Ecclesiastes 8:14 - De Beebaa Dabu

¹⁴ E dahi ange mee e hai i henua i lalo, e deai ono haigamaiana: gilaadeu e heohi e hagaduasala bei de gau baubau, gai de gau baubau e manuuia bei gilaadeu e heohi. Au e hagadaba bolo de mee nei e deai hogi ono haigamaiana.

Ecclesiastes 8:14 Iomraidhean Croise

De Beebaa go Job 1:22

Mee nei alodahi ne hai, gai a Job tee haisala donu aabe ne hagabaubau de Maadua i dahi mee daudahi.

De Beebaa go Job 21:7

Gu aha de gau baubau goi mouli ai laa huu, gai gilaadeu e hulo ga madumaatua ma de hagadaga ange de mmahi?

De Beebaa go Job 27:12

Tilo, goodou gu gidee donu mee nei; gai gu aha gu lagolago ai naa oodou ngadi muna e tala?

Psalm 73:3

Go hiidinga au ne lodo gaiaa ange gi de gau pasa hagamaolunga, i dagu gidee de hagadagadaga age o de gau baubau.

Ecclesiastes 10:5

Au gu gidee dahi mee baubau i lalo de laa, go de baubau e daamada mai laa i daho dahi dagi:

Ecclesiastes 2:14

Tangada heiangi e hanu ono ganomada e tilo ai, gai tangada lodo senga e seesee i lo te gohu; aagai au gu donu ange bolo gilaau ngaadahi e tuu ange naa gi de mee daudahi.

Ecclesiastes 4:4

Au ne gidee hogi bolo hegau alodahi ma denga hegau labagau alodahi ne hai i hiidinga de lodo gaiaa o tangada i tangada ange laa. De mee nei e deai hogi ono haigamaiana, gai e bei de ngadi doolohi a tangada de madangi.

Ecclesiastes 4:8

E dahi dangada e noho sogosogo, e deai sana dama daane be se daina daane. Gai e dee maua donu gi lava ana hegau e hai, gai ia e dee maua hogi gi malangilangi i dono lava. Gai ia e hagadaba, “Goai donu oogu e hai hegau kona ange nei aagena, gai gu aha gu dee hai ai nei donu huu au de mee e danuaa mai gi de au?” De mee nei e deai hogi ono haigamaiana, gai se hegau hagadaemaha!

Ecclesiastes 7:15

Dogu noho i de mouli deai nei ono haigamaiana, gai au gu gidee luu mee nei ngaadahi: tangada heohi e magau gai ia e hai hegau i de heohi, gai tangada baubau e daulooloa dono mouli gai ia e hai de baubau.

Jeremiah 12:1

Tagi Maolunga, koe e heohi donu, i de masavaa aagu e tala adu ai dogu heohi. Aagai au e basa adu gi de goe i dagodo o dau hagamodu muna. Gu aha de gau baubau e hagadagadaga age ai laa? Gai gu aha de gau vaivai daakodo alodahi e duadonu ai laa?

Malachi 3:15

Aagai iainei gimaadeu e hagataba bolo go de gau hagamaolunga e manuuia. De gau baubau e hagadagadaga age, gai dangada e hagataalea de Maadua e ola.’ ”