Ecclesiastes 9:10 - De Beebaa Dabu

¹⁰ Be ni aha naa huu aau e gidee e hai, gai koe hagaduu ngae haia, go hiidinga de mommee o de gau maakau, go de mommee oou gu dai hano naa aagena, e deai donu hegau e hai ai, e deai hogi hagatau, be se iloo mee aabe se heiangi.

Ecclesiastes 9:10 Iomraidhean Croise

Genesis 37:35

Gai ana dama daane ma ana damaa hine alodahi ga loomai e hagaaneane ange ia, gai ia e tee lodo, ga hai ange: “E deai, gai au e hano naa donu gi daho dagu dama i de mommee o de gau maakau, i dogu hinangalosaa i de ia.” Deelaa ai, dono damana ne dangi i hiidinga o Joseph.

1 Chronicles 22:19

Gai goodou hagammahi saalaa Tagi Maolunga doodou Maadua i oodou lodo ma oodou hagasaalunga alodahi. Goodou ga daamada de hagaduu de mommee dabu o Tagi Maolunga de Maadua, gi maua ai e goodou i de gaamai de ngavesi o de hagatoo donu hagaheloongoi a Tagi Maolunga ma denga goloa dabu o de Maadua gi lo te temple oodou e hagaduu ange gi de ingoo o Tagi Maolunga.”

1 Chronicles 28:20

Gai David ne hai ange hogi gi dana dama go Solomon, “Koe gi lodo mmahi ma de lo taane i de hai de hegau nei. Aude madagu aabe gi lodo baageaa, go hiidinga Tagi Maolunga de Maadua, dogu Maadua, e noho madali goe. Ia e dee hano gee naa donu i oo daha aabe tili goe ga dae ai gi de lava hegau o de hale o Tagi Maolunga.

Nehemiah 2:12

Gai gimaadeu ma hanu daane ne maalanga ga hulo i de boo. Gai au tee tala ange donu gi dahi dangada daudahi, mee a dogu Maadua gu gaamai au gi haia i Jerusalem. Teai ange hogi manu madali au, go de manu donu huu oogu e gage laa.

Nehemiah 4:2

i madamada o ono dangada ma de hagabuulinga hebagi o Samaria, ga hai ange, “Ni aha a de gau Ssuu baageaa nei e hai nei? E maua nei donu e gilaadeu i de hagaahe age hanu mee? Gilaadeu e hai naa alaadeu sigidaumaha? Gai e maua naa donu e gilaadeu i de hagalava mee nei i dahi laangi sogosogo? Gai e maua naa donu e gilaadeu i de hai hanu hadu i denga gainga gu lava naa i de dudu?”

Nehemiah 4:6

Gai gimaadeu ne duudagi de hagaduu age de buibui alodahi, ga hai gu madohi lua age gi lunga, i hiidinga dangada ne llodo mmahi i de hai hegau.

De Beebaa go Job 10:21

i mua dogu hano gi de mommee e dee ai se dangada e ahe mai ai, ma de henua iai de gohu ma de goohunga gohu,

De Beebaa go Job 10:22

de henua o de gohu boo dangodango, ma de gohu ma de vinigoso, gai de maalama i kilaa e bei donu de gohu.”

De Beebaa go Job 21:13

Gilaadeu e duadonu i taulooloa olaadeu mouli, gai e nnoho paba i de masavaa olaadeu e hulo ai gi de mommee o de gau maakau.

Psalm 6:5

E deai donu se dangada e manadua goe i dua dono magau. Gai goai naa e duuhia goe i de mommee o de gau maakau?

Proverbs 3:28

Aude hai ange gi tangada e baa adu gi de goe, “Hannoo ga aahe mai ange ai, gai au ga gaavadu ai gi de goe daiao” — gai e dahi donu mee i oo daha.

Ecclesiastes 11:3

Noo denga hagausinga gu hagagohu age, gai de langi e pala iho naa donu gi honga de henua. Noo dahi manu somo e baguu gi ngaage aabe go ngaiho, gai e dagodo naa donu huu i tuulanga laa.

