Exodus 13:9 - De Beebaa Dabu

⁹ Gai de mee nei e bei de hagailonga e nnoa ange laa gi honga oodou lima aama honga oodou lae, gi manadua ai e goodou de hainga a Tagi Maolunga gai goodou ga tala ai, i hiidinga Tagi Maolunga ne hagassao mai goodou i Egypt i dono lima sauaa.

Exodus 13:9 Iomraidhean Croise

Nehemiah 1:10

Gilaadeu go oo dangada hai hegau ma au dangada gu hagao i doo sauaa ma doo lima mmahi.

Psalm 136:11

gai ga hagassao mai de gau Israel i olaadeu magavaa, Dono abodonu e dagodo ga hano ai.

Psalm 136:12

i dono lima mmahi gu hagaabo laa; Dono abodonu e dagodo ga hano ai.

Psalm 89:13

Koe e mmahi mmao; gai doo lima madau gu haalo i doo sauaa.

Exodus 12:14

Gai goodou ga dao de laangi nei, ga hai gi se daonga hagamogomogo ange gi Tagi Maolunga i daho oodou atangada e loomai i muli ga hano ai.

Exodus 12:41

Gai ga odi ange huu de 430 ngadau, i de laangi mau, gai denga hagabuulingaa dangada o Tagi Maolunga ga hulo gee mai i de henua go Egypt.

Exodus 13:14

Gai noo oodou dama daane e ssili adu gi goodou i laangi e loomai nei de hagadoonunga o mee nei, gai goodou hai ange, ‘Tagi Maolunga ne hagassao mai gidaadeu i Egypt, go de mommee omaadeu nogo hai hegau ina ai, i dono lima sauaa;

Exodus 13:16

Gai de mee nei e hai gi se mee hagailonga e nnoa ange gi honga oodou lima aama honga oodou lae, e hagamaanadu ai de hagassao mai a Tagi Maolunga gidaadeu mai i Egypt i dono lima sauaa.”

Exodus 13:3

Gai Moses ne hai ange gi de huaadangada, “Goodou dao ina de laangi nei, go de laangi oodou ne ssao mai ai i Egypt, go de mommee oodou nogo hagahai hegau ina ai, go hiidinga Tagi Maolunga ne hagassao mai goodou i de henua laa i dono lima sauaa. Goodou e dee gai pelaoaa iai mee hagahua.

Exodus 3:20

Deelaa ai, au e hagaduasala naa Egypt i denga sauaa alodahi aagu e hai i honga de henua, gai dua naa huu mee nei, gai de hodooligi ga dugu goodou gi hulo.

Exodus 7:4

aagai Pharaoh e dee hagallongo adu naa donu gi de goe. Gai au e hagaduasala naa Egypt, ga dagi dogu huaadangada go de gau Israel ga kave gee mai i de henua go Egypt,

Proverbs 1:9

Muna nei e bei de hau mahamaha i honga doo biho, aama sseini e dau laa i doo ua.

Proverbs 3:21

Dagu dama, aude dilia de heiangi ma de maanetonu; aude ngalo luu mee nei;

Proverbs 7:23

ga dae ai gi de velosia dono ade; ia e bei de manu lele e hagasoe ange laa gi lo te sele, ia tee iloo donu bolo e daa naa ia ga magau.

Song of Songs 8:6

Haia au bei de mee dau i honga doo hadu manava, ma de maaga i honga doo lima; go hiidinga de aloha e mmahi bei de magau, gai dono maagoda e bei de mommee o de gau maakau. Gai e dudu bei de ahi mmahi, gai dono ula e mmahi mmao.

Isaiah 27:1

De laangi laa gai Tagi Maolunga e hagaduasala naa i dana gadilaasa hagamaatagu ma de laumalie aama de mmahi, de Leviathan, go de labodo e tolo laa, de Leviathan, go de labodo e haganigo laa; ia e daa naa ga magau de manu laumalie o de moana.

Isaiah 40:10

Tilo, de Ia Aamua go Iahweh e humai naa i ssauaa, gai ia ga hodooligi i dono lima mmahi. Tilo, ia e gaamai ana hagaoanga madali ia, ma mee e hagao ange ai alaadeu hegau.

Isaiah 44:5

Dahi e hagadaba naa, ‘Au se dangada niio Tagi Maolunga,’ gai dahi e kave naa de ingoo go Jacob; gai tangada ange laa e sisi ange naa gi honga dono lima, ‘Nii Tagi Maolunga’, ma de kave de ingoo go Israel.”

Isaiah 49:16

Tilo, au gu maaga ange goe gi honga luoogu alohi lima, gai au e daumada doo buibui i masavaa alodahi.

