Ecclesiastes 6:2 - De Beebaa Dabu

² noo de Maadua e gaavange gi tangada de lava, ma goloa lagolago aama de hagadubu, gai gu deai donu se mee daudahi oona e duasala ai, aagai de Maadua e dee dugu ange ia gi hagadanuaa i mee nei, gai se dangada gee donu e hagadanuaa ai. De mee nei e deai hogi ono haigamaiana, gai se mee hagadaemaha baubau.

Ecclesiastes 6:2 Iomraidhean Croise

1 Kings 3:13

Au e gaavadu naa hogi gi de goe mee oou tee dangidangi mai ai, go de lava ma de hagadubu, gai e deai naa donu se hodooligi e bei oo dagodo, i taulooloa doo mouli.

1 Chronicles 29:25

Gai Tagi Maolunga ga hagaamua Solomon i madamada o de gau Israel alodahi, ma de hagamahamaha dono nohoanga hodooligi, gai tigi ai ange donu se hodooligi o Israel i mua ne bei ono dagodo.

1 Chronicles 29:28

Gai ia ne magau i de masavaa oona ne madumadua ai, gai ne daulooloa dono mouli, ia se daane lava ma de laumalie dono hagadubu. Gai dana dama go Solomon ga sui ia ga hodooligi ai.

2 Chronicles 1:11

Gai de Maadua ga hai ange gi Solomon, “Go hiidinga deenei doo mee e lodo ai, gai koe tee dangidangi mai i de lava ma goloa lagolago, be go de hagadubu, aabe go de daa gi maakau oo hagadaumee, koe tee dangidangi mai hogi au gi haia gi daulooloa doo mouli, aagai koe ne dangidangi mai i de heiangi ma de iloo mee, gi maua ai e goe i de dagi dogu huaadangada, go gilaadeu aagu gu hai goe gi dagina,

Psalm 17:14

Tagi Maolunga, hagaola ina ngau mai i de gau bee nei, ma mai i dangada o henua i lalo nei, go gilaadeu e kave olaadeu hagaoanga i de mouli nei. Gai koe gaavange gi gilaadeu de hagaduasala aau gu hagadabena ange gi gilaadeu; alaadeu dama e duadonu, gai gilaadeu e dugu ange olaadeu goloa lagolago gi alaadeu dama.

Psalm 39:6

Ni muna abodonu, tangada e seesee saele bei dagodo o dahi goohunga; ni muna abodonu, ana hegau e deai donu haigamaiana; ia e hagabudu goloa lagolago, gai ia e dee iloo be goai e mee ai.

Psalm 73:7

Olaadeu ganomada e hhua i hiidinga delaadeu pedi, gai olaadeu lodo e hoohonu i denga maanadu baubau.

Ecclesiastes 4:4

Au ne gidee hogi bolo hegau alodahi ma denga hegau labagau alodahi ne hai i hiidinga de lodo gaiaa o tangada i tangada ange laa. De mee nei e deai hogi ono haigamaiana, gai e bei de ngadi doolohi a tangada de madangi.

Ecclesiastes 4:8

E dahi dangada e noho sogosogo, e deai sana dama daane be se daina daane. Gai e dee maua donu gi lava ana hegau e hai, gai ia e dee maua hogi gi malangilangi i dono lava. Gai ia e hagadaba, “Goai donu oogu e hai hegau kona ange nei aagena, gai gu aha gu dee hai ai nei donu huu au de mee e danuaa mai gi de au?” De mee nei e deai hogi ono haigamaiana, gai se hegau hagadaemaha!

Ecclesiastes 5:13

Au gu gidee ange dahi mee hagadaemaha baubau i lalo de laa: de lava a tangada e hagabudu laa ga dugu e hagadaemaha donu huu ia,

Ecclesiastes 5:16

De mee nei se mee hogi hagadaemaha baubau: De hai o tangada ne humai ai, go dono hai hogi e hano ai, gai ni aha naa a tangada e mau gai ia e ngadi doolohi de madangi?

Ecclesiastes 5:18

Tilo, au gu gidee bolo de mee danuaa ma de heohi go de gaimee ma de unu o tangada, ma de malangilangi i ana hegau alodahi e hai i lalo de laa, i denga laangi sogoisi a de Maadua gu dugu ange e mouli ai ia; deenei dono duuhanga.

Ecclesiastes 5:19

E dahi ange mee: tangada a de Maadua gu gaavange de lava ma goloa lagolago, ma de hai gi maua e ia i de hagadanuaa i mee laa, ia gi gaavee dono duuhanga ma de malangilangi i ana hegau — de mee nei se ngadi gaavange mai i daho de Maadua.

Isaiah 55:2

Gu aha gu moumou ai oodou sseene i mee e dee ni gai, ma de moumou oodou mahi i mee oodou e dee boobosu ai? Nnoho mai hagalaangona agu muna, ma de gai mee danuaa, gi malangilangi ai goodou i denga gai mammami.

Lamentations 5:2

Demaadeu henua gu gaavange gi de gau henua gee, omaadeu hale gu gaavee e de gau mai moni.

Daniel 5:18

De hodooligi, de Maadua Maolunga Mmao laa ne gaavange gi doo damana go Nebuchadnezzar dahi nohoanga hodooligi, ma ssauaa e dagi ai, ma de mahamaha aama de hagadubu.

Hosea 7:9

De gau henua gee gu hai gi deai ono mahi, aagai ia e dee gidee iho donu. Ia gu sinasinaa dono biho aagai ia e dee iloo donu.

Deuteronomy 28:33

Dahi huaahenua aau e dee iloo laa e loomai naa ga gai huamanu i honga oo gelegele ma de hagadanuaa i au hegau ne hai; gai koe go de vaivai haia ma de hagaduasala donu huu aau e gidee.

Deuteronomy 28:43

Gai de gau henua gee e nnoho i oo daha e hagadagadaga ange naa de maolunga, aagai goodou e hagadagadaga iho naa.

Judges 18:10

De masavaa naa huu oodou e tae ai gi kilaa, gai goodou e gidee naa dahi huaadangada e nnoho paba, gai de henua laa e laumalie, gai de Maadua gu dugu adu donu gi goodou, gai e deai donu se mee e deai i de henua laa.”