Ecclesiastes 3:7 - De Beebaa Dabu

⁷ e dahi masavaa e saesae ai, gai e dahi hogi masavaa e dui ange ai; e dahi masavaa e dee mmuu ai, gai e dahi hogi masavaa e pasa ai;

Ecclesiastes 3:7 Iomraidhean Croise

Genesis 37:29

Gai ga ahe huu Reuben gi de mommee iai de geelinga laa, gai ga gidee huu ia bolo Joseph gu dee maleva i kilaa, gai ia ga ssae ono malo.

Genesis 37:34

Gai Jacob ga ssae ono malo, gai ia ga gahu i malo daladala ga hinangalosaa ai i dana dama i hanu laangi lagolago.

Genesis 44:18

Aagai Judah ga humai ga hagabaa ange gi de ia, ga hai ange, “Dogu dangada aamua, aude haihaia, au e lodo e tala adu agu muna. Gai koe gi dee lili i de au, doo dangada hai hegau, e dee galemu donu koe e maolunga donu bei Pharaoh.

Genesis 44:34

Gai dee hee dogu hai e ahe ai gi daho dogu damana, noo de gauligi daane nei e dee madali au? Au e dee lodo e tilo de hai ngadaa e duu ange gi dogu damana.”

2 Samuel 1:11

Gai David ga ssae ono malo, gai denga daane madali ia ga saesae hogi olaadeu malo.

2 Samuel 3:31

Gai David ne hai ange gi Joab ma denga daane alodahi madali ia, “Goodou ssae oodou malo, ga kahu i malo daladala, ma de tangi i hiidinga o Abner.” Gai de hodooligi go David ne daudali ange i dua o dangada e sabaia de mee e hagadagodo ai de magau.

1 Kings 21:27

De masavaa huu a Ahab ne langona ai muna laa, gai ia ga ssae ono malo, ga gahu i denga malo daladala, ma de hagahiigai, ga dagodo i lodo malo daladala ma de seesee saele gu daemaha.

2 Kings 18:36

Gai teai donu se dangada ne basa ange gi de ia, go hiidinga de hodooligi ne hai ange, “Goodou aude pasa ange gi ana muna.”

2 Kings 5:7

De masavaa a de hodooligi o Israel ne dau ai de leda laa, gai ia ga ssae ono malo, ga hai ange, “Go au go de Maadua? E maua e au i de daa gi maakau aabe go de hagamouli age tangada? Gai gu aha taane nei gu aalu mai ai nei au gi hagaieiangi ina ono lebelaa? Goodou gi iloo, ia e lodo e hai gi dee heloongoi omaau magavaa!”

2 Kings 6:30

De masavaa huu a de hodooligi ne langona ai muna a de hine laa, gai ia ga ssae ono malo. De masavaa laa gai ia e seesee i honga de buibui o de aduhale, gai dangada gu gidee bolo ia gu gahu i hanu malo daladala i lalo ono malo ⌊i dono daemaha⌋.

Esther 7:4

Go hiidinga gimaadeu ma ogu dangada gu hagao e daa gi maakau ma de hai gi odi i teai. Noo gimaadeu ne hagao gi daha e hai ai denga daane ma haahine hai hegau, gai e deai donu agu muna, go hiidinga e dee se mee e heohi ai de hakoso de hodooligi.”

De Beebaa go Job 2:13

Gai gilaadeu ga hulo ga nnoho madali a Job i honga de gelegele i e hidu laangi ma e hidu boo. Gai teai donu se gilaadeu ne daalaa ange dahi muna gi de ia, go hiidinga gilaadeu gu gidee bolo a Job gu duasala mmao i dono mmae.

Psalm 39:2

Aagai de masavaa oogu e noho ai ga dee muu, ma tee tala hanu muna danuaa; gai au gu kii ange tee baba ogu lodo.

Ecclesiastes 3:6

e dahi masavaa e ssala ai gi gidee, gai e dahi hogi masavaa e tuu ai de ssala, e dahi masavaa e doange ai, gai e dahi hogi masavaa e tili ai;

Isaiah 36:21

Gai teai donu se dangada ne basa ange gi de ia, go hiidinga de hodooligi ne hai ange, “Goodou aude pasa ange gi ana muna.”

Jeremiah 36:24

Gai de hodooligi ma ono dangada hai hegau tee maatagu hogi i delaadeu langona muna laa alodahi, aabe ne saesae olaadeu malo.

Jeremiah 8:14

⌊Dangada e hagataba,⌋ “Gu aha gidaadeu gu nnoho ai naa donu huu? Gidaadeu ga hagabuni! Gidaadeu ga saavini e mmuni i lodo aduhale buibui ga maakau ai i kilaa! Go hiidinga Tagi Maolunga taadeu Maadua gu baba ange e daa gidaadeu gi maakau ma de gaamai vai hagammau gidaadeu gi unumia, i hiidinga gidaadeu gu haisala ange gi de ia.

Lamentations 3:28

Ia gi noho donu huu ma gi dee muu, go hiidinga go Tagi Maolunga ne hagauda ina ange de mee nei gi ono elunga.

Joel 2:13

Hagaagona mai de daemaha abodonu oodou lodo, e dee go de saesae donu huu oodou malo. Gai aahe mai gi Tagi Maolunga doodou Maadua, go hiidinga ia e abodonu ma de lodo aloha. Ia e dee moolau de lili, gai e honu i de lodo aloha, gai ia ga dee gaamai de baubau gu dai humai laa.

Amos 5:13

Deelaa ai, tangada heiangi gi dee muu i de masavaa laa, go hiidinga de masavaa baubau.

Amos 8:3

Denga daahili i lo te temple e hai naa gi se dangi see i de laangi laa, go de Ia Aamua go Iahweh e hagadaba. Gai e soa naa donu de gau maakau e daakodo saele. Gai gu dee hagalongaa!”

Micah 7:5

Aude hagadonusia tangada e baa adu gi de goe, gai gi dee tali hagalodolodo ange gi doo soa. Koe gi dagidiiloo hogi au muna e tala ange gi de hine i doo gaogao.

Acts 4:20

Go hiidinga gimaau e dee maua donu i tee tala mee amaau gu lava i de gide aama de langona.”

Acts 9:39

Gai Peter ga hidi age ga hano madali luu daane laa. Gai ga dae huu ia gi kilaa, gai gilaadeu ga kave ia gi de aabi i lunga. Gai denga haahine gu maakau olaadeu bodu ne tuu ma e tangi i ono gaogao, ma de hagaago ange gi de ia denga malo lloa ma malo ange laa, a Dorcas ne hai i de masavaa oona goi mouli ai.

1 Samuel 10:16

Gai a Saul ga hai ange gi de ia, “Ia ne tala mai bolo denga donkey gu gidee.” Aagai ia tee tala ange gi de ia mee o de nohoanga hodooligi, a Samuel gu tala ange laa gi de ia.