Ecclesiastes 8:1 - De Beebaa Dabu

¹ Goai e bei dagodo o tangada heiangi? Gai goai e iloo de hagadoonunga o dahi mee? De heiangi e hai ga maalama luu mada o tangada, ma de sui gi dee dagodo lili luoono mada.

Ecclesiastes 8:1 Iomraidhean Croise

Genesis 40:8

Gai gilaau ne hai ange, “Gimaau ne hai e dagidahi midi, aagai e deai donu se dangada e hagadonu ina mai luaamaau midi.” Gai Joseph ne hai ange gi gilaau, “E aha, e dee go de Maadua donu huu e maua i de hagaago mai hagadoonunga o denga midi? Gooluu daalaa mai luooluu midi.”

De Beebaa go Job 33:23

Aagai noo dahi dangada de langi e balea ange ia, se ia e hano i magavaa, gai go dahi i magavaa o de mano e tala ange gi tangada de mee heohi i dana hai;

Exodus 34:35

gai de gau Israel gu gidee bolo luu mada o Moses gu kona de maalama. Aagai Moses ga hagaahe ange de malo laa ga haoli ai luoono mada, ga dae ai gi dono ahe e pasa gilaau ma Tagi Maolunga.

Proverbs 1:6

gi donu ange ai ia gi denga muna heiangi, aama muna hagasengasenga a de gau heiangi.

Proverbs 12:8

Dangada e tuhi tangada maanetonu, aagai dangada e kino i tangada maanadu baubau.

Proverbs 17:24

Tangada e dahi ono donu ange e daohi de heiangi i mada luoono mada, aagai luu mada o tangada lodo senga e galo gi de bido laa o henua i lalo.

Proverbs 21:29

Tangada baubau e hagassee, aagai tangada e heohi laa, e hagasaele dono hai e seesee ai.

Proverbs 24:5

Tangada heiangi e mmahi mmao, gai tangada iloo mee e hai ga hagadaga ange de mmahi.

Daniel 2:22

Ia e hagaago mai mee e dee tonu ange dangada aagena ma de hagammuni; ia e iloo mee i lo te gohu; gai de maalama e dagodo i ono daha.

Daniel 2:47

Gai de hodooligi ne hai ange gi Daniel, “Ni muna abodonu, doo Maadua go de Maadua o denga maadua alodahi, gai go de Ia Aamua o denga hodooligi, gai se ia e hagaago mai mee e dee iloo laa, i hiidinga koe ne maua i de hagaago mai mee e dee iloo laa.”

Matthew 17:2

Gai ia gu hagadagodo gee i olaadeu madamada: luoono mada gu maalama bei de laa, gai ono malo gu tea bei de maalama.

Acts 4:13

Gai ga gidee huu e gilaadeu de lo taane o Peter ma John, gai gilaadeu gu llele mouli i delaadeu iloo bolo gilaau ni dangada tee skuulu, gai e bei donu huu dagodo o dangada ange laa. Gai gilaadeu ne manadua hogi bolo gilaau ni daane nogo daudali ange i Iesu.

Acts 4:29

Tagi Maolunga, koe gi hagalaangona alaadeu muna hagamaatagu, gai hai gi lodo mmahi luoo dangada hai hegau i de tala au muna.

Acts 6:15

Gai de masavaa huu a dangada alodahi i de hagabuulinga hagasaele laa ne haaina ai ia, aagai gilaadeu gu gidee bolo luoono mada gu bei luu mada o tangada de langi.

Romans 13:5

Deelaa ai, hagallongo ange gi gilaadeu gu hagasauaa gi dagina, e dee go hiidinga donu huu o de hagaduasala, aagai go hiidinga hogi o tagi o de lodo.

Ephesians 6:19

Gai dalodalo hogi i ogu hiidinga, gi gaamai ai gi de au agu muna e tala ma de lo taane i dogu masavaa e agoago ai mee o de longo danuaa e dee iloo laa,

Deuteronomy 28:50

e huaahenua e mada hagamaolunga, gai gilaadeu e dee hagadubu donu de gau maatua aabe e abodonu ange gi denga gauligi.

2 Timothy 4:17

Aagai Tagi Maolunga ne noho madali au ma de hagammahi mai ogu lodo, gai au ga tala ai gi langona e denga Gentile de longo danuaa alodahi. Deelaa ai, au ne ola mai i de ngudu o de laiono.

2 Peter 1:20

Gai deenei de mee hagamogomogo oodou e hai gi tonu ange aagena: e deai donu muna pelaabisi i de Beebaa Dabu ne hagadonu donu i daho tangada.