Ecclesiastes 4:1 - De Beebaa Dabu

¹ Gai au ne ahe ange hogi ga tilo de vaivai haia o dangada i lalo de laa. Au ne gidee loimada o dangada e vaivai haia, gai e deai dangada e hagaaneane ina gilaadeu. Ssauaa gu gaavange gi gilaadeu e vaivai haia dangada; gai e deai donu se dangada e balea ange gilaadeu.

Ecclesiastes 4:1 Iomraidhean Croise

De Beebaa go Job 16:4

Au e maua hogi i de basa bei goodou, noo goodou e bei ogu dagodo; gai au e maua hogi i de basa ga hai baasi adu gi goodou, ma de geugeu adu dogu biho gi goodou.

De Beebaa go Job 35:9

Dangada e tangi i delaadeu vaivai haia; gilaadeu e dangidangi gi ola ai gilaadeu i ssauaa o de gau mmahi.

De Beebaa go Job 6:29

Goodou aude maanadu bee naa, gai gi dee hagabaubau ina au; goodou aahe ange manadua, au se dangada e hai hegau i de muna abodonu.

De Beebaa go Job 9:24

Henua i lalo gu dugu ange gi de gau baubau, gai de Maadua e hai gi dee kide de gau hagamodu muna i kilaa. Noo e dee go ia ne haia mee nei, gai goai ai ne haia mee nei?

Psalm 12:5

“Go hiidinga de gau hagaau aloha e vaivai haia, gai gilaadeu e duasala e gonogono,” e hagadaba Tagi Maolunga, “Au e hidi age naa. Au e hai naa gilaadeu gi nnoho paba bei olaadeu lodo.”

Psalm 142:4

Galo ange gi dogu madau ma gi diiloo, gu deai donu dangada e kalo mai gi de au. Gu deai sogu mommee e buibui ai, gu deai donu dangada e aloha mai gi de au.

Psalm 142:5

Tagi Maolunga, au e dangi adu gi de goe; au e hai adu, “Go koe donu dogu buibui, ma dogu duuhanga i dogu mouli nei.”

Psalm 42:3

Ogu loimada go agu mee e gai i de laangi aama de boo, gai dangada e ssili mai gi de au i taiao ga boo ai, “I hee iai doo Maadua?”

Psalm 42:9

Au e hai ange gi de Maadua dogu baba makaga, “Gu aha gu ngalo ai naa goe au? Ni haigamaiana aha dogu hano saele ma de daemaha ogu lodo, i de hagaduasala a ogu hagadaumee au?”

Psalm 69:20

Au gu kona mmao de mmae ogu lodo i dogu hagadogaa ina, gai au gu dee baba ogu lodo. Au ne ssala dahi gi lodo aloha mai gi de au, aagai au tee gidee dahi dangada daudahi; au ne ssala dahi dangada gi hagaaneane ina ogu lodo, gai au tee gidee dahi dangada daudahi.

Psalm 69:21

Gilaadeu ne gaavange mee hagammau gi lodo agu gai, ma de hagaunu au i denga mee mmala.

Psalm 80:5

Koe gu haangai ange gilaadeu i pelaoaa e hai i denga loimada; koe gu hagaunu ange gilaadeu i loimada lagolago.

Exodus 1:16

“De masavaa naa huu ooluu e hagahaanau ai denga haahine Hebrew, gai gooluu dagidiiloo de masavaa olaadeu e nnoho ai e haanau i honga de mommee haanau. Gai noo se gauligi daane, gai gooluu daia gi magau, gai noo se gauligi hahine, gai gooluu dugua gi mouli.”

Exodus 1:22

Gai Pharaoh ga hagailoo ange gi dangada alodahi, ga hai ange, “Goodou diiloo mage gaavee denga gauligi daane alodahi e haanau i daho de gau Hebrew, mage dilia ange gi lo te saalingaa vai go Nile, gai hagaola ina alaadeu gauligi haahine.”