Ecclesiastes 11:6

Koe gi doo ina au golee i taiao, gai koe gi dee ngadi noho i de ahiahi, go hiidinga koe e dee iloo be dee hee de mee e somo, go de mee nei aabe go de mee ange laa, aabe go luu mee nei ngaadahi e ssomo.

Isaiah 38:10

“Au ne hagadaba: E aha, lo te madohi lua donu huu o dogu mouli, gai au e ulu i haitoga o de magau, au gu dee daea adu denga ngadau e doe i dogu mouli?

Jeremiah 29:13

Goodou e ssala naa ga gidee e goodou au, noo goodou e hagammahi e ssala i oodou lodo alodahi.

Numbers 13:30

Gai Caleb ga hai dangada e tuu i mada i mua o Moses gi dee hagalongaa, gai ia ga hai ange, “Gidaadeu ga hulo donu iainei e hebagi ange gi de henua laa; i hiidinga gidaadeu e maua donu i de hagadee kii gilaadeu.”

Matthew 20:7

Gilaadeu ne hai ange gi de ia, ‘Go hiidinga e deai donu se dangada e gaamai hanu hegau maamaadeu.’ Ia ne hai ange gi gilaadeu, ‘Goodou hulo hogi hai hegau i dagu veelengaa grape.’

Matthew 6:33

Aagai goodou saalaa i mua nei de nohoanga hodooligi o de Maadua ma dono heohi, gai mee nei alodahi e gaavadu naa donu gi goodou.

John 4:34

Iesu ne hai ange gi gilaadeu, “Agu gai go de hai lodo o de ia ne haia nei au gi humai, aama de hagalava ana hegau.

John 5:4

Go hiidinga dahi dangada de langi e hano iho i hanu masavaa ga hai gi kai age lo te vai laa; gai be goai naa huu ne iho i mua gi lo te vai laa i dua de kai age, gai ia e ieiangi mai i de hagadaagangaa magi oona e magi ai laa.]

John 9:4

De masavaa e ao ai de mee, gai gidaadeu e hagaduu ngae e hagalava hegau a de ia ne haia ngau gi humai. Gu baa mai de boo, go de masavaa e dee hai hegau ai dangada.

Romans 12:11

Goodou gi dee vaiduu gai gi lodo mmahi i de hai hegau, i doodou hai hegau ange gi Tagi Maolunga.

1 Corinthians 15:10

Aagai de abodonu o de Maadua gu hai au gi bei ogu dagodo iainei, gai dono abodonu mai gi de au tee se ngadi mee donu. Gai au e kii ange donu dogu hai hegau hagammahi i de gau tala ange laa — aagai e dee go ogu mahi, gai go de abodonu o de Maadua mai gi de au.

1 Corinthians 16:10

Gai de masavaa naa huu o Timothy e dae adu ai gi oodou daha, gai goodou diiloo abodonu ange gi de ia, i hiidinga ia se daane hogi e haia hegau a Tagi Maolunga bei ogu dagodo.

1 Corinthians 9:24

Goodou e dee iloo bolo de hagadau gaavange se mee ange gi dangada alodahi e saavini, aagai e dahi donu huu dangada e gaavee de hagaoanga? Deenei ai, goodou hagaduu ngae saavini gi maua ai e goodou i de kave de hagaoanga laa.

1 Corinthians 9:26

Deenei ai, au e dee savini bei tangada e ngadi savini laa donu huu, aabe go tangada e ngadi dugidugia laa donu huu lo te ngadi moana.

Ephesians 5:16

Goodou gi dee moumou ina oodou masavaa, go hiidinga gu baubau denga laangi nei.

Colossians 3:23

Gai be ni aha naa huu oodou e hai, gai goodou haia i de lodo se mee abodonu ange gi Tagi Maolunga e dee ange gi dangada.

1 Samuel 10:7

Gai ga lava naa huu mee nei i de hagassula, gai koe haia be se aha aau e gidee bolo e heohi, go hiidinga de Maadua e noho i oo daha.