Exodus 12:2 - De Beebaa Dabu

² “Mai iainei gai de malama nei go doodou dahi malama, gai go de malama e daamada ai doodou ngadau.

Exodus 12:2 Iomraidhean Croise

Esther 3:7

Gai de madaangahulu ma lua ngadau huu o Ahasuerus ne hodooligi ai, i tahi malama go Nisan, gai gilaadeu ne dada de laagau e hagaingoo ange laa go de Pur i mada i mua o Haman i laangi laa, i denga malama alodahi ga dae ai gi de madaangahulu ma lua malama go Adar.

Exodus 12:1

Gai Tagi Maolunga ga hai ange gi Moses ma Aaron i de henua go Egypt,

Exodus 12:18

Gai de madaangahulu ma haa laangi huu o tahi malama i de ahiahi, gai goodou ga daamada de gai pelaoaa e dee hagahua ga dae ai gi de madalua ma dahi laangi o de malama i de ahiahi.

Exodus 12:3

Daalaa ange gi de hagabuulingaa dangada o Israel alodahi hai ange, bolo de madaangahulu laangi naa huu o de malama nei, gai denga daane mai i dahi huaabodu gi hilia dahi ssiibi be se guudi gauligi e dohu ai laa dangada i dahi huaabodu, dahi ssiibi ange gi dahi huaabodu.

Exodus 13:3

Gai Moses ne hai ange gi de huaadangada, “Goodou dao ina de laangi nei, go de laangi oodou ne ssao mai ai i Egypt, go de mommee oodou nogo hagahai hegau ina ai, go hiidinga Tagi Maolunga ne hagassao mai goodou i de henua laa i dono lima sauaa. Goodou e dee gai pelaoaa iai mee hagahua.

Exodus 13:4

De laangi nei, i de malama go Abib, gai goodou e hulo gee mai i kinei.

Exodus 23:15

Koe haia Taonga o Pelaoaa Dee Hagahua, bei dagu hai gu tala adu ai gi goodou, gai koe ga gai pelaoaa dee hagahua i de masavaa gu hagailonga i e hidu laangi i de malama go Abib, go hiidinga deenei de malama oodou ne ssao mai ai i Egypt. Gai e deai donu se goodou e ngadi humai gi ogu mada i mua.

Exodus 34:18

Goodou dao ina Taonga o Pelaoaa Dee Hagahua. E hidu laangi oodou e gai ai pelaoaa dee hagahua, bei dagu hai gu tala adu ai gi goodou, i de masavaa gu hagailonga laa i de malama go Abib; i hiidinga go de malama nei oodou ne ssao mai i Egypt.

Exodus 40:17

Gai tahi laangi huu o tahi malama, i de lua ngadau, gai de tabernacle gu duu age.

Ezekiel 45:18

“E hagadaba de Ia Aamua go Iahweh: Tahi laangi o tahi malama, gai goodou gaamai e dahi kaau daane e deai laa mee baubau i dono angaanga e hai ai ssigidaumaha e hagagilimalali ai de mommee dabu.

Ezekiel 45:21

Gai de madaangahulu ma haa naa huu laangi o tahi malama, gai goodou ga dao Taonga Hagasili i e hidu laangi, gai goodou e gai pelaoaa e dee hagahua i denga laangi laa.

Leviticus 23:5

De ahiahi o de madaangahulu ma haa laangi i tahi malama go Taonga Hagasili a Tagi Maolunga.

Numbers 28:16

“ ‘Gai de madaangahulu ma haa laangi o tahi malama, go de laangi o Taonga Hagasili a Tagi Maolunga.

Deuteronomy 16:1

Goodou dao ina de malama go Abib, ga hai ai Taonga Hagasili ange gi Tagi Maolunga doodou Maadua, i hiidinga go de malama go Abib a Tagi Maolunga doodou Maadua, ne hagassao mai ai goodou i Egypt i de boo.