Ecclesiastes 9:12 - De Beebaa Dabu

¹² E dahi ange mee: e deai donu se dangada e iloo dono masavaa: de mamu e buulou i lo te galauna baubau, gai de manu lele e noodia i dahi sele, gai e bei ai hogi dangada e gaavee i denga masavaa baubau e daa hagalele laa donu huu de dae mai gi gilaadeu alodahi.

Ecclesiastes 9:12 Iomraidhean Croise

Psalm 11:6

Ia e hai naa gi loiho gi honga o de gau baubau de ahi ma maga ahi ula; gai tuuhanga i lodo alaadeu ubu go de madangi hagavvela.

Proverbs 24:22

go hiidinga e daa hagalele naa donu delaau oha mee nei, gai goai e iloo be se hai ngadaa bee hee alaau e gaamai?

Proverbs 29:6

Tangada baubau e noodia donu huu i ono haisala, aagai tangada heohi e daahili ma de malangilangi.

Proverbs 6:15

Deenei ai, de hai ngadaa e daa hagalele naa donu de duu ange gi de ia; gai e moolau naa donu dono hai ngadaa, gai ia e dee ieiangi naa donu.

Ecclesiastes 3:19

Gai de hagaodi o tangada ma de hagaodi o denga manu dolodolo e dagodo daudahi donu huu; gilaadeu alodahi e maakau naa. Gai se dagodo daudahi delaadeu hai e manamanava ai; tangada e dee kii ange i denga manu. Mee nei alodahi e deai donu olaadeu haigamaiana.

Ecclesiastes 8:11

De masavaa naa huu e dee hagaduasala ai tangada i de masavaa moolau, i ana hegau baubau, gai lodo o dangada gu nnoho ai naa donu huu e hai de baubau.

Ecclesiastes 8:8

E deai donu se dangada e dahi ono sauaa e daohi ai de madangi, gai e deai hogi se dangada e dahi ono ssauaa e daohi ai de laangi oona e magau ai. E deai se dangada e dugu gi hano i de masavaa o de hebagi, gai e bei ai hogi, de baubau e dee dugu gi hulo gilaadeu e hai hegau ai.

Ecclesiastes 9:13

Au gu gidee hogi ma de lele ogu mouli i de hagadagodo o de heiangi i lalo de laa.

Isaiah 24:18

Be goai e savini ga hano i dana langona de dae mai o de mee hagamaatagu, e doo ange naa gi lo te geelonga; gai be goai e gage age i lo te geelonga, e doo ange naa gi lo te sele. Denga abaaba o de langi gu maahuge, gai denga dagelo o henua i lalo gu ngalungaalue.

Isaiah 30:13

deelaa ai, de baubau nei e bei naa dahi buibui maolunga gu mahangahanga laa ma gu puu mai denga hadu iai, gai e daa hagalele naa donu de maoha ga odi iho.

Ezekiel 32:3

E hagadaba de Ia Aamua go Iahweh: Au e maga adu naa dagu galauna ga buulou ai goe, gai au e hai naa de hagabuulingaa dangada soa gi daangia age goe gi uda.

Hosea 7:12

Au e maga naa gilaadeu i dagu galauna, i de masavaa olaadeu e hulo ai; au e dada iho naa gilaadeu bei denga manu llele i lo te moana. Au e haele naa gilaadeu bei dagodo muna gu tala ange gi delaadeu hagabuulingaa dangada.

Hosea 9:8

De pelaabisi, go de ia dagitilo o Ephraim madali dogu Maadua, gai sele e dada ai ia gu dugu i honga ono haiava alodahi, gai de hagadau kino gu dagodo i lo te hale o dono Maadua.

Luke 12:20

Aagai de Maadua ga hai ange gi de ia, ‘Taane lodo senga! Aaboo nei gai au ga kave nei doo mouli, gai goai ai naa e hagadanuaa i mee aau gu hagadabena adu naa gi de goe?’

Luke 12:39

Goodou gi iloo de mee nei: noo tangada niiona de hale e iloo de masavaa o tangada gaiaa e humai ai, aagai ia e dagitilo naa ga buibui gi dee oohaa dono hale.

2 Corinthians 6:2

Gai ia e hagadaba, “Au ne hagallongo dau dangidangi i de masavaa heohi, gai au ne bale adu goe i de laangi o de hagamouli.” Tilo, de masavaa heohi go iainei; tilo, go iainei donu de laangi hagamouli.

1 Thessalonians 5:3

De masavaa a dangada e hagataba ai, “Gu nnoho paba dangada ma tee manavasaa,” gai gu moolau donu de dae mai de hagaduasala, bei dagodo o de hai hagalangona o de hine gu dai haanau, aagai e deai donu e maua i de saavini e hulo gee.

2 Timothy 2:26

gai gi ola mai ai gilaadeu i ssele a de ia hagabaubau, go de ia gu noonoodia gilaadeu, gai gilaadeu ga hai ai ono lodo.

1 Peter 2:12

Gai goodou gi dahulinga danuaa i magavaa o denga Gentile, e dee galemu donu delaadeu tala bolo goodou e hai de baubau, gai ga gidee naa huu e gilaadeu oodou hegau danuaa, gai gilaadeu ga tuhi de Maadua i dono laangi e humai ai.

2 Peter 2:12

Aagai de gau bee nei e bei dagodo o denga manu alasala, e dee maua i de hagasaele dahi mee, gai ne haanau mai e daa gi maakau; gilaadeu e pasa hagangadi mee i mee olaadeu e dee tonu ange aagena, gai e daa naa donu gi maakau bei olaadeu dagodo.