Isaiah 51:9

De lima o Tagi Maolunga, alahage, alahage! Hakahu ina goe i de mahi, alahage, bei oo dagodo i denga laangi gu hulo, bei au hegau i denga atangada madagidagi. E aha, e dee go koe e duuduudia de Rahab ga too dagidahi ma de velo de manu laumalie laa?

Isaiah 59:21

Gai e hagadaba Tagi Maolunga, “Deenei dagu hagatoo donu hagaheloongoi ange gi gilaadeu: dogu Hagasaalunga e noho naa i oo daha, ma agu muna gu hhao adu gi lo too ngudu, e dee hulo gee naa donu mai i lo too ngudu, ma mai i lodo ngudu o au dama, aama lodo ngudu olaadeu hagadiilinga, mai iainei ga hano ai,” go Tagi Maolunga e hagadaba.

Jeremiah 22:24

Au e hagatoo donu i dogu mouli, go Tagi Maolunga e hagadaba, e dee galemu donu koe, Jehoiachin tama daane a Jehoiakim, de hodooligi o Judah e bei de buulei i dogu lima, gai au e unusi mai naa donu goe i dogu lima.

Daniel 9:15

Gai iainei, de Ia Aamua demaadeu Maadua, go koe ne hagassao ina mai oo dangada i de henua go Egypt i doo lima mmahi, ma de hagamaolunga doo ingoo bei tagodo o anailaa nei, gimaadeu gu haisala, gimaadeu gu hai hegau baubau.

Joel 2:11

Tagi Maolunga e basa i mada i mua o dono hagabuulinga hebagi; dono hagabuulinga hebagi e laumalie mmao, gai de ia e hagassula ina ana muna e mmahi mmao. De laangi o Tagi Maolunga e maolunga, ma de hagamaatagu mmao; goai e bau ange aagena?

Numbers 15:39

Gai denga huga malo nei ni mee e hai gi gidee e goodou, gai gi manadua ai e goodou muna alodahi a Tagi Maolunga, gai goodou ga daudali ai i ana muna, goodou gu dee hai donu huu oodou lodo, bei doodou hai e hai ai naa iainei.

Matthew 23:5

Gilaadeu e hai alaadeu hegau alodahi gi gidee ai e dangada. Gilaadeu e hai gi llaha olaadeu phylacteries, ma de hai gi lloa huga malo hagalaagii i bido i lalo o olaadeu malo lloa.

Romans 10:8

Aagai aahee muna gu tala laa? “De muna e baa adu donu gi goodou, gai gu dagodo donu i lodo oodou ngudu aama oodou lodo,” go muna e tala ai dagodo o de gai amaadeu e agoago ai laa.

Deuteronomy 30:14

Aagai muna nei e paa adu donu gi goodou, gai e daakodo donu i lodo oodou ngudu aama oodou lodo, gi maua ai e goodou i de daudali ai.

Deuteronomy 5:15

Manadua bolo goodou nogo ni dangada hai hegau i de henua go Egypt, gai Tagi Maolunga ne haalo adu dono lima mmahi, ga hagassao mai ai goodou i kilaa. Deenei ai, Tagi Maolunga doo Maadua gu hai adu koe gi dao ina de laangi o Sabbath.

Deuteronomy 6:21

gai koe daalaa ange gi dau dama, ga hai ange, “Gimaadeu nogo hai hegau ange gi Pharaoh i Egypt. Gai Tagi Maolunga ne hagassao mai gimaadeu i Egypt i dono lima sauaa mmahi.

Deuteronomy 6:6

Gai koe daohia muna alodahi aagu gu tala adu gi de goe anailaa nei i oo lodo.

Deuteronomy 6:8

Noodia ange muna nei gi doo lima ma honga doo lae; mee nei se hagailonga adu gi de goe.

Revelation 18:8

Deelaa ai, denga mee hagamaakau e loomai naa gi de ia i e dahi laangi. Ia e duu ange naa gi de magau, ma de hinangalosaa, aama de onge. Gai ia e dudu naa ga vela i de ahi, go hiidinga Tagi Maolunga de Maadua e hagamodu ina laa ono muna e mmahi mmao.”

Judges 2:12

Gai gilaadeu ne tili Tagi Maolunga de Maadua o olaadeu dubuna madagidagi, go ia ne hagassao ina mai gilaadeu i de henua go Egypt; gai gilaadeu ne daudali ange i denga diinonga o denga huaadangada e paa ange gi delaadeu henua, ma de daumaha ange gi gilaadeu; gai gilaadeu ga hai ai gu lili Tagi Maolunga.