Ecclesiastes 6:11 - De Beebaa Dabu

¹¹ De lagolago muna a tangada e tala, gai e kii ange hogi teai olaadeu haigamaiana; gai ni aha ai naa a tangada e maua i mee nei?

Ecclesiastes 6:11 Iomraidhean Croise

Psalm 73:6

Deelaa ai, de hagamaolunga go de mee dau i olaadeu ua; gai olaadeu malo e kahu ai go de alasala.

Ecclesiastes 2:15

Gai au ne maanadu i ogu lodo, “De mee e duu ange gi tangada lodo senga e duu mai naa hogi gi de au. Gai ni aha ai naa aagu e mau i dogu heiangi?” Au e hagadaba i ogu lodo, “E deai hogi haigamaiana o de mee nei.”

Ecclesiastes 3:19

Gai de hagaodi o tangada ma de hagaodi o denga manu dolodolo e dagodo daudahi donu huu; gilaadeu alodahi e maakau naa. Gai se dagodo daudahi delaadeu hai e manamanava ai; tangada e dee kii ange i denga manu. Mee nei alodahi e deai donu olaadeu haigamaiana.

Ecclesiastes 4:16

Gai e soa dangada aana e dagi. Aagai dangada e loomai i ono dua e dee malangilangi i de ia. Ni muna abodonu, de mee nei e deai hogi ono haigamaiana, gai e bei de ngadi doolohi a tangada de madangi.

Ecclesiastes 4:8

E dahi dangada e noho sogosogo, e deai sana dama daane be se daina daane. Gai e dee maua donu gi lava ana hegau e hai, gai ia e dee maua hogi gi malangilangi i dono lava. Gai ia e hagadaba, “Goai donu oogu e hai hegau kona ange nei aagena, gai gu aha gu dee hai ai nei donu huu au de mee e danuaa mai gi de au?” De mee nei e deai hogi ono haigamaiana, gai se hegau hagadaemaha!

Ecclesiastes 5:7

Midi lagolago ma ngadi muna lagolago e deai donu olaadeu haigamaiana. Aagai koe gi madagu i de Maadua.

Ecclesiastes 6:10

Mee e hanu gu hanu donu olaadeu ingoo, gai dagodo o tangada gu iloo huu i mua; gai e deai donu se dangada e maua i de hagadaumee ange gi tangada e mmahi ange laa i de ia.

Ecclesiastes 6:12

Gai goai e iloo be se aha e danuaa ange gi tangada i dono mouli, i laangi momo ma teai haigamaiana oona e mouli ai nei, gai e moolau de odi bei dagodo o de goohunga? Gai goai e maua i de tala ange gi de ia be ni aha e hai i lalo de laa i dua dono magau?

Hosea 12:1

Ephraim e gai de madangi, ma de doolohi de madangi mai i dua i taiao ga boo ai. Gilaadeu e dee modu de hadu muna ma de vaivai hai dangada; gilaadeu e hai dahi hagatoo donu hagaheloongoi madali Assyria, ma de kave denga lolo gi Egypt.