Ecclesiastes 9:15 - De Beebaa Dabu

¹⁵ Gai e dahi daane hagaau aloha gai e heiangi e noho i kilaa, ia ne hagaola de aduhale laa i dono heiangi. Aagai teai donu se dangada ne manadua taane hagaau aloha laa.

Ecclesiastes 9:15 Iomraidhean Croise

Ecclesiastes 4:13

Tama daane hagaau aloha heiangi e danuaa ange i dahi hodooligi madumadua lodo senga gu dee maua laa i de hagallongo dahi muna e hagakana ange,

Genesis 40:23

Gai taane e haia mee unu tee manadua e ia Joseph; ia gu ngalo ia.

2 Samuel 20:22

Gai de hine laa ne hano ga basa ange gi dangada i de iloo mee. Gai gilaadeu ga tuu de ua o Sheba, tama daane a Bicri, ga maga iho gi Joab. Gai a Joab ga ili de hanga manu, gai denga daane alodahi gu hulo gee mai i luu baasi de aduhale laa, ga aahe gi olaadeu hale. Gai Joab ne ahe hogi gi daho de hodooligi i Jerusalem.

Ecclesiastes 2:16

Tangada heiangi e bei naa hogi dagodo o tangada lodo senga, e dee daulooloa naa donu de hagamanadua dangada ia; dangada e ngalo naa gilaau ngaadahi i muli mai. Tangada heiangi e magau naa hogi bei tangada lodo senga!

Proverbs 21:22

Tangada heiangi e hebagi ange naa gi dahi aduhale o denga daane mmahi, gai ia e oha naa de mommee buibui makaga alaadeu e tali ange laa aagena.

Ecclesiastes 8:10

Au ne gidee hogi de danu o de gau baubau — go gilaadeu e dee modu laa de aheahe mai gi de aduhale dabu, ma de tuhi a dangada i de aduhale i delaadeu hai de mee nei. De mee nei e deai hogi ono haigamaiana.

Ecclesiastes 7:19

De heiangi e hai tangada heiangi gi mmahi ange i e dinoangahulu dagi o dahi aduhale.