Exodus 12:3 - De Beebaa Dabu

³ Daalaa ange gi de hagabuulingaa dangada o Israel alodahi hai ange, bolo de madaangahulu laangi naa huu o de malama nei, gai denga daane mai i dahi huaabodu gi hilia dahi ssiibi be se guudi gauligi e dohu ai laa dangada i dahi huaabodu, dahi ssiibi ange gi dahi huaabodu.

Exodus 12:3 Iomraidhean Croise

Genesis 22:8

Abraham ne hai ange, “Dagu dama, go de Maadua e gaamai ssiibi gauligi e hai ai ssigidaumaha dudu.” Gai gilaau ga seesee ai loo ga hulo.

Genesis 4:4

Gai Abel ne gaamai manu ne haanau i taamada i dana hagabuulingaa ssiibi ma olaadeu mee moomuna. Gai Tagi Maolunga ne malangilangi i Abel ma dana sigidaumaha,

2 Chronicles 35:7

Gai Josiah ne gaavange gi dangada e dolusemada ssiibi ma guudi gauligi mai i ana manu donu e hai ai denga sigidaumaha i Taonga Hagasili, ma e dolumano kaau.

Exodus 12:2

“Mai iainei gai de malama nei go doodou dahi malama, gai go de malama e daamada ai doodou ngadau.

Exodus 12:21

Gai Moses ga hagahi denga daane maatua alodahi o de gau Israel, ga hai ange, “Dahi ma dahi gi hano gi hilihilia dahi ssiibi be se guudi gauligi e dohu ai dono huaabodu ga daa e hai ai Taonga Hagasili.

Exodus 12:4

Gai noo dahi huaabodu e dee maua i de gai dahi manu, i hiidinga e sogoisi dangada iai, gai gilaadeu ma dahi huaabodu e baa ange laa gi gilaadeu gi hagabuni gi hilia dahi ssiibi be se guudi gauligi e dohu ai laa dangada, ga hagabau ange mee a dahi dangada e gai.

Exodus 12:6

gai goodou ga tilo ange de manu nei ga dae ai gi de madaangahulu ma haa laangi o de malama, gai de ahiahi naa huu gai de hagabuulingaa dangada alodahi o Israel gi daia alaadeu manu.

Exodus 14:15

Gai Tagi Maolunga ga ssili ange gi Moses, “Gu aha gu duudagi ai naa doo dangi mai gi de au? Hai ange gi de gau Israel gilaadeu gi seesee gi hulo.

Exodus 20:19

gai gilaadeu ga hai ange gi Moses, “Go koe donu e basa mai gi gimaadeu, gai gimaadeu ga hagallongo au muna; aagai e dee go de Maadua e basa mai gi gimaadeu, ana vakaa ga maakau gimaadeu.”

Exodus 4:30

Gai Aaron ga tala ange gi gilaadeu muna alodahi a Tagi Maolunga gu tala ange gi Moses. Gai ia ga hai denga sauaa i madamada o dangada.

Exodus 6:6

Deenei ai, daalaa ange gi de gau Israel, hai ange, ‘Go au donu go Iahweh, au e kave gee naa goodou mai i mee hagadaemaha a de gau Egypt e hai ange naa gi goodou, ma de hagaola gilaadeu mai i mee oodou hagaduasala ina ai. Gai au e hagaola naa goodou i dogu lima sauaa ma de hai denga hegau hagalele mouli e hagaduasala ai de gau Egypt.

Ezekiel 40:1

Gai taamada huu o de ngadau e madalua ma lima i dua demaadeu gaavee gee i de henua, i de madaangahulu laangi o de malama, i de madaangahulu ma haa ngadau i dua de hagadee kii ina o Jerusalem — de laangi laa gai ssauaa o Tagi Maolunga ne hano iho gi ogu elunga, ga kave au gi kilaa.

Leviticus 1:2

“Basa ange gi de gau Israel, hai ange gi gilaadeu: ‘De masavaa naa huu a tangada e gaamai ai dana sigidaumaha gi Tagi Maolunga, gai ia gi gaamai dahi ana kaau, aabe go dahi ana ssiibi.

Leviticus 5:6

gai ia gi gaamai dahi manu gi Tagi Maolunga e hai ai ssigidaumaha o haisala laa, gai ia gi gaamai dahi manu hahine mai i de hagabuulingaa manu, e dee hilihili be se ssiibi be se guudi, e hai ai ssigidaumaha o haisala. Deenei de hai a tangada haimeedabu e tala ai ono haisala.

Numbers 15:11

Aanei mee e gaamai madali dahi kaau be go dahi ssiibi daane, be ssiibi gauligi aabe go dahi guudi gauligi.

John 1:29

De laangi i ono dua, gai a John ne gidee e ia Iesu e humai gi ono daha, gai ia ne hagadaba, “Tilo, Ssiibi Gauligi a de Maadua, go de ia e gaavee gee haisala o henua i lalo!

John 1:36

gai ia ne gidee Iesu e seesee mai laa kilaa, gai ia ne hai ange gi gilaau, “Tilo, Ssiibi Gauligi a de Maadua!”

John 12:1

Gai ga ono huu laangi i mua Taonga Hagasili, gai Iesu ga hano gi Bethany, de aduhale o Lazarus, taane a Iesu ne hagamouli age laa i de magau.

John 12:12

De laangi i ono dua, gai dangada soa ne loomai laa gi taonga, ne langona bolo Iesu e humai naa gi Jerusalem.

1 Corinthians 5:7

Aaua gee mee hagahua duai mai i oodou daha, gi bei ai goodou dagodo o de laabunga hoou e deai laa mee hagahua iai. Goodou se laabunga donu e deai mee hagahua iai. Go hiidinga Klisdo, taadeu ssiibi gauligi o ssigidaumaha o Taonga Hagasili, gu lava donu i de hai ai ssigidaumaha.

Joshua 7:14

Gai boo taiao naa huu, gai goodou loomai tuu i oodou aamuli i kinei. Gai de aamuli naa huu a Tagi Maolunga e dada, gai denga hagadiilinga iai ga loomai; gai de hagadiilinga naa huu a Tagi Maolunga e dada, gai denga huaabodu iai ga loomai; gai de huaabodu naa huu a Tagi Maolunga e dada, gai dangada iai ga loomai dagidahi.

Revelation 13:8

Gai dangada alodahi e nnoho i henua i lalo ga daumaha ange gi de manu laa — go dangada alodahi tee sisi olaadeu ingoo i de beebaa o de mouli a Ssiibi Gauligi ne daa laa ga magau i mua de hai o henua i lalo.

1 Samuel 7:9

Gai Samuel ne kave dahi ssiibi gauligi e unuunu laa huu ga hai ai ssigidaumaha dudu ange gi Tagi Maolunga. Gai ia ga dalodalo ange gi Tagi Maolunga i hiidinga o de gau Israel, gai Tagi Maolunga ga basa ange gi dana dalodalo.