Ecclesiastes 4:13 - De Beebaa Dabu

¹³ Tama daane hagaau aloha heiangi e danuaa ange i dahi hodooligi madumadua lodo senga gu dee maua laa i de hagallongo dahi muna e hagakana ange,

Ecclesiastes 4:13 Iomraidhean Croise

Genesis 37:2

Deenei taalanga o de huaabodu o Jacob. Joseph gu madaangahulu ma hidu ono ngadau, gai ia se dangada hagaloosi manu madali ono daina daane, go dama a Bilhah ma Zilpah, luu bodu laa daha o dono damana. Gai Joseph ne ahe mai ga tala ange gi delaadeu damana, dahulinga baubau a ono daina ange laa.

1 Kings 22:8

Gai de hodooligi o Israel ne hai ange gi Jehoshaphat, “E dahi ange daane adaau e maua i de hai ia gi saalaa gi iloo lodo o Tagi Maolunga, dono ingoo go Micaiah, tama daane a Imlah; aagai au e kino i de ia, go hiidinga ia e dee haihai donu ga tala mai dahi mee danuaa gi de au, go mee baubau donu huu.” Gai Jehoshaphat ne hai ange, “E dee danuaa donu de tala a de hodooligi hanu muna bee naa.”

2 Chronicles 25:16

De masavaa o de pelaabisi laa e basa ai, gai de hodooligi ga hai ange gi de ia, “Goai ne hagasula ina goe gi se dangada e daalaa ange mee a de hodooligi e hai? Gu lava au muna e tala! Ni haigamaiana aha doo magau?” Gai de pelaabisi laa ga tuu de tala ana muna, aagai ia ne hai ange, “Au e iloo bolo de Maadua gu hagatau e daa goe gi magau, i hiidinga au hegau gu hai, koe tee lodo e hagallongo agu muna e bale adu ai goe.”

Proverbs 19:1

Tangada hagaau aloha e hai hegau laa i de mee heohi, e danuaa ange i tangada lodo senga ma de hadu muna.

Proverbs 28:6

Tangada hagaau aloha e hai hegau laa i de mee heohi e danuaa ange i tangada lava e dee hai hegau laa i de mee abodonu.

Ecclesiastes 4:12

Tangada sogosogo e maua gi hagadee kii ina, gai e dogolua dangada e maua i de buibui gilaau. Taula e dua dolu laa e dee moolau de modu.

Ecclesiastes 7:19

De heiangi e hai tangada heiangi gi mmahi ange i e dinoangahulu dagi o dahi aduhale.