Ecclesiastes 3:8 - De Beebaa Dabu

⁸ e dahi masavaa e hagadau aaloha ai, gai e dahi hogi masavaa e hagadau kino ai; e dahi masavaa e hebagi ai, gai e dahi hogi masavaa e nnoho paba ai.

Ecclesiastes 3:8 Iomraidhean Croise

1 Kings 5:4

Aagai iainei Tagi Maolunga, dogu Maadua, gu hai au gi noho baba madali dangada i luu baasi de henua, gai gu deai hogi se hagadaumee aabe se mee hai ngadaa.

2 Kings 9:22

De masavaa o Joram ne dae ai gi daho Jehu, gai ia ne ssili ange, “Jehu, go hiidinga o de nnoho paba oou ne humai ai naa?” Jehu ne hai ange, “Se nnoho paba aha? E deai donu se nnoho paba, i taulooloa de hanu diinonga ma huuhuaa mee a doo dinana, go Jezebel, i honga de henua alodahi?”

2 Chronicles 19:2

Gai Jehu, taane e daalaa mee e loomai, tama daane a Hanani, ne humai ga hedae ange gi de ia, ga hai ange, “Gu aha goe gu hano ai e bale ange de gau baubau, ma de aloha ange gi gilaadeu e kino i Tagi Maolunga? Go hiidinga koe ne hai de mee nei, Tagi Maolunga e lili naa ga hai baasi adu gi de goe.

Psalm 101:3

Au e dee dugu naa donu dahi mee hakino gee i mada luoogu mada. Au e kino i hegau a dangada e daahuli gee i de goe; au e dee daudali ange donu i alaadeu dahulinga.

Psalm 105:25

Ia ne hai gi kino gilaadeu i ono dangada, ma de vaivai daakodo ange gi ogu dangada hai hegau.

Psalm 139:21

Tagi Maolunga, au e kino i gilaadeu e kino i de goe, ma tee lodo mmao i gilaadeu e hai baasi adu gi de goe!

Proverbs 13:5

Tangada heohi e kino i de tala muna hadu, aagai hegau a tangada baubau e hagadookaa ma de hagangadi mee ina.

Ezekiel 16:8

Muli mai gai au ne seesee adu ange hogi gi de mommee oou iai, gai tilo, koe gu odi ange oo ngadau e hai bodu ai. Gai au ga hai dogu malo ga haoli adu ai goe, gi dee gilisau ai goe. Au ne hagatoo donu adu gi de goe, ma de hai dahi hagatoo donu hagaheloongoi madali goe — go de Ia Aamua go Iahweh e hagadaba — gai au ne hai goe ga niiagu.

Luke 14:26

“Be goai e daudali mai i de au, gai e dee kino i dono damana, ma dono dinana, ma dono bodu, ma ana dama, ma ono daina daane, ma ono daina haahine, aama dono mouli donu, aagai ia e dee maua i de hai gi se dangada agoago abodonu niiagu.

Ephesians 3:19

ma de tonu ange gi dagodo o de aloha o Klisdo e dubu ange laa i de iloo mee o dangada, gai goodou gi hhao gi hoohonu i dagodo alodahi o de Maadua.

Ephesians 5:25

Denga daane dau bodu, goodou aaloha i oodou bodu, gi bei de aloha o Klisdo i de nohoanga dabu ma de gaavange dono mouli i ono hiidinga,

Titus 2:4

Gai gilaadeu gi agoago ange denga gauligi haahine, gi aaloha i olaadeu bodu ma alaadeu dama.

Joshua 11:23

Gai Joshua ne hagadee kii de henua alodahi, bei de hai a Tagi Maolunga gu tala ange ai laa gi Moses; gai Joshua ga vaevae ange de henua gi de gau Israel gi henua ai, de aamuli nei ma dono vaaenga. Gai de henua gu nnoho paba, gu deai hebagi e hai.

Revelation 2:2

Au e iloo dagodo o au hegau; koe e hagaduu ngae ma e hai hegau ma de golomagi oo lodo, gai koe e dee malangilangi i de gau baubau, aagai koe gu hagatale dagodo o dangada e hagataba laa bolo gilaadeu ni dangada tala, gai e dee se muna abodonu, gai koe gu gidee bolo gilaadeu ni dangada donu hadu muna.