Exodus 10:7 - De Beebaa Dabu

⁷ Gai de gau hai hegau o Pharaoh ga hai ange gi de ia, “Dee hee maa taulooloa de hagaduasala a taane nei gidaadeu? Dugua denga daane gi hulo gi daumaha ange gi Tagi Maolunga delaadeu Maadua. Koe e dee gidee iho nei bolo Egypt gu maoha donu?”

Exodus 10:7 Iomraidhean Croise

Psalm 107:34

de gelegele iai manu hhua lagolago gi se gelegele e dee ssomo ai manu, i hiidinga baubau o dangada e nnoho i kilaa.

Exodus 12:33

Gai de gau Egypt ne usuusu ange de gau Israel gi hagamoolau gi hulo gee mai i de henua, i hiidinga gilaadeu ne hagataba, “Gidaadeu e odi naa donu i de maakau ⌊noo gilaadeu e dee hulo gee⌋.”

Exodus 23:33

Gai gilaadeu e dee nnoho i doodou henua, kana haia e gilaadeu goodou ga haisala mai gi de au; gai noo goodou e daumaha ange gi olaadeu diinonga, gai oodou lodo e noodia i de mee nei.”

Exodus 7:5

gi iloo ai de gau Egypt bolo go au donu go Iahweh, i de masavaa aagu e hagaduasala ai gilaadeu, ga kave gee de gau Israel mai i olaadeu daha.”

Exodus 8:19

Gai denga daane hai huuhuaa mee ga hai ange gi Pharaoh, “De mee nei go de madannia donu o de Maadua.” Aagai Pharaoh goi hagamakaga huu ono lodo, ia tee hagallongo ange donu gi gilaau, bei de hai a Tagi Maolunga gu tala ai laa.

Proverbs 29:6

Tangada baubau e noodia donu huu i ono haisala, aagai tangada heohi e daahili ma de malangilangi.

Ecclesiastes 7:26

Gai au gu gidee de mee e kii ange de mmala i de magau: go de hine e bei laa dagodo o ssele ma galauna, gai luoono lima e bei denga seeini. Gai tangada e madagu i de Maadua e ola mai naa i ono daha, aagai tangada haisala e noodia naa i ssele laa.

Isaiah 14:20

Koe tee danu madali gilaadeu, go hiidinga koe ne oha doo henua ma de daa ga maakau oo dangada. E deai naa donu dangada e manadua hagadiilinga o dangada e haia de baubau.

Isaiah 51:9

De lima o Tagi Maolunga, alahage, alahage! Hakahu ina goe i de mahi, alahage, bei oo dagodo i denga laangi gu hulo, bei au hegau i denga atangada madagidagi. E aha, e dee go koe e duuduudia de Rahab ga too dagidahi ma de velo de manu laumalie laa?

Jeremiah 48:4

Moab e oha naa ga maoha; ana gauligi vaaligiligi e tangi naa.

Jeremiah 51:8

Gai tee mmule donu gai Babylon gu oha ga maoha; oo mage dangi i ono hiidinga! Gai gaavee hanu valaai e hai ai ono mee mmae; kana adu e maua naa huu gi ieiangi ia.

Zephaniah 1:18

Alaadeu selevaa ma alaadeu goolo e dee maua naa donu i de hagaola gilaadeu i de laangi o Tagi Maolunga e bole ai. Dono magiaa e bei naa de ahi e dudu naa ga odi henua i lalo alodahi, gai ia e moolau naa donu dana daa ga maakau dangada alodahi i henua i lalo.

1 Corinthians 7:35

Au e tala adu mee nei e bale adu ai goodou, e dee se hai e daohi ai gi dee haia e goodou dahi mee, gai se hai gi maua ai e goodou i de hai hegau i de mee heohi i doodou hagaduu ngae i lodo o Tagi Maolunga.

Joshua 23:13

gai goodou gi iloo bolo Tagi Maolunga doodou Maadua e dee hai naa donu gi hulo gee denga huaahenua nei mai i oodou magavaa. Gai gilaadeu e bei naa ssele e dada ai goodou, ma de mee e hagailiili ai oodou dua, aama ni mee duiduia i lodo oodou ganomada, ga dae ai gi de odi goodou i de maakau ga dee maaleva, i de henua danuaa a Tagi Maolunga, doodou Maadua gu gaavadu gi goodou.

1 Samuel 18:21

Gai a Saul ne maanadu i ono lodo, “Au e gaavange naa dagu damaa hine gi David, gai dagu damaa hine ga hagasenga ai ia, gai de gau Philistia ga hai baasi ange ai gi de ia.” Deelaa ai, a Saul ne hai ange gi David i de lua hanonga, “Iainei gai koe go dogu saulaba!”

1 Samuel 5:11

Gai gilaadeu ga aalu gi denga dagi alodahi o de gau Philistia, ga hai ange, “Hagaahea de ngavesi a de Maadua o Israel gi dono mommee donu, gi dee maakau ai gidaadeu ma odaadeu dangada.” Go hiidinga dangada i lo te aduhale laa alodahi gu maatagu mmao. Gai de lima sauaa o de Maadua gu kona mmao de hagaduasala dangada i kilaa;