Ecclesiastes 7:4 - De Beebaa Dabu

⁴ De gau heiangi e maanadu de mommee o de magau, aagai de gau llodo ssenga e maanadu de mommee hagamalangilangi.

Ecclesiastes 7:4 Iomraidhean Croise

2 Samuel 13:28

Gai Absalom ne hai ange gi ono dangada hai hegau, “Goodou dagidiiloo de masavaa o Amnon e unu ai ga senga, gai ga hai adu naa huu au, ‘Daia Amnon gi magau,’ gai goodou ga daa ia gi magau. Gai goodou e dee maatagu donu. E dee go au e hai adu nei goodou gi haia de hegau nei? Goodou gi mmahi ma de lo taane.”

1 Kings 20:16

Gai gilaadeu ne hulo i de hualaangi, i de masavaa o Ben-Hadad ma denga hodooligi e dinodolu ma dogolua e balea ange laa ia, e nnoho laa i lodo olaadeu hale malo ma e unu ma gu ssenga.

Ecclesiastes 2:1

Au ne hagadaba i ogu lodo, “Humai, au ga hagatale nei goe i denga mee hagamalangilangi e tilo ai be se aha e danuaa.” Aagai tilo, de mee nei e deai hogi ono haigamaiana.

Ecclesiastes 7:3

De hinangalosaa e danuaa ange i de gadagada, go hiidinga doo lodo baubau e hai ga heiangi oo lodo.

Ecclesiastes 7:5

E danuaa ange dau hagallongo de hagasee a tangada heiangi goe, i dau hagallongo taahili a de gau llodo ssenga.

Isaiah 21:4

Ogu lodo gu manavasaa, gai au gu bolebole i dogu madagu; de maalama aagu e tali laa gu sui ma gu se mee hagamadagu mai gi de au.

Jeremiah 51:39

Aagai de masavaa olaadeu gu ssae ai gai au e hagadabena naa dahi daonga ange gi gilaadeu, ga hai gilaadeu gu ssenga ma de malangilangi — ga dae ai gi delaadeu sseni ga hano ai gilaadeu gu dee alahage ange, go Tagi Maolunga e hagadaba.

Jeremiah 51:57

Gai au e hai naa ono dagi ma ono daane heiangi gi bei dangada gu unu laa ma gu ssenga, ma ono goobenaa, aama dagi o de hebagi, aama ono daane dau i de hebagi; gilaadeu e sseni naa ga hano ai gai e dee aalahage ange naa donu,” go de Hodooligi e hagadaba, dono ingoo go Tagi o denga hagabuulinga hebagi.

Daniel 5:30

De boo laa gai Belshazzar, de hodooligi o de gau Babylon ne daia ga magau,

Hosea 7:5

De laangi o taonga a de hodooligi gu hagailonga, gai denga dagi e ssenga i de unu uvaini; gai de hodooligi gu unu hogi madali gilaadeu.

Nahum 1:10

Gilaadeu e vinia naa i magavaa manu daladala, bei de gau ssenga e unumia laa uvaini; gilaadeu e dudu naa donu ga odi, bei denga helii mmasa.

1 Samuel 25:36

Gai Abigail ne ahe gi daho Nabal, gai tilo, ia e hai dahi daonga laumalie mmao i de hale, bei taonga e hai ange laa gi de hodooligi. Gai Nabal gu malangilangi, i hiidinga ia gu senga mmao. Deelaa ai, Abigail tee tala ange hanu muna gi de ia ga dae ai gi taiao age.

1 Samuel 30:16

Gai de masavaa huu a taane laa ne kave ai David gi kilaa, gai tilo, gilaadeu e nnoho saele i de mommee laa ma e gaimee ai, ma de unu aama de aanu, i hiidinga de lagolago alaadeu goloa ne mau i de henua o de gau Philistia aama de henua o Judah.