Ecclesiastes 5:11 - De Beebaa Dabu

¹¹ De masavaa naa huu e lagolago ai mee danuaa, gai gu soa hogi dangada e gaina. Gai ni haigamaiana aha ange ai gi tangada niiana, e dee go dana gidee donu huu i luoono mada?

Ecclesiastes 5:11 Iomraidhean Croise

Genesis 12:16

Gai Pharaoh ga abodonu ange gi Abram i hiidinga o Sarai, gai Abram gu maua hanu ssiibi, ma kaau, ma donkey daane ma donkey haahine, ma daane ma haahine hai hegau, aama gamelo.

Genesis 13:2

Gai Abram gu kona donu de lagolago ana manu haangai, ma selevaa, aama goolo.

Proverbs 23:5

De masavaa donu huu aau e gidee ai, gai gu dee maaleva, go hiidinga mee nei e llele ga hulo, bei de igele e lele laa ga hano gi lo te moana i lunga.

Ecclesiastes 11:9

Tama daane, koe gi malangilangi i de masavaa oou e dama daane ai, gai oo lodo gi malangilangi i laangi oou e dama daane ai. Gai haia oo mee e lodo ai i mee alodahi aau e gidee, gai koe gi iloo bolo de Maadua e hagamodu naa oo muna i mee nei alodahi.

Ecclesiastes 2:9

Gai au ne hagadagadaga age ma de maolunga ange i gilaadeu nogo i Jerusalem i mua. Gai dogu heiangi goi dagodo donu huu.

Ecclesiastes 5:12

Tangada hai hegau e seni danuaa, e dee galemu be ne momo aabe ne lagolago ana mee ne gai, aagai goloa lagolago o tangada lava e hai ma e dee maua e ia i de seni.

Ecclesiastes 6:9

E danuaa ange doo malangilangi i au mee e gidee, i doo galo ange gi mee e deai i oo daha. De mee nei e deai hogi ono haigamaiana, gai e bei de ngadi doolohi a tangada de madangi.

Jeremiah 17:11

Tangada e hagaduulia dono lava i hegau dee heohi, e bei dagodo o de manu lele go de partridge e baalasi laa ga masae denga ngago aana tee haanau. Gai de masavaa oona goi mmahi ai, gai gilaadeu ga tili ia, gai dono hagaodi e bei dagodo o tangada lodo senga.

Habakkuk 2:13

Tilo, e aha, tee hagatau ina e Tagi o denga hagabuulinga hebagi bolo hegau a dangada ni mee donu huu e dudu i de ahi, gai denga huaahenua gi hagadaalea ange gi hanu ngadi mee?

1 John 2:16

Go hiidinga mee alodahi i henua i lalo — go lodo baubau o de angaanga, ma mee a luu ganomada e nnoo ange laa aagena, aama mee a tangada e tuhi ai laa ia — e dee ni mee mai i daho Tamana aagai ni mee mai i henua i lalo.