Pharaoh ma ono dangada hai hegau i gimaadeu, gai e bei donu gooluu gu gaavange dahi gadilaasa gi gilaadeu gi daia ai gimaadeu gi maakau.”

Jeremiah 2:6

Gilaadeu tee hagataba hogi, ‘I hee iai Tagi Maolunga go de ia ne hagassao ina mai gimaadeu i Egypt, ga dagi mai gimaadeu i de vao, ma lo te henua e deai mee e ssomo ai gai iai denga geelonga, se henua e deai vai iai ma de gohu boo dangodango, se henua e deai dangada e seesee ai gai e deai dangada e nnoho ai?’

Jeremiah 42:14

aagai e hagataba, ‘E deai, gimaadeu e hulo donu e nnoho i de henua go Egypt, go de mommee amaadeu e dee gidee ai de hebagi, be go de langona ai de ili de hanga manu, aabe go de hiikai i teai gai’ —

Jeremiah 44:17

Aagai gimaadeu e hagassula donu amaadeu mee gu lava i de hagatoo donu ai. Gimaadeu e dudu ange naa mee maanongi gi de hine hodooligi o de langi, ma de ssigidaumaha ange mee unu gi de ia, bei hegau amaadeu ma omaadeu dubuna madagidagi, ma omaadeu hodooligi ma omaadeu dagi ne hai i aduhale o Judah ma honga haiava o Jerusalem. De masavaa laa gai gimaadeu e lagolago amaadeu gai ma de duadonu, gai gimaadeu tee hai ngadaa donu.

Lamentations 4:9

Dangada gu daia laa ma gu maakau i de gadilaasa e danuaa ange i gilaadeu e maakau laa i delaadeu saalohia; gilaadeu e kona de hiikai, gai gu panga, i hiidinga teai gai i honga denga veelenga.

Numbers 11:15

Noo deenei dau hai e hai ai au, gai au e dangidangi adu koe gi daia donu au gi magau iainei, noo koe e malangilangi i de au, gai koe aude hagaduasala ina au i de mee nei.”

Numbers 11:20

aagai goodou e gai naa denga giidagi i dahi huaamalama, ga dae ai gi doodou kino i de gai, i hiidinga goodou ne hagangadi mee Tagi Maolunga e noho laa i oodou magavaa, gai goodou ne nnanu ange gi de ia, ga hai ange, “Gu aha gu hagassao mai ai nei gimaadeu i Egypt?” ’ ”

Numbers 14:2

Gai de gau Israel alodahi ga nnanu i Moses ma Aaron; gai de hagabuulingaa dangada laa ga hai ange gi gilaau, “Mee naa gimaadeu ne maakau donu huu i de henua go Egypt, aabe ne maakau donu huu i de vao nei!

Numbers 14:3

Gai gu aha Tagi Maolunga gu gaamai ai nei gimaadeu gi de henua nei e daa ai gi maakau? Omaadeu bodu ma amaadeu dama e gaavee naa e omaadeu hagadaumee; gai e dee danuaa ange demaadeu aahe gi Egypt?”

Numbers 16:13

Koe e maanadu bolo se mee hai ngaohie dau hagassao mai gimaadeu i de henua iai vai uu ma hooni lagolago, ga gaamai gimaadeu e daa gi maakau i de vao nei? Gai iainei koe gu lodo hogi go koe demaadeu dagi?

Numbers 16:41

De laangi i dua mee nei, gai de hagabuulingaa dangada alodahi o Israel ne nnanu i Moses ma Aaron, ga hai ange, “Gooluu gu daa ma gu maakau dangada o Tagi Maolunga.”

Numbers 21:5

Gai gilaadeu ga hagadaumee ange gi de Maadua ma Moses, ga hai ange, “Gu aha gooluu gu gaamai ai nei gimaadeu i Egypt e daa gi maakau i de vao nei? E deai donu gai be ni vai i kinei! Gimaadeu gu kino gee donu i de gai denga gai baubau nei!”

Acts 26:29

Paul ne hai ange, “E dee hilihili donu be se masavaa bodobodo aabe se masavaa daulooloa — gai au e dalodalo ange gi de Maadua bolo e dee go koe donu huu, aagai go dangada alodahi e langona agu muna anailaa nei, gi hagadonusia hogi bei ogu dagodo, deelaa donu huu, goodou gi dee noonoodia i daula baalanga bee nei.”

1 Corinthians 4:8

Goodou gu kave donu mee alodahi oodou e llodo ai! Gai goodou gu ni dangada donu e lava! Gimaadeu e dee ni hodooligi, gai goodou ni hodooligi donu! Mee naa goodou gi ni hodooligi abodonu, gi maua ai hogi e gimaadeu i de hodooligi madali goodou!

2 Corinthians 11:1

Au e lodo goodou gi golomagi ina oodou lodo i de au, gai au ga basa adu bei dagodo o dahi dangada lodo senga. Goodou gi dee haihaia golomagi ina oodou lodo!

Deuteronomy 28:67

Gai koe e hagadaba naa i taiao, “Mee naa gi ahiahi deenei!” gai de ahiahi gai koe e hagadaba, “Mee naa go taiao deenei!” — i hiidinga doo madagu i mee aau e maanadu i oo lodo, ma mee aau e gidee i luoo ganomada.

Deuteronomy 8:3

Gai ia ne hagamaolalo goodou i dana hai ga hiikai goodou, gai ga haangai adu goodou i denga manna, ni gai niiodou ma oodou dubuna madagidagi tee iloo i mua. Ia ne hai mee nei gi tonu ange ai goodou, bolo tangada e dee mouli donu huu i pelaoaa, aagai ia e mouli i muna alodahi e tala i de ngudu o Tagi Maolunga.

Joshua 7:7

Gai Joshua ga hai ange, “Dogu Ia Aamua go Iahweh, gu aha goe gu hai ai nei de huaadangada nei, gi loomai gi de baasi dai o Jordan? Koe se gaamai nei gimaadeu e dugu ange gi de gau Amor gi daia gi maakau? Mee naa gimaadeu ne nnoho donu huu i de baasi laa o Jordan!