Ecclesiastes 6:12 - De Beebaa Dabu

¹² Gai goai e iloo be se aha e danuaa ange gi tangada i dono mouli, i laangi momo ma teai haigamaiana oona e mouli ai nei, gai e moolau de odi bei dagodo o de goohunga? Gai goai e maua i de tala ange gi de ia be ni aha e hai i lalo de laa i dua dono magau?

Ecclesiastes 6:12 Iomraidhean Croise

1 Chronicles 29:15

Gai gimaadeu ni dangada henua gee i mada luoo mada, gai ni dangada e nnoho gaainga, bei dagodo omaadeu dubuna madagidagi alodahi. Gai omaadeu laangi i henua i lalo e bei de goohunga o de laa e lilo ngaohie laa, e dee maua gi dagodo.

De Beebaa go Job 14:2

Ia e hanage bei de huaala, gai e moolau donu hogi de mmae; ia e bei de goohunga e lilo laa, e dee maua donu gi daulooloa.

De Beebaa go Job 14:21

Noo ana dama e hagadubulia, gai ia e dee iloo; noo gilaadeu e hagamaolalo ina, gai ia e dee gidee hogi.

De Beebaa go Job 8:9

go hiidinga gidaadeu ne haanau donu huu anaahi, e deai donu adaadeu mee e iloo, gai odaadeu laangi i henua i lalo e moolau de llilo bei dagodo o de goohunga.

Psalm 102:11

Ogu laangi e mouli ai gu bei de malu o de ahiahi; au gu mmae bei denga helii.

Psalm 109:23

Au gu bei de goohunga i de ahiahi gu dai lilo laa, gai au gu bei de itebuubuu e luuluu ina laa ga doo.

Psalm 144:4

Tangada e bei de madangi o de manava; ono laangi e mouli ai e bei de goohunga e ngalue laa.

Psalm 16:5

Tagi Maolunga, go koe dogu duuhanga ma dagu ubu; go koe e hagasauaa ina dogu duuhanga.

Psalm 17:15

Aagai au — au e gidee naa luoo mada i de heohi; gai au e honu naa dogu malangilangi i dagu gidee luoo mada i de masavaa oogu e alahage ai.

Psalm 4:6

E soa dangada e hagataba, “Goai e haia mai tanuaa gi gimaadeu? Tagi Maolunga, haia de maalama o luoo mada gi hagamaalama ina gimaadeu!”

Psalm 47:4

Ia ne hili de henua e bolo mai gi gidaadeu, go de mommee o Jacob e lodo ai, de ia oona e aloha ai laa. Selah

Psalm 89:47

Tagi Maolunga, manadua dogu mouli e bodobodo, gai ni haigamaiana aha dau hai dangada alodahi!

Ecclesiastes 10:14

Tangada lodo senga e lagolago ana muna e tala. E deai dangada e iloo be ni aha e hai i muli mai; gai goai e maua i de tala be ni aha e hai i dua dono magau?

Ecclesiastes 12:13

Gidaadeu gu langona mee alodahi; gai aanei muna hagaodi: koe gi madagu i de Maadua ma de daohi ana hainga; deenei donu de hegau laumalie a tangada e hai.

Ecclesiastes 2:24

Gai e deai ange donu se mee e danuaa ange gi tangada, gai go de gaimee ga unu ma de malangilangi i ana hegau. Au ne gidee hogi bolo de mee nei se mee mai i daho de Maadua,

Ecclesiastes 2:3

Au ne maanadu hogi de hai gi malangilangi au i de unu uvaini ma de hagatale de hai hegau i de lodo senga — gai agu hagasaele goi dagi donu huu au i de heiangi. Au ne lodo e tilo be se aha e haigamaiana de hai a dangada i henua i lalo, i laangi sogoisi olaadeu e mouli ai.

Ecclesiastes 3:22

Gai au gu gidee bolo de mee donu huu e danuaa ange gi tangada go dono malangilangi i de hai ana hegau, go hiidinga deenei dono duuhanga. Gai goai e maua i de hagaahe mai ia gi diiloo mee e hai i dua dono magau?

Ecclesiastes 6:11

De lagolago muna a tangada e tala, gai e kii ange hogi teai olaadeu haigamaiana; gai ni aha ai naa a tangada e maua i mee nei?

Ecclesiastes 7:15

Dogu noho i de mouli deai nei ono haigamaiana, gai au gu gidee luu mee nei ngaadahi: tangada heohi e magau gai ia e hai hegau i de heohi, gai tangada baubau e daulooloa dono mouli gai ia e hai de baubau.

Ecclesiastes 8:13

Gai go hiidinga de gau baubau e dee maatagu i de Maadua, gilaadeu e dee duadonu, gai olaadeu mouli e dee daulooloa, bei dagodo o de goohunga e moolau laa de lilo.

Ecclesiastes 8:7

Ia e dee iloo be ni aha e hai i laangi e loomai nei, gai goai ai naa e daalaa ange gi de ia be ni aha gu hai?

Ecclesiastes 9:6

Olaadeu aaloha, delaadeu kino ma delaadeu lodo gaiaa gu llilo odiodi, gai e deai ange naa donu selaadeu diba i dahi mee e hai i lalo de laa.

Ecclesiastes 9:9

Koe gi malangilangi madali doo bodu, go de ia oou e aloha ai, i laangi alodahi e deai haigamaiana, a de Maadua gu gaavadu i doo mouli i lalo de laa, go hiidinga deenei doo duuhanga i de mouli nei, ma au hegau i lalo de laa.

Micah 6:8

Koe tangada, ia gu hagaago adu gi de goe de mee danuaa, gai se aha a Tagi Maolunga e lodo koe gi haia? E dee go de hai hegau i de mee heohi, ma de lodo aloha, aama de seesee i de lodo maolalo madali doo Maadua?

James 4:14

Gai goodou e dee iloo donu be ni aha e hai daiao. Aahee dagodo o oodou mouli? Oodou mouli e bei dagodo o de mama o vai e hanage laa i dahi masavaa bodobodo gai e moolau donu de lilo.