Ecclesiastes 8:7 - De Beebaa Dabu

⁷ Ia e dee iloo be ni aha e hai i laangi e loomai nei, gai goai ai naa e daalaa ange gi de ia be ni aha gu hai?

Ecclesiastes 8:7 Iomraidhean Croise

Esther 5:12

Gai Haman ne hai ange hogi, “De hine hodooligi go Esther tee gauna ange dahi dangada gee madali de hodooligi gi dana daonga, gai go au donu huu. Daiao gai ia gu gauna mai hogi au madali de hodooligi gi dana daonga.

Proverbs 24:22

go hiidinga e daa hagalele naa donu delaau oha mee nei, gai goai e iloo be se hai ngadaa bee hee alaau e gaamai?

Proverbs 27:1

Aude basa hagasoenga i dagodo o daiao, go hiidinga koe e dee iloo be ni aha e hai i dahi laangi.

Proverbs 29:1

Be goai e hagaseegina i hanonga lagolago, gai e hagamakaga ono lodo, e daa hagalele naa donu dono lagohia — gai ia e dee ieiangi naa donu.

Ecclesiastes 10:14

Tangada lodo senga e lagolago ana muna e tala. E deai dangada e iloo be ni aha e hai i muli mai; gai goai e maua i de tala be ni aha e hai i dua dono magau?

Ecclesiastes 3:22

Gai au gu gidee bolo de mee donu huu e danuaa ange gi tangada go dono malangilangi i de hai ana hegau, go hiidinga deenei dono duuhanga. Gai goai e maua i de hagaahe mai ia gi diiloo mee e hai i dua dono magau?

Ecclesiastes 6:12

Gai goai e iloo be se aha e danuaa ange gi tangada i dono mouli, i laangi momo ma teai haigamaiana oona e mouli ai nei, gai e moolau de odi bei dagodo o de goohunga? Gai goai e maua i de tala ange gi de ia be ni aha e hai i lalo de laa i dua dono magau?

Ecclesiastes 7:14

Malangilangi i de masavaa oou e duadonu ai, aagai koe gi donu iho i de masavaa o de hai ngadaa: go de Maadua ne haia luu mee nei ngaadahi. Deelaa ai, tangada e dee maua gi iloo dagodo o dono mouli i de masavaa e humai.

Ecclesiastes 9:1

Au ne hagasaele mee nei alodahi ga hagadaba bolo gilaadeu e heohi ma gilaadeu e heiangi, aama alaadeu hegau, go de Maadua e hagasauaa ina. Gai e deai donu se dangada e iloo be go de aaloha aabe go de kino e gaavange gi de ia.

Ecclesiastes 9:12

E dahi ange mee: e deai donu se dangada e iloo dono masavaa: de mamu e buulou i lo te galauna baubau, gai de manu lele e noodia i dahi sele, gai e bei ai hogi dangada e gaavee i denga masavaa baubau e daa hagalele laa donu huu de dae mai gi gilaadeu alodahi.

Matthew 24:44

Deenei ai, haia donu hogi gi paba goodou, go hiidinga Tama a Tangada e humai naa i de masavaa oodou e dee maanadu ai bolo ia e humai.

Matthew 24:50

gai tangada aamua o tangada hai hegau laa e humai naa, i de laangi aana e dee maanadu ai bolo ia e humai, ma de aoaa aana e dee iloo laa.