Proverbs 19:7

Dangada o tangada hagaau aloha e hagangadi mee ia, gai ono soa e kii ange donu de hagammao gee i de ia! Gai ga hagammahi naa donu ia ga dangidangi ange gi gilaadeu, gai ia e dee gidee donu gilaadeu.

Proverbs 28:3

Tagi e vaivai haia laa de gau hagaau aloha, e bei de langi maadolu e haia laa ga deai gai.

Proverbs 29:2

De masavaa olaadeu e heohi e hagadagadaga age ai, gai dangada e malangilangi; aagai de masavaa naa huu o tangada baubau e dagi ai, gai dangada e duasala.

Ecclesiastes 3:16

E dahi ange agu mee ne gidee i lalo de laa: de mommee iai de hagamodu heohi, gai iai hogi de baubau; de mommee iai de mee heohi, gai de baubau i kilaa hogi.

Ecclesiastes 5:8

Koe gi dee lele oo mouli i dau gidee de vaivai haia o de gau hagaau aloha i dahi ungaamee, ma teai se hagamodu heohi ma heohi o dangada; go hiidinga dahi dagi maolunga e dagitilo tagi i ono lalo, gai denga dagi i olaau elunga e dagitilo gilaau.

Ecclesiastes 7:7

De gaiaa o tangada heiangi e hai ia ga se dangada lodo senga, gai de ngadi gaavange hagasenga e hai ga hakino gee maanadu a tangada.

Ecclesiastes 8:9

Au ne gidee mee nei alodahi i dagu hagammahi gi donu ange au gi mee alodahi e hai i lalo de laa. Dahi dangada e dagudagu ange mee a dahi dangada gee e hai ga hagammae ai donu huu ia.

Isaiah 5:7

De veelengaa grape a Tagi o denga hagabuulinga hebagi go de hale o Israel, gai dangada o Judah go de veelenga oona e malangilangi ai laa. Ia ne ssala de hagamodu muna heohi i kilaa, aagai tilo, go de daa dangada donu huu aana ne gidee; ia ne saalaa de heohi, aagai tilo, go de tangi donu huu o dangada aana ne langona!

Isaiah 51:23

Gai au e gaavange naa de ubu laa gi gilaadeu ne vaivai haia goodou gi unu ai, go gilaadeu ne hai adu gi goodou, ‘Goodou daakodo gi lalo, gai gimaadeu ga seesee i honga oodou dua.’ Oodou dua gu bei honga de gelegele, gai e bei honga haiava o dangada e seesee ai laa.”

Isaiah 59:7

Gilaadeu e moolau donu delaadeu hai de baubau, gai e moolau hogi delaadeu daa dangada ga magau. Gai maanadu i olaadeu lodo e baubau; gai mee gu maoha ma de oohaa e gidee i haiava olaadeu e seesee ai.

Jeremiah 16:7

E deai donu se dangada e gaavange hanu gai e hagaaneane ange ai gilaadeu e hinangalosaa i de gau maakau — dangada e dee hagaaneane hogi gilaadeu i magau o delaadeu damana aabe go delaadeu dinana.

Lamentations 1:16

“Au gu dangi i hiidinga o mee nei, luoogu mada gu honu malingilingi i denga loimada; go hiidinga gu deai e hagaaneane ina mai au, ma de hagammahi ina mai ogu lodo. Agu dama gu silivaahea saele, gai de hagadaumee gu hagadee kii au.”

Lamentations 1:17

Zion ne dangidangi i dahi bale, gai teai se dangada ne hagaaneane ina ange ia. Tagi Maolunga gu hagamodu dagodo o Jacob, bolo dangada i ono gaogao gi kino i de ia; Jerusalem gu bei dahi mee hakino gee i daho dangada alodahi.

Lamentations 1:2

De aduhale laa e kona mmao de dangi i de boo, ono loimada gu ssali iho gi luoono galaahuu; gu deai se dangada i magavaa o ono soa e hagaaneane ina ia. Ono soa alodahi gu vaivai daakodo ange gi de ia, gilaadeu gu ni hagadaumee niiona.

