Ecclesiastes 3:5 - De Beebaa Dabu

⁵ e dahi masavaa e hagasii saele ai denga hadu, gai e dahi hogi masavaa e hagabudu ai denga hadu; e dahi masavaa e hagadau buuludi ai, gai e dahi hogi masavaa e tuu ai de hagadau buuludi;

Ecclesiastes 3:5 Iomraidhean Croise

2 Kings 3:25

Gai gilaadeu ne oha denga aduhale, gai denga daane alodahi ga maga ange hadu ga hhao ai honga mommee iai gelegele danuaa, ma de pono denga saalingaa vai, ma de sele denga manu ssomo danuaa alodahi. Go Kir Hareseth donu huu tee oha, ono hadu e daakodo danuaa donu huu, aagai denga daane buada ne duuli luu baasi de aduhale laa ga hebagi ange aagena.

Exodus 19:15

Gai Moses ga hai ange gi dangada, “Goodou haia gi paba ange goodou gi de hagadolu laangi. Gai denga daane gi dee hagahebaa ma olaadeu bodu.”

Ecclesiastes 3:4

e dahi masavaa e tangi ai, gai e dahi hogi masavaa e kada ai; e dahi masavaa e hinangalosaa ai, gai e dahi hogi masavaa e aanu ai;

Ecclesiastes 3:6

e dahi masavaa e ssala ai gi gidee, gai e dahi hogi masavaa e tuu ai de ssala, e dahi masavaa e doange ai, gai e dahi hogi masavaa e tili ai;

Joel 2:16

Hagabuni ina mai de huaadangada; haia gi dabu de hagabuulingaa dangada. Hagabuni ina denga daane maatua; hagabuni ina mai denga gauligi, ma denga gaagaa goi unuunu laa. Taane se goodo hai bodu gi sao mai i dono aabi, gai de hine se goodo hai bodu gi sao mai hogi i dono aabi.

1 Corinthians 7:5

Tangada gi dee daohia dono angaanga i dono bodu, deelaa donu huu noo gilaau gu heloongoi i dahi masavaa bodobodo, bolo gilaau ga kave hanu masavaa e dalodalo ai, muli mai gai gilaau gi aahe ange gi hagahebaa, gi dee hagataalea ai goodou i Satan, i hiidinga goodou e dee maua i de daohi goodou gi dee hagahebaa.

Joshua 10:27

Gai ga danu huu de laa, gai Joshua ga hai ange gi hanu gilaadeu gi dugua iho olaadeu angaanga, gai gilaadeu ga dugu iho olaadeu angaanga, ga maga ange gi lo te haonga olaadeu nogo mmuni ai laa. Gai gilaadeu ga hai hanu hadu nui ga pono ai ma te haonga laa, gai hadu laa e daakodo donu ga dae mai ai gi anailaa nei.