Exodus 11:1 - De Beebaa Dabu

¹ De masavaa laa gai Tagi Maolunga ne hai ange gi Moses, “Au e gaamai ange naa dahi mee hagamaakau gi honga o Pharaoh ma Egypt; gai dua naa huu de mee nei gai ia e dugu naa goodou gi hulo. Gai de masavaa aana e dugu adu ai goodou gi hulo, gai ia e usuusu adu naa donu goodou alodahi gi hulo gee.

Exodus 11:1 Iomraidhean Croise

Genesis 15:14

Gai au e hagaduasala naa de huaahenua olaadeu e hai hegau ange laa aagena, gai muli mai naa huu gai gilaadeu e kave naa goloa lagolago ga hulo gee mai ai i kilaa.

De Beebaa go Job 10:17

Koe e aheahe ange ga hagabaubau au, ma de hai gi kii ange doo lili i de au; oo hagabuulinga hebagi e hai baasi mai gi de au bei denga beau lagolago.

Exodus 12:29

Gai lo te madohi boo huu, gai Tagi Maolunga ga daa gu maakau denga dama daane maatua alodahi i honga de henua go Egypt, mai i tama daane madua a Pharaoh e noho laa i honga dono nohoanga, ga dae ai loo gi tama madua a tangada i lo te hale pono, aama dama maatua alodahi a denga manu haangai.

Exodus 3:20

Deelaa ai, au e hagaduasala naa Egypt i denga sauaa alodahi aagu e hai i honga de henua, gai dua naa huu mee nei, gai de hodooligi ga dugu goodou gi hulo.

Exodus 6:1

Gai Tagi Maolunga ga hai ange gi Moses, “Ailaa nei, gai koe e gidee naa dagu hai e hai ai Pharaoh; go hiidinga dogu lima mmahi e hai naa ia gi haia de gau Israel gi hulo, gai ia e hagammahi naa ga alualu gilaadeu gi hulo gee mai i de henua.”

Exodus 9:14

Go hiidinga de hanonga nei gai au e gaamai naa denga mee hagamaakau e hagaduasala ai goe, ma oo dangada hai hegau, aama doo huaadangada alodahi, gi iloo ai e goe bolo e deai ange donu e bei ogu dagodo i henua i lalo alodahi.

Leviticus 26:21

Noo goodou e hai baasi mai gi de au, ma tee llodo e hagallongo mai gi de au, gai au e hai gi hidu hanonga, e lagolago ange ai mee hagamaakau e paa i goodou, ma de hai gi bei dagodo o oodou haisala.

Deuteronomy 4:34

Gai gu dahi laa maadua ne hagataalea de kave dahi huaadangada mai i dahi huaahenua e hai ai ono dangada, i denga hagaduasala, ma hagailonga, ma mee hagalele mouli, ma de hebagi, i dono lima sauaa mmahi, aama denga hegau hagamaatagu, bei hegau a Tagi Maolunga doodou Maadua ne hai adu gi goodou i Egypt, bei doodou hai gu gidee ai laa?

Revelation 16:9

Gai dangada gu vvela olaadeu angaanga i de mmahi o de laa, gai gilaadeu ga pasa baubau i de ingoo o de Maadua niiona laa ssauaa e hai ai denga mee hagamaakau laa. Aagai gilaadeu tee daahuli donu olaadeu lodo e hagamahamaha ia.

1 Samuel 6:4

Gai gilaadeu ga hai ange, “Gai se aha adaadeu e kave e hai ai ssigidaumaha o tagasala?” Gilaadeu ne pasa ange, ga hai ange, “Gaavee e lima mee be ni hagahoa e hai i goolo ma e lima gimoo goolo, go taelodo o denga dagi o de gau Philistia; go hiidinga de mee hagamaakau laa ne hai adu gi goodou alodahi ma oodou dagi.