Exodus 12:8 - De Beebaa Dabu

⁸ Gilaadeu e dunu kano manu laa i honga de ahi i de boo laa donu huu, ga gai madali pelaoaa dee hagahua aama mee mmala e hai i denga manu ssomo.

Exodus 12:8 Iomraidhean Croise

2 Chronicles 35:13

Gai gilaadeu ne lala i honga de ahi denga ssiibi gauligi e hai ai Taonga Hagasili bei de hai gu hagamodu ai laa i de hainga, gai ga dunu i lodo vai denga mee o sigidaumaha dabu i lodo kamaa, ma anibada nnui, aama gumedi, ga duha ange gi dangada i de masavaa moolau.

Psalm 22:14

Au gu bei denga vai gu llingi laa, ogu ivi alodahi gu ngaalue; ogu lodo gu bei dagodo o de candle, gu odi laa i de vaivai.

Exodus 1:14

ma de hai gilaadeu gi kona iho i de hilo denga bela pigi ga hai ai denga duudangaa hadu, aama de hagahai hegau gilaadeu i lodo veelenga; de gau Egypt ne hai gi kona hegau a de gau Israel e hai.

Exodus 12:9

Gai goodou e dee oda denga kano manu aabe boale i lodo vai, aagai e dunu i honga de ahi — go de biho, ma denga vae aama denga dae.

Exodus 13:3

Gai Moses ne hai ange gi de huaadangada, “Goodou dao ina de laangi nei, go de laangi oodou ne ssao mai ai i Egypt, go de mommee oodou nogo hagahai hegau ina ai, go hiidinga Tagi Maolunga ne hagassao mai goodou i de henua laa i dono lima sauaa. Goodou e dee gai pelaoaa iai mee hagahua.

Exodus 13:7

Gai go pelaoaa dee hagahua donu huu oodou e gai i laangi e hidu nei, gai haia gi deai pelaoaa iai mee hagahua e daakodo i oodou daha, aabe go oodou mommee e nnoho ai.

Exodus 23:18

Aude haia dahi sigidaumaha mai gi de au i dodo madali mee iai mee hagahua. Mee moomuna o denga sigidaumaha i dagu daonga e dee dugu gi doe gi taiao age.

Exodus 34:25

Aude haia dahi sigidaumaha i dodo madali pelaoaa hagahua. Gai goodou e dee dugu hogi hanu mee o ssigidaumaha o Taonga Hagasili gi doe gi taiao age.

Isaiah 53:10

Aagai se hagatau nii Tagi Maolunga, de hagammae ia ma de hagaduasala ia, gai dono mouli ne hai ai ssigidaumaha o tagasala. Deelaa ai, ia e gidee naa ono hagadiilinga soa, ma de lagolago ono laangi e mouli ai; gai de hagatau a Tagi Maolunga e hagasula naa i ono daha.

Amos 4:5

Haia ssigidaumaha e hagaahe ange de abodonu i pelaoaa hagahua, ma de tala tuhi oodou sigidaumaha ngadi gaavange — gai goodou ga tuhi ai goodou, de gau Israel, go hiidinga deenei doodou mee e llodo e hai, go de Ia Aamua go Iahweh e hagadaba.

Zechariah 12:10

“Gai au e gaavange naa gi de huaabodu o David de hagasaalunga o de lodo aloha ma talodalo. Gilaadeu e daumada naa donu au, de ia alaadeu ne velo laa ga hagalagohia, gai gilaadeu ga tangi ai naa i ono hiidinga, bei de dangi o tangada i dana dama dagidahi, ma de kona de hinangalosaa i de ia bei de dangi o tangada i de magau o dana dama madua.

Matthew 16:12

Aagai gilaadeu gu tonu ange bolo ia e dee hai ange gilaadeu gi kana ange i mee e hagahua ai laa pelaoaa, gai gilaadeu gi kana ange i agoago a denga Pharisee ma Sadducee.

Matthew 26:26

De masavaa olaadeu e gaimee ai, gai Iesu ga poo mai dahi duudangaa pelaoaa, ga dalodalo ga dohidohi ga gaavange gi denga dangada agoago, ga hai ange, “Gaavee, gaina; go dogu angaanga deenei.”

Galatians 5:9

Hanu momo mee hagahua e hai ga hua dahi laabungaa pelaoaa.

Deuteronomy 16:7

Goodou e dunu kano nei i honga de ahi ga gai ai, i de mommee a Tagi Maolunga doodou Maadua gu hili. Gai taiao age naa huu gai goodou ga ahe gi oodou hale malo.

1 Thessalonians 1:6

Goodou ne ago mai i gimaadeu aama Tagi Maolunga, gai goodou ne malangilangi i de kave de longo danuaa e dee galemu de kona doodou duasala ai, ma de malangilangi mai i daho de Hagasaalunga Dabu.