Ecclesiastes 6:7 - De Beebaa Dabu

⁷ Hegau alodahi a tangada ni mee e ssala ai ana gai, gai ia e dee maua donu gi bosu ai.

Ecclesiastes 6:7 Iomraidhean Croise

Proverbs 16:26

De lodo o tangada e gaimee e hai ia gi hai hegau, gai dono saalohia e hagammahi ange ia gi hai hegau.

Ecclesiastes 1:8

Mee alodahi e kona donu de hagadaalea, e hai ngadaa i de tala ono dagodo. Luu ganomada e dee maua gi lava alaau mee e tilo, luu dalinga e dee maua hogi gi lava alaau mee e hagallongo.

Ecclesiastes 5:10

Be goai e lodo i denga sseene e dee maua donu gi malangilangi i ana sseene e mau; gai tangada e lodo i goloa lagolago e dee maua hogi gi malangilangi i mee aana e hanu. De mee nei e deai hogi ono haigamaiana.

Ecclesiastes 5:9

Hua e maua i de gelegele e haigamaiana ange gi dangada alodahi; gai e haigamaiana ange hogi gi de hodooligi.

Ecclesiastes 6:3

Noo tangada e hagadili e lau dama ma de mouli i ngadau lagolago, gai ga daulooloa naa donu dono mouli, gai noo ia e dee maua gi malangilangi i mee danuaa o de mouli nei, gai teai hogi dangada ne danumia ia, gai au e hagadaba bolo tama ssege e danuaa ange i de ia.

Ecclesiastes 6:8

Gai se aha o tangada iloo mee e kii ange ai i tangada lodo senga? Gai se aha o tangada hagaau aloha e mau, i dana iloo dono hai e ngalungalue ai i magavaa o dangada?

Matthew 6:25

“Deenei ai, au e hai adu gi goodou, goodou aude manavasaa i oodou mouli, ma oodou mee e gai, be go oodou mee e unu, aabe gi manavasaa i oodou angaanga, ma oodou mee e kahu ai. E aha, e dee hagamogomogo ange de mouli o tangada i denga gai, gai de angaanga e hagamogomogo ange i malo e kahu ai?

Luke 12:19

Gai au ga basa iho donu huu gi de au, ga hai mai, “Gu lagolago mee ne doange e mouli ai goe i ngadau lagolago e loomai; koe gi noho baba, gaimee ma de unu ma de malangilangi.” ’

John 6:27

Goodou aude hai hegau ange gi gai e odi laa, aagai hai hegau ange gi gai e daakodo ange laa gi de mouli e dee ngado mai, go gai a Tama a Tangada e gaavadu gi goodou, i hiidinga Tamana go de Maadua gu lava donu i de hagailonga ia.”