Lamentations 1:9

Ono magi haahine gu pigi ange gi ono malo; gai ia gu dee anga ange donu gi ono dagodo i ngadau e loomai. Dono hagadee kii ina ne hagalele mouli mmao, gai teai donu se dangada ne hagaaneane ina ia. “Tagi Maolunga, galo mai diiloo dogu duasala go hiidinga dogu hagadaumee gu kii i de au.”

Amos 3:10

“Gilaadeu e dee iloo de hai de mee heohi, go Tagi Maolunga e hagadaba. Gilaadeu e hagabudu mee alaadeu e gaiaa ma de vaivai hai ai dangada i lodo olaadeu mommee buibui makaga.”

Amos 3:9

Hagailoo ina ange gi denga mommee buibui makaga o Ashdod, ma ange gi mommee buibui makaga i de henua go Egypt, hai ange, “Goodou hagabuni mai gi honga mounga o Samaria; diiloo ai de hellumi laumalie i kilaa, ma de hagaduasala gu hai i magavaa o ono dangada.”

Malachi 2:13

Deenei ange dahi mee oodou e hai: goodou e haoli de mommee o ssigidaumaha a Tagi Maolunga i oodou loimada. Goodou e tangi ma de tangi see i hiidinga ia gu dee anga adu gi oodou sigidaumaha, aabe e malangilangi i de kave oodou mee e gaavange.

Malachi 3:18

Gai goodou e gidee naa de dagodo geegee o de gau heohi ma de gau baubau, ma de dagodo geegee o dangada e daumaha ange gi de Maadua, ma dangada e dee daumaha ange gi de ia.

Malachi 3:5

“Gai au e humai naa e hagamodu oodou muna. Gai e moolau naa donu dagu hagabaubau de gau hai huuhuaa mee, ma de gau dagodo haisala, ma gilaadeu e hagatoo donu i de hadu muna, ma gilaadeu e daohia hagaoanga o de gau hai hegau, ma gilaadeu e vaivai haia denga haahine gu maakau olaadeu bodu ma denga gauligi gu deai olaadeu damana, ma gilaadeu e dee abodonu ange gi de gau henua gee, aagai e dee maatagu i de au,” go Tagi o denga hagabuulinga hebagi e hagadaba.

Matthew 26:56

Aagai mee nei alodahi ne hai e hagassula ai muna a denga pelaabisi gu sisi laa i de Beebaa Dabu.” Gai ana dangada agoago alodahi ga tili ia gai ga saavini ga hulo.

Deuteronomy 28:33

Dahi huaahenua aau e dee iloo laa e loomai naa ga gai huamanu i honga oo gelegele ma de hagadanuaa i au hegau ne hai; gai koe go de vaivai haia ma de hagaduasala donu huu aau e gidee.

Deuteronomy 28:48

deenei ai, koe e hai hegau ange naa gi oo hagadaumee, go dangada a Tagi Maolunga e gaamai gi hagadee kii ina goe, i doo hiigai ma doo hieunu ma teai oo malo, aama de hagaau aloha i mee alodahi. Ia e hagauda adu naa de laagau hagahai hegau e hai i baalanga, gi honga doo eu, ga dae ai gi dana daa goe ga maakau.

James 5:4

Tilo, hagaoanga o de gau hai hegau ne hagihagia hua o oodou veelenga e tangi, go hiidinga goodou tee hagao ange gilaadeu. Gai Tagi o denga hagabuulinga hebagi gu langona de tangi o de gau hagihagi.

Judges 4:3

Gai de gau Israel ne tangi ange gi Tagi Maolunga gi balea ange gilaadeu; go hiidinga Jabin e sivalau ono hada hebagi e hai i iron, gai ne kona dana vaivai hai de gau Israel i e madalua ngadau.