Ecclesiastes 3:4 - De Beebaa Dabu

⁴ e dahi masavaa e tangi ai, gai e dahi hogi masavaa e kada ai; e dahi masavaa e hinangalosaa ai, gai e dahi hogi masavaa e aanu ai;

Ecclesiastes 3:4 Iomraidhean Croise

Genesis 21:6

Gai Sarah ga hagadaba, “De Maadua gu hai au gi gadagada i dogu malangilangi; deenei ai, gilaadeu alodahi e langona de mee nei e kada naa madali au.”

2 Samuel 6:16

De masavaa o de ngavesi a Tagi Maolunga ne dae mai ai gi de aduhale o David, gai Michal, tamaa hine a Saul, e haina mai mee e hai i dahi abaaba damaa mee. Gai ia gu gidee de hodooligi go David e anu, ma de malangilangi i mada luu mada o Tagi Maolunga, gai ia gu kino i de ia.

Psalm 30:11

Koe gu hai au gi dee dangi gai gi anu; koe ne aau dogu malo daladala, gai ga hakahu mai au i de malangilangi,

Psalm 30:5

Go hiidinga dono lili e dee daulooloa donu, gai dono abodonu e dagodo i taulooloa odaadeu mouli. De dangi e humai i de boo, aagai de malangilangi e humai i taiao.

Exodus 15:20

Gai de pelaabisi go Miriam, taina hahine o Aaron, ne dagidagi dana tambourine i lo tono lima; gai denga haahine alodahi ga daudali ange i de ia ma alaadeu tambourine, gai gilaadeu ga hagadangidangi ma de aanu.

Ecclesiastes 3:5

e dahi masavaa e hagasii saele ai denga hadu, gai e dahi hogi masavaa e hagabudu ai denga hadu; e dahi masavaa e hagadau buuludi ai, gai e dahi hogi masavaa e tuu ai de hagadau buuludi;

Ecclesiastes 7:14

Malangilangi i de masavaa oou e duadonu ai, aagai koe gi donu iho i de masavaa o de hai ngadaa: go de Maadua ne haia luu mee nei ngaadahi. Deelaa ai, tangada e dee maua gi iloo dagodo o dono mouli i de masavaa e humai.

Isaiah 40:1

E hagadaba doodou Maadua: Hagaaneane ina, hagaaneane ina ogu dangada.

Isaiah 40:2

Hagamaamaane ina lodo o Jerusalem; daalaa ange gi de aduhale laa bolo gu odi ange dono masavaa hagaduasala, gai ono baubau gu maatala; Tagi Maolunga ne hai gi lua hanonga e kii ange ai dono hagaduasala i ono haisala.

Matthew 11:17

‘Gimaadeu e hagadangidangi i denga flute, gai goodou e dee aanu! Gimaadeu e hua taahili o de magau, gai goodou e dee hinangalosaa!’

Matthew 9:15

Iesu ne ssili ange gi gilaadeu, “E maua e gilaadeu ne saalaa i taonga hagahai bodu gi hinangalosaa, i de masavaa o taane gu dai hagahai bodu e noho ai i olaadeu daha? Gai e loomai naa donu laangi e kave gee ai taane gu dai hagahai bodu i olaadeu daha, gai gilaadeu ga hagahiikai ai.

Luke 1:58

Gai dangada e paa ange gi de ia aama dangada i dono huaabodu gu langona bolo Tagi Maolunga gu lodo aloha ange gi de ia, gai gilaadeu gu malangilangi madali ia.

Romans 12:15

Malangilangi madali gilaadeu e malangilangi, gai tangi madali gilaadeu e tangi.

2 Corinthians 7:10

Gai taemaha i de hagatau a de Maadua e hai ga dahuli de lodo e dagina ange laa tangada gi de hagamouli, gai e deai se lua lodo iai; aagai taemaha o henua i lalo e hano ga duu ange gi de magau.

James 4:9

Goodou llodo baubau ma de tangi aama de tangi see. Goodou gi dee kada aagai gi llodo baubau, gai haia gi dee malangilangi goodou gai gi daemaha.